Sɑkɑri 11:7 - Bibeli Gusunɔn Gari

⁷ Yerɑ Sɑkɑri u yɑ̃ɑnu kpɑrɑbu wɔri ni bɑ koo ɡo. Yɑ̃ɑ niyɑ nu kɔ̃suru bo. Mɑ u kpɑrɑ dɛki yiru kɑsu. U tiɑ sokɑ durom, tiɑ mɑɑ nɔɔ tiɑ. Mɑ u dɑ u yɑ̃ɑ ni nɔɔri.

Sɑkɑri 11:7 ပူးပေါင်းရင်းမြစ်များ

Womusu 23:4

Nɑ̀ n sĩimɔ yɑm wɔ̃ku bɑkɑru sɔɔ, nɑ ǹ kɔ̃sɑ nɑsie, yèn sɔ̃, ɑ kɑ mɑn wɑ̃ɑ. Wunɛn dɛkɑ yɑ rɑ mɑn kpɑre. Wunɛn bokurɑ tɑ rɑ mɑn ɡbɑre. Yeniwɑ yɑ rɑ mɑn dɑm kɛ̃.

Womusu 27:4

Gɑ̃ɑ teenɑ nɑ Gusunɔ kɑnɑmɔ ni nu mɑn nɛni ɡem ɡem. Niyɑ, nɑ n wɑ̃ɑ kɑ wi, win wɑ̃ɑ yerɔ nɛn wɑ̃ɑrun tɔ̃ru kpuro sɔɔ. Kpɑ n win durom dendɑ kpɑ nɑ n nùn sɑ̃ɑmɔ.

Womusu 90:17

Gusunɔ bɛsɛn Yinni, ɑ sun durom kuo, kpɑ ɑ de bɛsɛn sɔmɑ kpuro yu ɑrufɑɑni ko.

Esɑi 11:4

U koo sɑ̃ɑrobu siriɑwɑ dee dee, kpɑ u bwɛ̃ɛbwɛ̃ɛbu ben ɡem wɛ̃. Win ɡɑri yi ko n sɑ̃ɑwɑ nɡe bokuru te u koo kɑ tɔmbu sɛɛyɑsiɑ, kpɑ yi n sɑ̃ɑ nɡe tɑkobi ye yɑ koo tɔn kɔ̃sobu ɡo.

Esɑi 40:11

U koo bu kpɑrɑwɑ nɡe mɛ yɑ̃ɑ kpɑro u rɑ ko, u n binu wuuwɑ, u n kɑ nin mɛrobu kpɑre.

Esɑi 61:1

Yinni Gusunɔn Hunde u kɑ mɑn wɑ̃ɑ. Domi wiyɑ u mɑn ɡɔsɑ n kɑ dɑm sɑriruɡibu lɑbɑɑri ɡeɑ nɔɔsiɑ, kpɑ n be bɑ nuki sɑnkire nukuru yɛmiɑsiɑ, kpɑ n yobu sɔ̃ mɑ bɑ koo bu yɑkiɑ, kpɑ n mɑɑ pirisɔmbɑ sɔ̃ mɑ bɑ koo bu kɑrɑ.

Yeremi 39:10

Adɑmɑ u ben bwɛ̃ɛbwɛ̃ɛ be bɑ ǹ ɡɑ̃ɑnu mɔ deri tem mɛ sɔɔ mɑ u bu ɡbeɑ wɛ̃.

Sɑ̃ɑrun Woodɑ 27:32

Mɛyɑ mɑɑ yɑɑ sɑbenu sɔɔ. Yɑ̃ɑrɑ? Kɛtɛwɑ? Boowɑ? Sɑbe ni bɑ kpɑre ɡesi, wɔkuru bɑɑteren wɔllɔ Yinni Gusunɔ u teeru mɔ.

Misee 7:14

Yinni Gusunɔ, ɑ wunɛn tɔn be ɑ ɡɔsɑ kpɑro kɑ wunɛn kpɑrɑ dɛkɑ. Be wee bɑ wɑ̃ɑ be tɔnɑ dɑ̃ɑ sɔ̃ɔwɔ mi tem ɡem wɑ̃ɑ. A bu kpɑro Bɑsɑni kɑ Gɑlɑdin kpɑrɑ yenɔ nɡe yellu.

Sofoni 3:12

U koo de tɔmbu fiiko bɑ n wɑ̃ɑ bɛɛn suunu sɔɔ be bɑ ǹ tii sue. Bɑ koo win yĩsiru soku u kɑ bu kɔ̃su.

Sɑkɑri 11:14

Yen biru, u mɑɑ win kpɑrɑ dɛkɑ yiruse ye u sokɑ nɔɔ tiɑ mi, bɔɔkɑ u kɑ sɔ̃ɔsi mɑ Yudɑbɑ kɑ Isirelibɑn bɑɑ sɔɔ nɔɔ tiɑ mɑɑ sɑri.

Sɑkɑri 11:4

Amɛniwɑ Yinni Gusunɔ u Sɑkɑri sɔ̃ɔwɑ. U nɛɛ, ɑ yɑ̃ɑnu kpɑro ni bɑ koo ɡo.

Mɑteu 11:5

Wɔ̃kobɑ yɑm wɑɑmɔ, yɛmɔbɑ sĩimɔ, bɑ be bɑ bɑrɑ disiɡiru mɔ bɛkiɑmɔ bu kɑ dɛɛrɑ, sosobɑ ɡɑri nɔɔmɔ, bɑ ɡɔribu seeyɑmɔ ɡɔrin di, mɑ bɑ sɑ̃ɑrobu Lɑbɑɑri ɡeɑ wɑɑsu kuɑmmɛ.

Mɑɑku 12:37

Dɑfidin tii u nùn sokɑ Yinni. Amɔnɑ u ko n mɑɑ kɑ sɑ̃ɑ win bii. Mɑ tɔn wɔru ɡe, ɡɑ Yesun ɡɑri swɑɑ dɑki kɑ nuku dobu.

Yohɑnu 10:16

Nɑ mɑɑ yɑ̃ɑnu ɡɑnu mɔ ni nu kun wɑ̃ɑ yɑ̃ɑ ɡɔ̃ɔ teni sɔɔ. Niyɑ nɑ ǹ kon ko nɑ kun mɑɑ kɑ nɛ. Nu koo mɑɑ nɛn nɔɔ nɔ, kpɑ nu ko ɡɔ̃ɔ teeru, kpɑ nu n kpɑro turo mɔ.

Yɑkɔbu 2:5

Nɛn kĩnɑsibu, i swɑɑ dɑkio. Gusunɔ u bu ɡɔsɑ be bɑ sɑ̃ɑ sɑ̃ɑrobu hɑnduniɑn nɔni sɔɔ bu kɑ ko dukiɑɡibu ben nɑɑnɛ dokebun sɔ̃, kpɑ bu bɑndu di te u be bɑ nùn kĩ nɔɔ mwɛɛru kuɑ.

Sɑmuɛli I 17:40

Yerɑ u win dɛkɑ suɑ u dɑ u kpee ɡori nɔɔbu dɔburɑ dɑɑrɔ u yi doke win kpɑrɑ bɔɔrɔ mɑ u win kpurɑntɛɛru suɑ u susi Filisiti win mi.

Sɑmuɛli I 17:43

Mɑ u nùn sɔ̃ɔwɑ u nɛɛ, nɛ bɔ̃ɔwɑ ɑ kɑ sere dɛki suɑmɑ ɑ mɑn kɑsu? Yerɑ u Dɑfidi bɔ̃rusi kɑ win bũnun yĩsiru.