Sɑkɑri 2:8 - Bibeli Gusunɔn Gari

⁸ Mɑ u nùn sɔ̃ɔwɑ u nɛɛ, ɑ dukɑ doo ɑ ɑluwɑɑsi wi sɔ̃ ɑ nɛɛ, Yerusɑlɛmu yɑ koo ko wuu ɡè bɑ ǹ mɑɑ ɡbɑ̃rɑru toosimɔ. Domi ɡen tɔmbu kɑ ɡen yɑɑ sɑbenu koo dɑbiɑ.

Sɑkɑri 2:8 ပူးပေါင်းရင်းမြစ်များ

Torubu 20:6

Mɑ Yinni Gusunɔ u nùn wisɑ u nɛɛ, ɡeemɑ nɑ yɛ̃ mɑ ɑ ǹ tɑɑrɛ ɡɑɑ mɔ wunɛn ɡɔ̃ruɔ sɑnɑm mɛ ɑ yeni kuɑ. Yen sɔ̃nɑ nɑ ǹ dere ɑ nùn bɑbɑ kpɑ ɑ ku rɑ durum ko.

Sinɑmbu II 24:2

Adɑmɑ Yinni Gusunɔ u derɑ Bɑbilonin tɑbu kowobu kɑ Siriɡibu, kɑ Mɔɑbubɑ, kɑ Amɔniɡibu, bɑ Yoyɑkimu wɔri bu kɑ Yudɑbɑ kpeerɑsiɑ nɡe mɛ u ɡeruɑ sɑɑ win sɔmɔbun nɔɔn di.

Womusu 17:8

A nɛn lɑɑkɑri koowo nɡe mɛ tɔnu u rɑ n win nɔnin lɑɑkɑri mɔ. A mɑn beruo nɡe mɛ ɡuɑ yɑ rɑ yen binu bere yen kɑsɑ sɔɔ.

Mɔnnu 7:2

A nɛn ɡere mɛm nɔɔwɔ kpɑ ɑ wɑ ɑ wɑ̃ɑru di. A nɛn sɔ̃ɔsiru lɑɑkɑri koowo nɡe mɛ tɔnu rɑ n win nɔni lɑɑkɑri sɑ̃ɑ.

Esɑi 49:19

Wunɛn tem mɛ bɑ rɑɑ wɔri bɑ sɑnkɑ, tɔmbɑ koo dɑbiɑ mɛ sɔɔ bɑ n bɑɑsinɛ. Be bɑ rɑɑ mɑɑ nun dɑm dimɔ, bɑ koo doonɑ n tomɑ.

Yeremi 12:14

Yinni Gusunɔ u nɛɛ, bwese ni nu kɑ Isirelibɑ sikerenɛ, nu sɑ̃ɑwɑ tɔn kɔ̃sobu. Nu tem mɛ mwɑ mɛ nɛ, Yinni Gusunɔ nɑ Isirelibɑ wɛ̃ mu n sɑ̃ɑ ben tubi. Wee ye nɑ ɡerumɔ bwese nin sɔ̃. Nɑ nɛɛ, kon nu wukɑ sɑɑ nin tem di, kpɑ n Yudɑbɑ wunɑ nin suunu sɔɔn di.

Yeremi 27:7

Bwesenu kpuro nu koo wi kɑ win bibu, kɑ win debuminu sɑ̃. Adɑmɑ sɑɑ ɡɑɑ koo nɑ yè sɔɔ bwese dɑmɡinu ni nu sinɑm dɑmɡibu mɔ, nu koo rɑ win tii kɑ win temɡibu yoru mwɑ.

Esekiɛli 25:12

Wee ye Yinni Gusunɔ u ɡeruɑ. U nɛɛ, yèn sɔ̃ Edɔmubɑ bɑ torɑ bɑ Yudɑbɑ mɔru kɔsie,

Esekiɛli 25:15

Wee ye Yinni Gusunɔ u ɡeruɑ. U nɛɛ, wee Filisitibɑ bɑ Isirelibɑ mɔru kɔsie kɑ dɑm domi bɑ sɑ̃ɑwɑ ben yibɛrɛbɑ sɑɑ yellun di.

Esekiɛli 26:2

tɔnun bii, wee Tiriɡibu bɑ Yerusɑlɛmu yɛ̃ɛmɔ bɑ mɔ̀, wee yɑ kɑm kuɑ yèn mi ɡiɑ tɔmbu bɑ rɑ rɑɑ kpe bɑ̀ n ɡɑm dɔɔ. Tɛ̃ ben mi ɡiɑ tɔmbɑ koo wurɑ kpɑ be, bu ɡobi ko. Domi Yerusɑlɛmu yɑ kuɑ bɑnsu.

Esekiɛli 26:20

U koo de yu dɑ sere tem sɔɔwɔ mi yeruku tɔmbɑ wɑ̃ɑ kpɑ yɑ n kɔ̃ɔre mi. U koo de yɑ n wɑ̃ɑ mi kɑ ɡɔribu. Goo kun mɑɑ sinɑmɔ ye sɔɔ. Yɑ ǹ mɑɑ ɑyeru wɑsi wɑsobun suunu sɔɔ.

Esekiɛli 35:5

Wee tɑ kɑ Isirelibɑ yibɛrɛ tɛɛru nɛni sere kɑ ɡisɔ. Isirelibɑn wɑhɑlɑn sɑɑ sɔɔ, tɑ bu tɑkobi sɔkurɑ sɑnɑm mɛ ben durum yɑ yewɑ.

Esekiɛli 36:11

U koo de tɔmbu kɑ yɑɑ sɑbenu bu dɑbiɑ bu kɔwɑrɑ kpɑ bu sinɑ mi nɡe yellu. Kpɑ u bu ɡeɑ kuɑ n kere ye u rɑɑ kuɑ. Sɑɑ ye sɔɔ, bɑ koo ɡiɑ mɑ wiyɑ u sɑ̃ɑ Yinni Gusunɔ.

Esekiɛli 38:11

U koo ɡɔ̃ru doke u nɛɛ, u koo tem ɡɑm tɔmbu wɔri be bɑ wɑ̃ɑ bɔri yɛndu sɔɔ, bèn wusu su ǹ ɡbɑ̃rɑnu kɑ ɡɑmbobɑ mɔ.

Esekiɛli 38:14

Wunɛ tɔnun bii, ɑ Gɔɡu sɔ̃ɔwɔ ɑ nɛɛ, ɑmɛniwɑ nɛ Yinni Gusunɔ nɑ ɡerumɔ. Nɑ nɛɛ, dɔmɑ te nɛn tɔmbu Isirelibɑ bɑ koo sinɑ bɔri yɛndu sɔɔ, u ko n yɛ̃.

Amɔsu 1:11

Nɛ, Yinni Gusunɔ nɑ nɛɛ, Edɔmubɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ ben mɛro bisibu Isirelibɑ nɑɑ swĩi kɑ tɑkobi. Bɑ ǹ bu wɔnwɔndu kue. Ben mɔru kun mɑɑ sure. Mɑ bɑ kɑ bu wɛrɛru sɑ̃ɑ dim dim sɑɑ kpuro.

Amɔsu 1:13

Nɛ, Yinni Gusunɔ nɑ nɛɛ, Amɔnibɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ ɡuriɡibun nukunu bɛsukɑ Gɑlɑdiɔ, sɑɑ ye bɑ Gɑlɑdiɡii ben tem mwɑɑmɔ beɡim mu kɑ yɑsiɑn sɔ̃.

Amɔsu 1:9

Nɛ, Yinni Gusunɔ nɑ nɛɛ, Fenisibɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Isireli dɑbi dɑbinu yoru mwɛɛrɑ bɑ Edɔmubɑ nɔmu bɛriɑ. Bɑ ǹ ben ɑrukɑwɑni yibie ye bɑ rɑɑ kɑ bu bɔkuɑ.

Misee 4:11

Tɛ̃, bwese dɑbinu nu mɛnnɑmɔ nu kɑ bɛɛ seesi. Nu mɔ̀, su de ben wuu Yerusɑlɛmu ye, yu bɛɛrɛ biɑ, yu ko bɑnsu. Kpɑ sɑ n su mɛɛrɑ.

Misee 5:6

Isireli be bɑ tiɑrɑ bɑ ko n wɑ̃ɑ tɔn dɑbinun suunu sɔɔ nɡe kɑko ɑrufɑɑniɡiru te Yinni Gusunɔ u derɑ tɑ wɔrumɑ, ǹ kun mɛ nɡe ɡurɑ ye yɑ nɛmɔ tɛɛru, yɑ ǹ ɡɑ̃ɑnu yĩiyɔ tɔnun min di.

Misee 7:10

Bɛsɛn yibɛrɛbɑ bɑ koo ye wɑ. Sɑɑ ye sɔɔrɑ bɑ koo sekuru wɑ, be, be bɑ rɑ rɑɑ bikie bu nɛɛ, mɑnɑ Gusunɔ bɛsɛn Yinni u wɑ̃ɑ. Bɑ koo bu tɑɑku nɡe pɔtɔkɔ, kpɑ su bu yɛ̃ɛ.

Hɑbɑkuku 2:17

Dɑɑ kɔ̃sɑ ye u kuɑ Libɑniɔ, yɑ koo wɔri win wiru wɔllɔ. U yɛɛ ɡo. Adɑmɑ yɛɛ yi, yi koo nùn nɑndɑsiɑ. Yeni kpuro yɑ koo nùn deemɑ yɛm mɛ u yɑrin sɔ̃, kɑ dɑm mɛ u tem mɛ kɑ mɛn wusu kɑ mɛn tɔmbu dɔren sɔ̃.

Hɑbɑkuku 2:8

Nɡe mɛ u tɔn dɑbinu wɔri u nin yɑ̃nu ɡurɑ, nɡe mɛyɑ be bɑ tie, bɑ koo mɑɑ nùn wɔri bu win yɑ̃nu ɡurɑ yèn sɔ̃ u tɔmbun yɛm yɑri, mɑ u tem kɑ mɛn wusu kɑ mɛn tɔmbu dɑm dɔre.

Sofoni 2:8

U Mɔɑbubɑ kɑ Amɔnibɑn wɔmɑ nuɑ ye bɑ kɑ win tɔmbu sekuru doke. Mɑ bɑ tii suɑ bɑ ben tem nɔɔ burɑ yenu susisiɑ.

Sɑkɑri 2:11

Bɛɛ Yerusɑlɛmuɡibu, bɛɛ be i yoru dimɔ Bɑbiloniɔ, i kisirɑmɑ.

Sɑkɑri 2:9

Yinni Gusunɔ u mɑɑ nɛɛ, u ko n sɑ̃ɑ nɡe ɡbɑ̃rɑ dɔ̃ɔɡiru Yerusɑlɛmu yen sɔ̃. Mɛyɑ u ko n mɑɑ sɑ̃ɑ yen bɛɛrɛ.

Sɑkɑri 8:5

Bii ɑluwɑɑsibɑ kɑ bii wɔndiɑbɑ bɑ koo yibu yen bɑtumɑ be sɔɔ bɑ n dweebu mɔ̀.

Mɑlɑsi 3:1

Mɑ Gusunɔ wɔllu kɑ tem Yinni u wisɑ u nɛɛ, wee kon nɛn sɔmɔ ɡɔrimɑ. U koo nɛn swɑɑ sɔmɛ. Kpɑ Yinni wi i kɑsu mi, u du win sɑ̃ɑ yerɔ subɑru sɔɔ. Wee sɔmɔ wi i kĩ mi, u sisi u kɑ nɛn ɑrukɑwɑnin ɡɑri kpɑrɑ.

Mɑteu 25:40

Sunɔ u koo bu wisi u nɛɛ, kɑ ɡeemɑ nɑ bɛɛ sɔ̃ɔmɔ, mɛn nɔ i bwɛ̃ɛbwɛ̃ɛ benin turo ye kuɑ nɛnɑ i kuɑ.

Mɑteu 25:45

Sunɔ u koo bu wisi u nɛɛ, kɑ ɡeemɑ nɑ bɛɛ sɔ̃ɔmɔ, mɛn nɔɔ i ǹ bwɛ̃ɛbwɛ̃ɛ benin turo ye kue, nɛnɑ i ǹ ye kue.

Yohɑnu 14:26

Adɑmɑ Hunde Dɛɛro, Dɑm kɛ̃ɔ wi, wi Bɑɑbɑ koo ɡɔrimɑ kɑ nɛn yĩsiru, wiyɑ u koo bɛɛ bɑɑyere keu sɔ̃ɔsi, u koo mɑɑ bɛɛ ye kpuro yɑɑyɑsiɑ ye nɑ bɛɛ sɔ̃ɔwɑ.

Yohɑnu 17:18

Nɡe mɛ ɑ mɑn ɡɔrimɑ hɑnduniɑɔ, mɛyɑ nɑ mɑɑ bu ɡɔrɑ hɑnduniɑ sɔɔ.

Gɔrobun Kookoosu 9:4

Yerɑ u wɔrumɑ temɔ, mɑ u nɔɔ ɡɑɡu nuɑ ɡɑ nɛɛ, Sɔɔlu, Sɔɔlu, mbɑn sɔ̃nɑ ɑ mɑn nɔni sɔ̃ɔmɔ.

Sɔ̃ɔsiru 32:10

Yinni Gusunɔ u bu deemɑ ɡbɑburɔ mi ɡbeeku bɔ̃nu nu ɡberi. Mɑ u bu suɑ u nɔɔri u keu sɔ̃ɔsi. U ben lɑɑkɑri mɔ nɡe win tiin nɔni.

Tɛsɑlonikɑ II 1:6

Domi Gusunɔ u koo ko ye n sɑ̃ɑ dee dee, u koo bu nɔni sɔ̃ be bɑ bɛɛ nɔni sɔ̃ɔmɔ.

Yohɑnu I 4:14

Bɛsɛ mɑɑ sɑ wɑ, sɑ mɑɑ seedɑ dimɔ mɑ Bɑɑbɑ u win Bii ɡɔrimɑ u kɑ ko hɑnduniɑn Fɑɑbɑ kowo.