Sɑkɑri 2:9 - Bibeli Gusunɔn Gari

⁹ Yinni Gusunɔ u mɑɑ nɛɛ, u ko n sɑ̃ɑ nɡe ɡbɑ̃rɑ dɔ̃ɔɡiru Yerusɑlɛmu yen sɔ̃. Mɛyɑ u ko n mɑɑ sɑ̃ɑ yen bɛɛrɛ.

Sɑkɑri 2:9 ပူးပေါင်းရင်းမြစ်များ

Esɑi 10:32

Gisɔ mɑm yibɛrɛ be, bɑ wɑ̃ɑ Nɔbuɔ bɑ ɡɑ̃senu kpɑrɑmɔ Siɔnin ɡuurɔ bu kɑ Yerusɑlɛmun tɔmbu nɑndɑsiɑ.

Esɑi 11:15

Yinni Gusunɔ u koo de Eɡibitin dɑɑrun nim mu ɡberɑ. U koo tu nɔmu dɛmiɛ u wom wure kɑ dɑm, kpɑ u tu bɔnu ko kɛri nɔɔbɑ yiru, kpɑ win tɔmbu bu tu tɔburɑ kɑ nɑɑsu.

Esɑi 12:6

Be bɑ wɑ̃ɑ Siɔniɔ, bu nuku dobun kuuki koowo, domi Isirelibɑn Yinni Dɛɛro u kpɑ̃, u mɑɑ wɑ̃ɑ ben suunu sɔɔ.

Esɑi 13:2

U nɛɛ, i ɡidi bɔrɑ yɔ̃rɑsio ɡuuru wɔllɔ mi ɡɑ̃ɑnu sɑri. I tɑbu kowobu nɔɔɡiru sueyo, kpɑ i bu yĩreru kuɑ kɑ nɔmɑ, kpɑ bu duki nɑ bu du Bɑbilonin kɔnnɔsun di.

Esɑi 14:2

Bwese dɑbinu nu koo kɑ Isirelibɑ wurɑmɑ ben temɔ, kpɑ bu bwese ni ko yobu tem mɛ Yinni Gusunɔ u bu wɛ̃ sɔɔ. Be bɑ rɑɑ Isirelibɑ yoru mwɛɛrɑ bɑ koo mɑɑ ben tii yoru mwɛɛri. Mɛyɑ be bɑ rɑɑ bu dɑm dɔre, bɑ koo mɑɑ ben tii dɑm dɔre.

Esɑi 19:16

Sɑnɑm mɛ Eɡibitiɡibɑ koo wɑ mɑ Yinni Gusunɔ u bu win nɔmu dɛmiɛ u kɑ bu sɛɛyɑsiɑ bɑ koo bɛrum soorɑ nɡe tɔn kurɔbu.

Esɑi 26:1

Sɑɑ ɡɑɑ sisi yè sɔɔ bɑ koo womu ɡeni ko Yudɑn tem sɔɔ bu nɛɛ, sɑ wuu dɑmɡuu mɔ. Yinni Gusunɔwɑ u ɡen ɡbɑ̃rɑru swĩi u kɑ ɡu kɔ̃su.

Esɑi 33:1

Bɔ̃rurobɑ bɛɛ, bɛsɛn yibɛrɛbɑ. Domi i tɔmbu wɔri i ben yɑ̃nu ɡurɑ mɑ i kɑ bu murɑfitiru kuɑ, bɑɑ mɛ bɑ ǹ bɛɛ yen ɡɑɑ kuɑre. Yen sɔ̃, ì n tɔmbu wɔri i kpɑ, i ben yɑ̃nu ɡurɑ, bɑ koo mɑɑ bɛɛ kuɑ nɡe mɛ. Mɛyɑ sɑɑ ye i bu murɑfitiru kuɑ i kpɑ, bɑ koo mɑɑ bɛɛ murɑfitiru kuɑ.

Esɑi 33:21

Miyɑ Yinni Gusunɔ u koo sun win ɡirimɑ sɔ̃ɔsi. U koo de sɑ n wɑ̃ɑ dɑɑ bɑkɑnun bɔkuɔ. Adɑmɑ yibɛrɛbɑn ɡoo nimkusu ku ǹ kpɛ̃ su sĩ mi, bɑɑ si su kpɑ̃ɑru bo.

Esɑi 4:5

Yen biru u koo de dɔ̃ɔ wii bɑkɑru tu Siɔnin ɡuuru kpuro kɑ mɛnnɔ yenu wukiri sɔ̃ɔ sɔɔ, kpɑ dɔ̃ɔ yɑrɑ yɑ n wɑ̃ɑ wɔ̃kuru ɡuu ten wɔllɔ, kpɑ win yiikon ɡirimɑ yu wuu ɡe wukiri,

Esɑi 48:16

Mɑ Esɑi u nɛɛ, i susimɑ nɛn bɔkuɔ kpɑ i nɔ. Sɑɑ yellun di, nɑ bɛɛ ye sɔ̃ɔwɑwɑ kpɑsɑsɑ. Sɑɑ yen toren diyɑ nɑ wɑ̃ɑ mi. Wee, tɛ̃ Yinni Gusunɔ u mɑn ɡɔrimɑ kɑ win Hunde.

Esɑi 60:18

Sɑɑ ye sɔɔ, bɑ ǹ mɑɑ sɑnnɔsun dɑmu nɔɔmɔ wunɛn temɔ. Mɛyɑ bɑ ǹ mɑɑ mu wɔrimɔ bu mɛn yɑ̃nu ɡurɑ kpɑ bu mu deri bɑnsu. Domi kon nun kɔ̃su nɡe ɡbɑ̃rɑru, kpɑ ɑ mɑn siɑrɑ nɛn fɑɑbɑn sɔ̃.

Esɑi 60:19

N ǹ mɑɑ sɔ̃ɔ u koo nun yɑm bururɑsiɑ sɔ̃ɔ sɔɔ. N ǹ mɑɑ suru u koo nun yɑm dɛɛrɑsiɑ wɔ̃kuru. Adɑmɑ nɛ, Yinni Gusunɔwɑ ko nɑ n nun yɑm bururɑsie sere kɑ bɑɑdommɑɔ, kpɑ ɑ bɛɛrɛ wɑ nɛn sɔ̃.

Yeremi 27:7

Bwesenu kpuro nu koo wi kɑ win bibu, kɑ win debuminu sɑ̃. Adɑmɑ sɑɑ ɡɑɑ koo nɑ yè sɔɔ bwese dɑmɡinu ni nu sinɑm dɑmɡibu mɔ, nu koo rɑ win tii kɑ win temɡibu yoru mwɑ.

Yeremi 28:9

Tɛ̃ Gusunɔn sɔmɔ ɡoo ù n seewɑ u bɔri yɛndun ɡɑri mɔ̀, ɑmɔnɑ tɔmbɑ koo kɑ tubu mɑ Gusunɔwɑ u yɛ̃ro ɡɔrimɑ, mɑ n kun mɔ ye u ɡeruɑ mi, yɑ koorɑ.

Yeremi 8:19

Wee, nɑ nɛn tɔmbun weeweenu nɔɔmɔ bɑɑmɑn di. Bɑ mɔ̀, Yinni Gusunɔ u sɑriwɑ Siɔniɔ? Yen sunɔ u ǹ mɑɑ wɑ̃ɑwɑ mi? Mɑ Yinni Gusunɔ u wisɑ u nɛɛ, mbɑn sɔ̃nɑ bɑ nɛn mɔru seeyɑ bɑ bũnu sɑ̃ɑmɔ nìn bwɑ̃ɑrokunu bɑ wɑɑmɑ tɔn tukobun min di.

Esekiɛli 39:10

Bɑ ǹ mɑɑ dɑ̃ɑ kɑso dɔɔ yɑkɑsɔ. Mɛyɑ bɑ ǹ mɑɑ dɑ̃ɑ burɑmɔ dɑ̃ɑ sɔ̃ɔwɔ bu kɑ doo ko. Domi tɑbu yɑ̃ɑ niyɑ bɑ koo kɑ dɔ̃ɔ sɔ̃re. Bɑ koo ben yibɛrɛbɑ mwɛɛri be, be bɑ rɑɑ bu mwɛɛrɑ. Bɑ koo tɔmbun yɑ̃nu ɡurɑ be bɑ rɑɑ ben yɑ̃nu ɡurɑ. Nɛ Yinni Gusunɔwɑ nɑ yeni ɡeruɑ.

Yoɛli 2:27

Sɑɑ ye sɔɔ, i ko i ɡiɑ mɑ nɑ wɑ̃ɑ bɛɛ Isirelibɑn suunu sɔɔ. Mɑ nɑ sɑ̃ɑ Gusunɔ bɛɛn Yinni. Nɛ bɑɑsi, Yinni ɡoo mɑɑ sɑri. Bɛɛ nɛn tɔmbu, i ǹ mɑɑ sekuru wɑsi.

Hɑbɑkuku 2:17

Dɑɑ kɔ̃sɑ ye u kuɑ Libɑniɔ, yɑ koo wɔri win wiru wɔllɔ. U yɛɛ ɡo. Adɑmɑ yɛɛ yi, yi koo nùn nɑndɑsiɑ. Yeni kpuro yɑ koo nùn deemɑ yɛm mɛ u yɑrin sɔ̃, kɑ dɑm mɛ u tem mɛ kɑ mɛn wusu kɑ mɛn tɔmbu dɔren sɔ̃.

Hɑbɑkuku 2:8

Nɡe mɛ u tɔn dɑbinu wɔri u nin yɑ̃nu ɡurɑ, nɡe mɛyɑ be bɑ tie, bɑ koo mɑɑ nùn wɔri bu win yɑ̃nu ɡurɑ yèn sɔ̃ u tɔmbun yɛm yɑri, mɑ u tem kɑ mɛn wusu kɑ mɛn tɔmbu dɑm dɔre.

Sofoni 2:9

Yen sɔ̃nɑ wi, Gusunɔ Isirelibɑn Yinni, wi, wi u wɔllu kɑ tem mɔ, u nɛɛ, sere kɑ win wɑ̃ɑru, u koo de Mɔɑbubɑ bu kɑm ko nɡe Sodomuɡibu, kpɑ Amɔnibɑ bu mɑɑ kɑm ko nɡe Gomɔrɑɡibu, ben tem mu yɑkɑ kɔ̃susu kpi, ǹ kun mɛ mu ɡɔsirɑ bɔru. Gɑ̃ɑnu kun mɑɑ kpiimɔ mi sere kɑ bɑɑdommɑɔ. Win tɔn be bɑ tie, bɑ koo Mɔɑbu be, kɑ Amɔni be wɔri bu ben yɑ̃nu ɡurɑ bu tem tubi di.

Sofoni 3:15

Yinni Gusunɔ u bɛɛn sɛɛyɑsiɑbu kpeesiɑ bi u koo rɑɑ bɛɛ ko. U bɛɛn yibɛrɛbɑ yɑrinɑsiɑ. Gusunɔ sinɑ boko, bɛɛ Isirelibɑn Yinni, u wɑ̃ɑ bɛɛn suunu sɔɔ. I ǹ mɑɑ kɔ̃sɑ ɡɑɑ wɑsi.

Sɑkɑri 2:11

Bɛɛ Yerusɑlɛmuɡibu, bɛɛ be i yoru dimɔ Bɑbiloniɔ, i kisirɑmɑ.

Sɑkɑri 2:8

Mɑ u nùn sɔ̃ɔwɑ u nɛɛ, ɑ dukɑ doo ɑ ɑluwɑɑsi wi sɔ̃ ɑ nɛɛ, Yerusɑlɛmu yɑ koo ko wuu ɡè bɑ ǹ mɑɑ ɡbɑ̃rɑru toosimɔ. Domi ɡen tɔmbu kɑ ɡen yɑɑ sɑbenu koo dɑbiɑ.

Sɑkɑri 4:9

Sorobɑbɛliwɑ u dii ten kpɛɛkpɛɛku swĩi. Wiyɑ u koo mɑɑ ten bɑnɑ wiru ɡo. Sɑɑ ye sɔɔrɑ nɛn tɔmbu bɑ koo ɡiɑ mɑ nɛ, Gusunɔ wɔllu kɑ tem Yinniwɑ nɑ nun ɡɔrimɑ.

Sɑkɑri 6:15

Mɑ Sɑkɑri u nɛɛ, be bɑ wɑ̃ɑ n tomɑ, bɑ koo nɑ bu sɑ̃ɑ yee te bɑni. Sɑɑ ye sɔɔrɑ bɑ koo ɡiɑ mɑ nɛ, Gusunɔ wɔllu kɑ tem Yinniwɑ nɑ nun ɡɔrimɑ. Yeni kpuro yɑ koo koorɑwɑ ì n nɛ, Gusunɔ bɛɛn Yinnin ɡere mɛm nɔɔwɑ mɑm mɑm.

Sɑkɑri 9:15

Nɛ, Gusunɔ, wɔllu kɑ tem Yinni, kon nɛn tɔmbu kɔ̃su. Bɑ koo ben yibɛrɛbɑ kɑmiɑ bu ben kpurɑntɛɛnun kpenu kɔsuku. Kon de yibɛrɛ ben yɛm mu yɑri nɡe tɑm, ǹ kun mɛ nɡe yɑ̃ku yɑɑ yɛm mɛ mu rɑ ɡbɛ̃ɛru yibu bu yɛ̃kɑ yɑ̃ku yerun kɑ̃ɑnɔ.

Yohɑnu 13:19

Nɑ bɛɛ yɑbu yeni sɔ̃ɔmɔwɑ sɑɑ tɛ̃n di yu sere koorɑ. Yɑ̀ n koorɑ kpɑ i kɑ nɑɑnɛ doke mɑ nɛnɑ yɛ̃ro wi.

Yohɑnu 16:4

Adɑmɑ nɑ bɛɛ ɡɑ̃ɑ nini sɔ̃ɔmɔwɑ, dɔmɑ te nin sɑɑ yɑ turɑ kpɑ i kɑ yɑɑyɑ mɑ nɑ rɑɑ bɛɛ nu sɔ̃ɔre. Yesu mɑɑ nɛɛ, nɑ ǹ dɑɑ bɛɛ ɡɑ̃ɑ nini sɔ̃ɔwɑ sɑɑ yellun di yèn sɔ̃ nɑ wɑ̃ɑ kɑ bɛɛ sɑnnu.