Sɑkɑri 12:6 - Bibeli Gusunɔn Gari

⁶ Yen tɔ̃ɔ te sɔɔ, kon Yudɑbɑn wiruɡibu kowɑ nɡe dɔ̃ɔ boko dɑ̃ɑ sɔ̃ɔwɔ, ǹ kun mɛ nɡe wii bɔn tèn dɔ̃ɔ bɑ sɔkɑ dĩɑ bɔkunu sɔɔ. Bɑ koo bwese ni nu kɑ bu sikerenɛ kɑmiɑwɑ mɑm mɑm. Adɑmɑ Yerusɑlɛmuɡibu bɑ ko n sɔ̃wɑ ben temɔ.

Sɑkɑri 12:6 ပူးပေါင်းရင်းမြစ်များ

Esɑi 54:3

Domi kɑɑ kɔwɑrɑ bɑɑmɑ. Wunɛn bibun bweseru tɑ koo bwese ni nu tien tem mwɛɛri, kpɑ tu dɑ tu sinɑ wuu sìn mi ɡoo kun mɑɑ wɑ̃ɑ.

Esɑi 9:20

Mɑnɑsebɑ kɑ Efɑrɑimubɑ bɑ tɑbu wɔrinɑmɔ. Yen biru be kpuro bɑ mɛnnɑ bɑ Yudɑbɑ wɔri. Kɑ mɛ, Yinni Gusunɔn mɔru kun sure. U mɑɑ bu nɔmu doke, u sɛɛyɑsiɑmɔ.

Yeremi 30:18

Nɑ wure nɑ nɛɛ, wee, kon bɛɛ Isirelibɑ Yɑkɔbun bweseru yɑrɑ yorun di, kpɑ i wurɑ bɛɛn yɛnusɔ. Kon bɛɛn yɛnusun wɔnwɔndu ko, kpɑ n bɛɛn wuu bɑni ɡen bɑnsɔ n bɛɛn sinɑ kpɑɑru seeyɑ n swĩi mi tɑ rɑɑ wɑ̃ɑ.

Abudiɑsi 1:18

Yɑkɔbun bibun bweseru kɑ Yosɛfun bibun bweserɑ ko n sɑ̃ɑwɑ nɡe dɔ̃ɔ. Bɑ koo Esɑun bweseru dɔ̃ɔ mɛniwɑ nɡe yɑkɑsu. Bɑ koo bu dɔ̃ɔ mɛniwɑ mɑm mɑm, bɑ ǹ ɡoo derimɔ mi. Nɛ, Yinni Gusunɔwɑ nɑ yeni ɡeruɑ.

Misee 4:13

Yinni Gusunɔ u nɛɛ, bɛɛ Yerusɑlɛmuɡibu, i seewo i bɛɛn yibɛrɛbɑ so nɡe ɑlikɑmɑ. Kon de i n dɑm mɔ nɡe kɛtɛn kɔbɑ ye yɑ dɑm mɔ nɡe sisu. Mɑ yen nɑɑ konnu nu dɑm mɔ nɡe sii ɡɑndu. I ko i bwese dɑbinu munkuwɑ. Kpɑ i ben ɑrumɑni ɡeɑ mwɑ i nɛ Gusunɔ tem kpuron Yinni yiiyɑ.

Sɑkɑri 1:16

Yen sɔ̃nɑ wi, Gusunɔ wɔllu kɑ tem Yinni u nɛɛ, u koo Yerusɑlɛmun wɔnwɔndu ko. Bɑ koo win sɑ̃ɑ yeru bɑni. Kpɑ bu Yerusɑlɛmun kpɛɛkpɛɛku yĩire.

Sɑkɑri 11:1

Bɛɛ Libɑniɡibu, i bɛɛn kɔnnɔsu kɛniɔ kpɑ dɔ̃ɔ u bɛɛn dɑ̃ɑ ye bɑ mɔ̀ sɛduru di.

Sɑkɑri 12:5

Yudɑn wiruɡibu bɑ koo nɛɛ, Yerusɑlɛmuɡibɑ bɑ sɑ̃ɑ ben dɑm nɛ, Gusunɔ ben Yinnin sɔ̃, nɛ wi nɑ wɔllu kɑ tem mɔ.

Sɑkɑri 2:12

Domi wi, Gusunɔ wɔllu kɑ tem Yinni u nɛɛ, yenibɑn biru, Yerusɑlɛmun bɛɛrɛ yɑ koo wurɑmɑ. Wee u mɑn ɡɔriɔ bwese ni nu bɛɛn yɑ̃nu ɡurɑn mi. U nɛɛ, nù n mɑɑ bɛɛ bɑbɑ, yɑ sɑ̃ɑwɑ nɡe win tiin nɔniyɑ nu bɑbɑ.

Sɑkɑri 2:4

Mɑ u nùn bikiɑ u nɛɛ, mbɑ seko be, bɑ kobu nɑ. Mɑ u nùn wisɑ u nɛɛ, bɑ nɑwɑ bu kɑ kɔbi yi tɔ̃yɑ ko, kpɑ bu yi bɔɔku yi, yi yi Yudɑn tem wɔri yi mɛn tɔmbu yɑrinɑsiɑ sere ben ɡoo kun kpĩɑ u kɑ tii yinɑ.

Sɑkɑri 9:15

Nɛ, Gusunɔ, wɔllu kɑ tem Yinni, kon nɛn tɔmbu kɔ̃su. Bɑ koo ben yibɛrɛbɑ kɑmiɑ bu ben kpurɑntɛɛnun kpenu kɔsuku. Kon de yibɛrɛ ben yɛm mu yɑri nɡe tɑm, ǹ kun mɛ nɡe yɑ̃ku yɑɑ yɛm mɛ mu rɑ ɡbɛ̃ɛru yibu bu yɛ̃kɑ yɑ̃ku yerun kɑ̃ɑnɔ.

Korinti II 6:7

kɑ ɡem ɡɑri kɑ mɑɑ Gusunɔn dɑm. Gem mu sɑ̃ɑ bɛsɛn tɑbu yɑ̃nu su kɑ sɑnnɑ, su mɑɑ kɑ tii yinɑ.

Kɑ̃siru 20:9

Be wee bɑ wee bɑ tɛrie, tem kpuro sɔɔ mɑ bɑ nɑɑnɛ dokeobun sɑnsɑni sikerenɑ kɑ wuu ɡe Gusunɔ u kĩ. Adɑmɑ u derɑ dɔ̃ɔ u sɑrɑmɑ wɔllun di, mɑ be kpuro bɑ dɔ̃ɔ mwɑɑrɑ.