Sɑkɑri 14:4 - Bibeli Gusunɔn Gari

⁴ Yen tɔ̃ɔ te, u koo win nɑɑsu sɔndi Olifin ɡuurɔ te tɑ wɑ̃ɑ Yerusɑlɛmun dee deeru, sɔ̃ɔ yɑri yeru ɡiɑ. Olifin ɡuu te, tɑ koo bɛsirɑ suunuɔ sɑɑ sɔ̃ɔ yɑri yerun di sere sɔ̃ɔ duu yerɔ. Wɔwi bɑkɑ yɑ koo yɑri ten suunu sɔɔ. Guu ten bee tiɑ yɑ koo dɑ sɔ̃ɔ yɛ̃sɑn nɔm ɡeu ɡiɑ kpɑ bee tiɑ yu mɑɑ dɑ sɔ̃ɔ yɛ̃sɑn mɔm dwɑru ɡiɑ.

Sɑkɑri 14:4 ပူးပေါင်းရင်းမြစ်များ

Sɑmuɛli II 15:30

Mɑ Dɑfidi u Olifin ɡuuru yɔɔmɔ kɑ swĩi u yɑsɑ wiru wukiri, u sĩimɔ kɑ nɑɑ dirusu. Nɡe mɛyɑ win bwɑ̃ɑ be bɑ kɑ nùn dɔɔ bɑ mɑɑ kuɑ. Bɑ ɡuu te yɔɔmɔ kɑ swĩi bɑ yɑsi wiru wukiri.

Esekiɛli 11:23

Mɑ win yiikon ɡirimɑ ye, yɑ seewɑ wuu suunun di yɑ dɑ yɑ wɑ̃ɑ ɡuuru ɡɑrun wɔllɔ, wuun sɔ̃ɔ yɑri yeru ɡiɑ.

Esekiɛli 38:20

Swɛ̃ɛ kɑ ɡunɔsu koo diiri bɛrum sɔ̃ nɛn wuswɑɑɔ kɑ sere ɡbeeku yɛɛ kɑ yɛɛ yi yi rɑ kɑbiri kɑ tɔmbu kpuro. Guunu nu koo wɔruku kpɑ kpenu nu kɑnkirɑ kpɑ ɡbɑ̃rɑnu kpuro nu wɔruku.

Esekiɛli 43:2

Yerɑ Gusunɔ Isirelibɑn Yinnin yiiko yɑ nɑ sɑɑ sɔ̃ɔ yɑri yeru ɡiɑn di. Mɑ win nɔɔ ɡɑ nɔɔrɑmɔ nɡe nim bɑkɑm. Mɑ tem mu win yiikon ɡirimɑ yibɑ.

Hɑbɑkuku 3:6

À n yɔ̃rɑ, tem mu rɑ yĩiriwɑ. À n bwesenu mɛɛrɑ, nu rɑ diiriwɑ. Guu ni nu wɑ̃ɑ sɑɑ yee yellun di, nu wɔrukɑ, ɡunɡuu ni nu wɑ̃ɑ sɑɑ tɛɛbun di, nu kɔsikirɑ, domi niyɑ nu rɑɑ sɑ̃ɑ wunɛn swɑɑ ye ɑ rɑ sĩ.

Sɑkɑri 14:10

Isirelibɑn tem kpuro mu koo ɡɔsiɑ wɔwɑ sɑɑ Gebɑn di sɔ̃ɔ yɛ̃sɑn nɔm ɡeu ɡiɑ n kɑ dɑ Rimɔɔwɔ Yerusɑlɛmun sɔ̃ɔ yɛ̃sɑn nɔm dwɑru ɡiɑ. Sɑɑ ye sɔɔ, Yerusɑlɛmu yɑ koo yĩsiru yɑri kpɑ yɑ n wɑ̃ɑ yen ɑyerɔ. Yɑ ko n wɑ̃ɑwɑ sɑɑ kɔnnɔ ɡe bɑ mɔ̀ Bɛnyɑmɛɛn di, n kɑ dɑ kɔnnɔ ɡbiikuuɔ, sere kɑ kɔnnɔwɔ ɡe bɑ mɔ̀ ɡɑni ɡɔmbunu. Sɑɑ mɑɑ kɔ̃su yee te bɑ mɔ̀ Hɑnɑnɛɛlin di, n kɑ ɡirɑri sinɑ bokon resɛm ɡɑmɑ yerɔ.

Sɑkɑri 14:7

Tɔ̃ɔ te, tɑ ko n sɑ̃ɑwɑ nɛnɛm te Yinni Gusunɔ u yɛ̃. Bɑ ǹ wɔ̃kuru kɑ sɔ̃ɔ sɔɔ wunɑnɑmɔ. Adɑmɑ yokɑ, yɑm bururɑm mu koo sɔ̃ɔsirɑ.

Sɑkɑri 14:8

Yen tɔ̃ɔ te, nim ɡem mu koo yɑri Yerusɑlɛmun di kpɑ mɛn sukum mu koku mu dɑ nim wɔ̃kuɔ ɡe ɡɑ wɑ̃ɑ sɔ̃ɔ yɑri yeru ɡiɑ, kpɑ sukum mu dɑ nim wɔ̃ku ɡe ɡɑ wɑ̃ɑ sɔ̃ɔ duu yeru ɡiɑ. Nɡe mɛyɑ n ko n sɑ̃ɑ sɔ̃ɔ sɑ̃reru kɑ ɡurɑn sɑɑ.

Sɑkɑri 4:7

U mɑɑ nɛɛ, Sɑkɑri, mbɑ n dɑ n ɡuu bɑkɑ te tɑ wɑ̃ɑ Sorobɑbɛlin wuswɑɑɔ. Sorobɑbɛli wi, u koo tu kɔrɑ kpɑ u kpee ɡeeru yɑrɑ te bɑ koo sɔndi sɑ̃ɑ yerun wii kpiirɔ. Sɑɑ ye sɔɔ, tɔmbu bɑ koo nuku dobun kuuki ko bɑ n mɔ̀ ɑnnɑ ɑ kpee burɑru wɑ.

Mɑɑku 11:23

Kɑ ɡeemɑ nɑ bɛɛ sɔ̃ɔmɔ, bɑɑwure wi u ɡuu teni sɔ̃ɔmɔ tu seewo tu tii sure nim wɔ̃ku sɔɔ, mɑ u kun sikɑ sikɑ mɔ̀ win ɡɔ̃ruɔ kpɑ u n nɑɑnɛ doke ye u ɡerumɔ sɔɔ mɛyɑ n koo mɑɑ nùn koorɑ.