Sɑkɑri 3:2 - Bibeli Gusunɔn Gari

² Mɑ Yinni Gusunɔn ɡɔrɑdo u Setɑm sɔ̃ɔwɑ u nɛɛ, Gusunɔ u nun ɡerusi wi, wi u Yerusɑlɛmu ɡɔsɑ. A ǹ yɛ̃ mɑ Yosue u sɑ̃ɑwɑ nɡe dɑ̃ɑ nɔɔ ɡe bɑ wunɑ dɔ̃ɔn di?

Sɑkɑri 3:2 ပူးပေါင်းရင်းမြစ်များ

Bɑndun Gɑri II 6:5

sɑɑ mìn di u win tɔmbu Isirelibɑ yɑrɑmɑ Eɡibitin di, u ǹ wuu ɡɑɡu ɡɔsɑ ben wusu ɡɑsu sɔɔ bu kɑ diru bɑni mi bɑ koo nùn sɑ̃. U ǹ mɑɑ ɡoo ɡɔsɑ u n kɑ sɑ̃ɑ win tɔmbun kpɑro.

Bɑndun Gɑri II 6:6

Adɑmɑ Yerusɑlɛmuwɑ u ɡɔsɑ bu kɑ nùn sɑ̃ɑ yeru bɑniɑ mi. Mɛyɑ u mɑɑ Dɑfidi ɡɔsɑ u n kɑ sɑ̃ɑ ben kpɑro.

Womusu 109:31

Domi u rɑ n wɑ̃ɑ bwɛ̃ɛbwɛ̃ɛbun bɔkuɔ u kɑ bu fɑɑbɑ ko be bɑ bu tɑɑrɛ wɛ̃ɛmɔn nɔmɑn di.

Esɑi 7:4

Kpɑ ɑ nùn sɔ̃ ɑ nɛɛ, u tii nɛnuɔ kɑ lɑɑkɑri. U ku bɛrum ko, u ku de win tororu tu kɑrɑ. Domi Sirin sinɑ boko kɑ Remɑliɑn biin mɔru ye, yɑ sɑ̃ɑwɑ nɡe dɑ̃ɑ nɔɔ si su wiisu mɔ̀.

Dɑniɛli 12:1

Sɑnɑm dɑ̃ɑkim sɔɔ, Misɛli, mɑleekɑ wi u sɑ̃ɑ tɑbu sunɔ, u koo seemɑ, wi, wi u kɑ wunɛ Dɑniɛlin tɔmbu yɔ̃. Sɑɑ ye, yɑ ko n sɑ̃ɑwɑ nɔni swɑ̃ɑrun tɔ̃ru tèn bweseru tɑ ǹ koore sɑɑ min di bwesenu nu toruɑ sere n kɑ sɑɑ ye ɡirɑri. Sɑɑ ye sɔɔrɑ wunɛn tɔmbu bɑ koo fɑɑbɑ wɑ bèn yĩsɑ yɑ yoruɑ wɑ̃ɑrun tireru sɔɔ.

Amɔsu 4:11

Nɑ bɛɛ surɑ nɑ kɔsukɑ nɡe Sodomu kɑ Gomɔrɑ ye nɑ kɑm koosiɑ. Mɑ i kuɑ nɡe dɑ̃ɑ nɔɔ ɡe bɑ wunɑ dɔ̃ɔn di. Adɑmɑ kɑ mɛ, i ǹ ɡɔsirɑmɛ nɛ, Yinni Gusunɔn mi.

Sɑkɑri 1:17

Win wusu su koo dukiɑ yibu. U koo mɑɑ Yerusɑlɛmu nukuru yɛmiɑsiɑ. Kpɑ u mɑɑ ye ɡɔsi win tiin sɔ̃. Wi, Gusunɔ, wɔllu kɑ tem Yinniwɑ u yeni ɡeruɑ.

Sɑkɑri 2:12

Domi wi, Gusunɔ wɔllu kɑ tem Yinni u nɛɛ, yenibɑn biru, Yerusɑlɛmun bɛɛrɛ yɑ koo wurɑmɑ. Wee u mɑn ɡɔriɔ bwese ni nu bɛɛn yɑ̃nu ɡurɑn mi. U nɛɛ, nù n mɑɑ bɛɛ bɑbɑ, yɑ sɑ̃ɑwɑ nɡe win tiin nɔniyɑ nu bɑbɑ.

Mɑɑku 1:25

Yesu u wɛrɛku ɡe ɡerusi u nɛɛ, ɑ mɑrio, kpɑ ɑ yɑri durɔ win min di.

Mɑɑku 9:25

Ye Yesu wɑ mɑ tɔn wɔru ɡɑ duki nɑɑmɔ ɡɑ mɛnnɑmɔ u wɛrɛku ɡe ɡerusi u nɛɛ, wɛrɛku wunɛ, wunɛ wi ɑ rɑ tɔnu ko soso kpɑ u kpɑnɑ u ɡɑri ɡere, ɑ bii wi doonɑrio, ɑ ku rɑ mɑɑ wurɑmɛ win mi.

Luku 22:32

Adɑmɑ nɑ kɑnɑru kuɑ wunɛn sɔ̃ kpɑ wunɛn nɑɑnɛ dokebu bu ku kɑ kpe. Sɑnɑm mɛ ɑ ɡɔsirɑmɑ nɛn mi, ɑ wunɛn berusebu dɑm kɛ̃ɛyɔ.

Luku 4:35

Mɑ Yesu u ɡu ɡerusi u nɛɛ, ɑ mɑrio, kpɑ ɑ doonɑ win min di. Ye wɛrɛku ɡe, ɡɑ durɔ wi tem kpɑrɑnɑ ben suunu sɔɔ, mɑ ɡɑ doonɑ, ɡɑ ǹ mɑɑ nùn mɛɛrɑ kue.

Luku 9:42

Sɑnɑm mɛ u kɑ bii wi susiɔ, wɛrɛku ɡe, ɡɑ nùn tem kpɑrɑnɑ mɑ ɡɑ nùn bemisiɑ. Adɑmɑ Yesu u ɡu ɡerusi u bii wi bɛkiɑ, mɑ u nùn win tundo wesiɑ.

Yohɑnu 13:18

N ǹ mɔ bɛɛ kpuron ɡɑriyɑ nɑ mɔ̀. Nɑ yɛ̃ be nɑ ɡɔsɑ. Adɑmɑ Gusunɔn ɡɑri yi ǹ koo ko yì kun koore yi yi nɛɛ, “Wi u kɑ mɑn dimɔ sɑnnu, u ɡɔsirɑ nɛn yibɛrɛ.”

Romu 16:20

Gusunɔ wi u ɑlɑfiɑ wɛ̃ɛmɔ, u koo bɛɛ Setɑm dɑm kɔrɑ ǹ n sosi bɛɛn nɑɑsun temɔ. Bɛsɛn Yinni Yesun durom mu n wɑ̃ɑ kɑ bɛɛ.

Romu 8:33

Wɑrɑ koo tɔmbu durum mɑni be Gusunɔ u ɡɔsɑ. Sɑri, domi Gusunɔn tiiwɑ u rɑ tɔnu ɡem wɛ̃.

Yohɑnu I 3:8

Wi u rɑ n torɑmɔ, Setɑmɡiiwɑ, domi sɑɑ toren diyɑ Setɑm torɑmɔ. Mɑ Gusunɔn Bii u nɑ u kɑ Setɑm sɔmɑ kpeerɑsiɑ.

Yudu 1:23

I n ɡɑbu ɡɑwɑmɔ dɔ̃ɔ sɔɔn di i n bu fɑɑbɑ mɔ̀. I mɑɑ ɡɑbun wɔnwɔndu wɑɑwo tɑ n kɑ bɛrum mɛnnɛ, ɑdɑmɑ i n ben torɑnu tusɑ sere kɑ ben yɑbenɔ ni ben dɑɑ yɑ disinu tɛɛni.

Yudu 1:9

Adɑmɑ Misɛli, wi u sɑ̃ɑ Gusunɔn ɡɔrɑdobɑn wiruɡii, u ǹ kɑ̃kɑ u Setɑm tɑɑrɛ wɛ̃ kɑ wɔmburu dɔmɑ te bɑ sɑnnɑ bɑ Mɔwisin ɡoru sikirinɛ, ɑdɑmɑ u Setɑm sɔ̃ɔwɑwɑ u nɛɛ, “Yinni Gusunɔwɑ u koo nun ɡerusi.”

Kɑ̃siru 17:14

Bɑ koo kɑ Yɑ̃ɑ kinɛ kpɛndu tɑbu ko, ɑdɑmɑ Yɑ̃ɑ kinɛ kpɛm te, tɑ koo bu tɑbu di yèn sɔ̃ tɑ sɑ̃ɑ yinnibun Yinni kɑ sinɑ boko. Mɑ be Gusunɔ u sokɑ u ɡɔsɑ, be bɑ sɑ̃ɑ bɔrɔkinibɑ, be kɑ Yɑ̃ɑ kinɛ kpɛm te sɑnnu bɑ koo mɑɑ sinɑm be tɑbu di.