Sɑkɑri 2:11 - Bibeli Gusunɔn Gari

¹¹ Bɛɛ Yerusɑlɛmuɡibu, bɛɛ be i yoru dimɔ Bɑbiloniɔ, i kisirɑmɑ.

Sɑkɑri 2:11 ပူးပေါင်းရင်းမြစ်များ

Womusu 72:17

Kpɑ nɛ sinɑ bokon yĩsiru tɑ n yɑrɑ sere kɑ bɑɑdommɑɔ, bɑ n tu soku mɛ̀n nɔɔ sɔ̃ɔ yɑrimɔ. Tɔmbu bɑ̀ n ben winsim domɑru kuɑmmɛ, bɑ n dɑ nɛn yĩsiru soku, kpɑ bwesenu kpuro nu nɛɛ, doo nɔɔruɡiiwɑ nɛ sinɑ boko.

Yɑribu 12:49

Woodɑ tiɑ ye, yɑ kɑ bɛɛ kpuro yɑ̃, bɛɛ Isirelibɑ kɑ sere sɔɔ be bɑ wɑ̃ɑ bɛɛn mi.

Esɑi 45:14

Yinni Gusunɔ u Isirelibɑ sɔ̃ɔwɑ u nɛɛ, Eɡibitiɡibu kɑ Etiopiɡibun dukiɑ yɑ koo ko bɛɛɡiɑ, kpɑ Sebɑɡii be bɑ ɡunu bu nɑ bɛɛn mi, bu ko bɛɛn yobu. Bwese ni kpuro nu ko n bɛɛ swĩiwɑ bɑ n nu yɔni bɔkuɑ. Nu koo yiirɑ bɛɛn wuswɑɑɔ kpɑ nu wurɑ nu nɛɛ, bɛɛ tɔnɑn miyɑ nɛ, Gusunɔ nɑ wɑ̃ɑ. Goo mɑɑ sɑri nɡe nɛ.

Esɑi 48:16

Mɑ Esɑi u nɛɛ, i susimɑ nɛn bɔkuɔ kpɑ i nɔ. Sɑɑ yellun di, nɑ bɛɛ ye sɔ̃ɔwɑwɑ kpɑsɑsɑ. Sɑɑ yen toren diyɑ nɑ wɑ̃ɑ mi. Wee, tɛ̃ Yinni Gusunɔ u mɑn ɡɔrimɑ kɑ win Hunde.

Esɑi 52:10

U koo win dɑm kɑ win dɛɛrɑru bwesenu kpuro sɔ̃ɔsi, kpɑ bu wɑ hɑnduniɑn ɡoonu nnɛ kpuro sɔɔ mɑ u win tɔmbu fɑɑbɑ kuɑ.

Esɑi 52:11

Bɛɛ be i Yinni Gusunɔn sɑ̃ɑ yerun dendi yɑ̃nu sɔɔwɑ i kɑ wee, i tii dɛɛrɑsio. Kpɑ i se i yɑri Bɑbilonin di. I ku ɡɑ̃ɑnu ɡɑnu bɑbɑ ni nu disi mɔ.

Esɑi 66:19

Kon nɛn dɑm yĩreru doke ben suunu sɔɔ. Kon de be bɑ yɑrɑ nɛn siribun di bu dɑ bu nɛn yiiko kpɑrɑ Tɑɑsisiɔ, kɑ Puluɔ, kɑ Ludiɔ mi tɛn towobɑ wɑ̃ɑ, kɑ Tubɑliɔ kɑ Yɑfɑniɔ kɑ sere mi n tomɑ, mi bɑ ǹ nɛn ɡɑri nɔɔre, bɑ ǹ mɑɑ nɛn yiiko wɑɑre.

Yeremi 16:19

Yeremi u nɛɛ, Yinni Gusunɔ, ɑ sɑ̃ɑwɑ nɛn dɑm kɑ nɛn kuku yee dɑmɡiru, nɔni swɑ̃ɑrun sɑɑ. Wunɛn miyɑ hɑnduniɑn ɡoonu nnɛ kpuron tɔmbu bɑ koo nɑ, kpɑ bu nɛɛ, weesɑ ben bɑɑbɑbɑ bɑ swĩi. Ben bũnu nu ǹ ɡɑ̃ɑnu sosi, nu sɑ̃ɑwɑ kɑm dirum.

Yeremi 50:8

Bɛɛ Isirelibɑ, i yɑrio i duki su Bɑbilonin di, nɡe boo ni nu ɡɔ̃ɔ ɡbiiye.

Esekiɛli 33:33

Adɑmɑ ye ɑ bu sɔ̃ɔwɑ mi kpuro yɑ̀ n koorɑ, bɑ koo ɡiɑ mɑ nɛn sɔmɔ u wɑ̃ɑ ben suunu sɔɔ.

Misee 4:2

nu nɛɛ, i nɑ su dɑ Yerusɑlɛmuɔ Yinni Gusunɔn ɡuurɔ mi Isirelibɑ bɑ rɑ nùn sɑ̃, kpɑ u sun win swɛɛ sɔ̃ɔsi su sĩ yi sɔɔ. Min diyɑ u koo win woodɑ yɑrɑ kpɑ u ɡɑri ɡerumɑ.

Sɑkɑri 1:16

Yen sɔ̃nɑ wi, Gusunɔ wɔllu kɑ tem Yinni u nɛɛ, u koo Yerusɑlɛmun wɔnwɔndu ko. Bɑ koo win sɑ̃ɑ yeru bɑni. Kpɑ bu Yerusɑlɛmun kpɛɛkpɛɛku yĩire.

Sɑkɑri 2:5

Ye Sɑkɑri u mɑɑ mɛɛrɑ, yerɑ u durɔ ɡoo wɑ u wɛ̃ɛ yĩirutii nɛni.

Sɑkɑri 3:10

Wi, Gusunɔ wɔllu kɑ tem Yinni u nɛɛ, yen tɔ̃ɔ te, i ko i sokunɑ i nuku dobu ko bɔri yɛndun sɔ̃ bɛɛn dɑ̃ɑ ɡbɑɑnɔ.

Sɑkɑri 8:3

Yen sɔ̃nɑ nɑ nɛɛ, kon wurɑ Yerusɑlɛmu ye sɔɔ kpɑ nɑ n wɑ̃ɑ mi. Bɑ koo ye soku wuu ɡemɡuu. Kpɑ bu mɑɑ nɛ, Gusunɔ wɔllu kɑ tem Yinnin ɡuu te soku ɡuu dɛɛrɑru.

Sɑkɑri 8:8

Kon kɑ bu wurɑmɑ kpɑ bu sinɑ Yerusɑlɛmuɔ bɑ n sɑ̃ɑ nɛn tɔmbu kpɑ nɑ n mɑɑ sɑ̃ɑ ben Yinni ɡemɡii wi u nɑɑnɛ mɔ.

Mɑlɑsi 1:11

Domi hɑnduniɑn ɡoonu nnɛ sɔɔ tɔmbɑ nɛn kpɑ̃ɑru yɛ̃. Bɑɑmɑ bɑ mɑn turɑre dɔ̃ɔ dokeɑmmɛ mɑ bɑ mɑn yɑ̃ku ɡeenu kuɑmmɛ bu kɑ mɑn bɛɛrɛ wɛ̃. Kɑ ɡem tɔmbu kpurowɑ bɑ nɛn kpɑ̃ɑru yɛ̃.

Luku 2:32

Yeyɑ yɑm bururɑm mɛ mu koo tɔn tukobu wunɛn swɑɑ sɔ̃ɔsi. Mu koo mɑɑ wunɛn tɔmbu Isirelibɑ bɛɛrɛ doke.

Yohɑnu 17:21

Nɑ kɑnɑmɔwɑ be kpuro bɑ n kɑ sɑ̃ɑ tiɑ. Nɡe mɛ wunɛ Bɑɑbɑ ɑ wɑ̃ɑ nɛ sɔɔ, mɑ nɑ mɑɑ wɑ̃ɑ wunɛ sɔɔ, ɑ de bu ko tiɑ bɛsɛ sɔɔ. Kpɑ hɑnduniɑɡibu bu kɑ nɑɑnɛ doke mɑ wunɑ ɑ mɑn ɡɔrimɑ.

Yohɑnu 17:23

Nɛ nɑ wɑ̃ɑ be sɔɔ, wunɑ ɑ mɑɑ wɑ̃ɑ nɛ sɔɔ, kpɑ bu kɑ ko tiɑ mɑm mɑm. Kpɑ hɑnduniɑ yu kɑ ɡiɑ mɑ wunɑ ɑ mɑn ɡɔrimɑ, ɑ mɑɑ bu kĩ nɡe mɛ ɑ mɑn kĩ.

Yohɑnu 17:25

Bɑɑbɑ ɡemɡii, hɑnduniɑɡibɑ kun nun yɛ̃, ɑdɑmɑ nɛ nɑ nun yɛ̃, mɑ beni bɑ tubɑ mɑ wunɑ ɑ mɑn ɡɔrimɑ.

Gɔrobun Kookoosu 28:28

Pɔlu u mɑɑ nɛɛ, ǹ n mɛn nɑ, i n yɛ̃ mɑ Gusunɔ u derɑ win fɑɑbɑ ye, yɑ dɑ tɔn tukobun mi. Beyɑ bɑ koo ye swɑɑ dɑki. [

Kɑ̃siru 11:15

Yen biru wɔllun ɡɔrɑdo nɔɔbɑ yiruse u win kɔbɑ so. Yerɑ nɔɔ dɑmɡisu nɔɔrɑ Gusunɔ wɔllɔ su nɛɛ, hɑnduniɑ yenin bɑndɑ kuɑ Gusunɔ bɛsɛn Yinni kɑ win Kirisiɡiru. U ko n bɑndu dii sere kɑ bɑɑdommɑɔ.