Sɑkɑri 14:6 - Bibeli Gusunɔn Gari

⁶ Yen tɔ̃ɔ te, yɑm bururɑm mu ǹ ko n mɑɑ wɑ̃ɑ. Purɑ yɑ ko n wɑ̃ɑ kɑ sere mɑɑ nim mɛ mu ɡɔsirɑ nɡe kperu.

Sɑkɑri 14:6 ပူးပေါင်းရင်းမြစ်များ

Womusu 112:4

Tɔn ɡeo wi u wɔnwɔndu mɔ, u rɑ kɑ tɔnu duure, u mɑɑ sɑ̃ɑ ɡemɡii, wɔ̃kurɑ yɑm dɛɛrɑmɔ win sɔ̃.

Esɑi 13:10

Wɔllun kperi kun mɑɑ yɑm dɛɛrɑsiɑmɔ. Sɔ̃ɔ ù n yɑriɔ, min diyɑ u ko n yɑm tĩrɑmɔ. Mɛyɑ suru kun mɑɑ yɑm bururɑsiɑmɔ.

Esɑi 24:23

Sɔ̃ɔ kɑ suru bɑ koo sekuru wɑ. Gusunɔ, wɔllu kɑ tem Yinni, u ko n win bɑndu diiwɑ Siɔnin ɡuurɔ, Yerusɑlɛmuɔ, kpɑ win tɔmbun ɡuro ɡurobu bu win yiiko wɑ.

Esɑi 50:10

Bɛɛ sɔɔ, wi u Yinni Gusunɔ nɑsie, u win sɔm kowon nɔɔ nɔɔwɔ. Wi u sĩimɔ yɑm wɔ̃kuru sɔɔ, u Yinni Gusunɔ nɑɑnɛ koowo, kpɑ u n tɑ̃sɑ wi sɔɔ.

Yeremi 4:23

Nɑ tem mɛɛrɑ mɑ mu sɑ̃ɑ bitɑm, ɡɑ̃ɑnu sɑri mɛn wɔllɔ. Nɑ mɑɑ wɔllu mɛɛrɑ, nɑ deemɑ yɑm bururɑm sɑri mi.

Esekiɛli 32:7

Sɑnɑm mɛ u koo ɡbi, kon de wɔllu tu tĩrɑ. Kon kperin yɑm bururɑm ɡo kpɑ ɡuru wiru tu sɔ̃ɔ wukiri, kpɑ suru u ku mɑɑ yɑm bururɑsiɑ.

Esekiɛli 32:8

Kon wɔllun fitilɑnu kpuro ɡo win sɔ̃. Kpɑ n de yɑm mu tĩrɑ win tem sɔɔ. Nɛ, Yinni Gusunɔwɑ nɑ yeni ɡeruɑ.

Osee 6:3

I de su kɑsu su nùn ɡiɑ. Nɡe mɛ sɑ rɑ n yɛ̃ kɑm kɑm mɑ sɔ̃ɔ u koo yɑri, nɡe mɛyɑ sɑ n mɑɑ yɛ̃ mɑ u koo nɑ. U koo nɑwɑ nɡe tom buruku ɡurɑ ye yɑ rɑ tem yɛmiɑsie.

Yoɛli 2:2

Tɔ̃ɔ te, tɑ tĩriwɑ. Tɑ ɡuru wiru kɑ bukɔ sɔɔwɑ. Mɑ twee wuurɑ wee yi dɑbi, yi mɑɑ dɑm mɔ. Yin wuu te, tɑ tĩriwɑ nɡe yɑm wɔ̃kurɑ ɡuuru wukiri. Sɑ ǹ yen bweseru wɑɑre. Sɑ ǹ mɑɑ yen bweseru wɑsi.

Yohɑnu 1:5

Yɑm bururɑm mɛ, mu bɑllimɔ yɑm wɔ̃kurɔ. Yɑm wɔ̃ku te, tɑ ǹ mɑɑ yɑm bururɑm mɛ ɡo.

Yohɑnu 12:46

Nɛ nɑ nɑ hɑnduniɑɔ nɡe yɑm bururɑm, kpɑ bɑɑwure wi u mɑn nɑɑnɛ doke u kun kɑ wɑ̃ɑ yɑm wɔ̃kuru sɔɔ.

Gɔrobun Kookoosu 2:16

Adɑmɑ ye i wɑɑmɔ buru teni, yerɑ ye Gusunɔn sɔmɔ Yoɛli u rɑɑ ɡeruɑ.

Gɔrobun Kookoosu 2:19

Kon ɡɑ̃ɑ mɑɑmɑɑkiɡinu sɔ̃ɔsi wɔllɔ, kɑ mɑɑ yĩrenu temɔ, nɡe yɛm kɑ dɔ̃ɔ kɑ dɔ̃ɔ wiisu.

Kolose 1:12

I n Bɑɑbɑ siɑrɑmɔ wi u derɑ i bɔnu mɔ tubi sɔɔ ye Gusunɔ u nɑɑnɛ dokeobu yiiye yɑm bururɑm sɔɔ.

Piɛɛ II 1:19

Nɡe mɛyɑ Gusunɔn sɔmɔbun ɡɑri yi sirerɑ. N weenɛ i yi swɑɑ dɑki domi yi sɑ̃ɑwɑ nɡe fitilɑ ɡe ɡɑ bɑllimɔ yɑm wɔ̃kurɔ sere yɑm mu kɑ sɑ̃rɑ kpɑ Yesu wi u sɑ̃ɑ nɡe yɑm sɑ̃rerun kperɑ yu kɑ bɛɛn ɡɔ̃rusu bururɑsiɑ.

Kɑ̃siru 11:15

Yen biru wɔllun ɡɔrɑdo nɔɔbɑ yiruse u win kɔbɑ so. Yerɑ nɔɔ dɑmɡisu nɔɔrɑ Gusunɔ wɔllɔ su nɛɛ, hɑnduniɑ yenin bɑndɑ kuɑ Gusunɔ bɛsɛn Yinni kɑ win Kirisiɡiru. U ko n bɑndu dii sere kɑ bɑɑdommɑɔ.

Kɑ̃siru 11:3

U koo de win seedɑ diobu yiru bu win ɡɑri ɡere bɑ n sɑɑkibɑ sebuɑ, sere sɔ̃ɔ nɔrɔbu kɑ ɡoobu kɑ wɑtɑ (1.260).