Sɑkɑri 11:3 - Bibeli Gusunɔn Gari

³ Kpɑrobu bɑ wuri mɔ̀, domi ben bɛɛrɛ yɑ kpɑ. Gbee sinɑnsu su kukirimɔ, domi Yuudɛnin dɑ̃ɑ sɔ̃ɔn bɛɛrɛ yɑ kpɑ.

Sɑkɑri 11:3 ပူးပေါင်းရင်းမြစ်များ

Womusu 22:21

A mɑn wɔro yibɛrɛbɑn tɑkobin di. Bɑ dɑm mɔ nɡe ɡbeeku bɔ̃nu. A nɛn wɑ̃ɑru wɔro ben nɔmɑn di.

Esɑi 5:29

Mɑ bɑ kukirimɔ nɡe ɡbee sunɔ, ɡe ɡɑ yɑɑ mwɑ ɡɑ kɑ doonɔ ɡoo kun ɡu yinɑri.

Esɑi 65:15

Bɛɛn ɡɔɔn biru, bɛɛn yĩsɑ nɛn sɔm kowobu bɑ ko n dɑ kɑ ɡɑbu bɔ̃rusi, bu nɛɛ, Yinni Gusunɔ u de ɑ ɡbi nɡe wɑɑnɛ kɑsɑ. Adɑmɑ yĩsiru ɡɑrɑ bɑ koo kɑ tɔmbu domɑru kuɑ. Bɑ koo tu kowɑ kɑ nɛ, Yinni Gusunɔn yĩsiru, nɛ wi nɑ sɑ̃ɑ ɡemɡii. Bɑ̀ n mɑɑ bɔ̃rumɔ bu kɑ ben ɡɑri sire, kɑ nɛn yĩsi terɑ bɑ koo kɑ bɔ̃re. Mɛyɑ yellun wɑhɑlɑ yɑ koo doonɑ. Kpɑ tɔmbu bu yen ɡɑri duɑri.

Yeremi 2:15

Wee bɑ bɛɛ kukirisi nɡe ɡbee sinɑnsu. Bɑ bɛɛn tem yɑ̃nu ɡurɑ, mɑ bɑ bɛɛn wusu dɔ̃ɔ mɛniki, ɡoo mɑɑ sɑri mi.

Yeremi 2:30

Kɑm sɔɔrɑ nɑ bɛɛ sɛɛyɑsiɑ. I ǹ nɛn sɛɛyɑsiɑ bi ɡɑrisi ɡɑ̃ɑnu. I Gusunɔn sɔmɔbu wɔri i ɡo nɡe mɛ ɡbee sunɔ ɡɑ rɑ yɑɑ wɔri ɡu ɡo.

Yeremi 26:6

Yen sɔ̃, kon sɑ̃ɑ yee te kɑm koosiɑ nɡe mɛ nɑ Siloɡiru kuɑ, kpɑ n de bwesenu kpuro nu wuu ɡen yĩsiru siɑ nù n bɔ̃rumɔ.

Yeremi 49:19

Ko nɑ n sɑ̃ɑwɑ nɡe ɡbee sunɔ ɡe ɡɑ yɑrimɑ Yuudɛnin ɡbee surorun di ɡɑ dɔɔ ɡu nim nɔ. Kpɑ n tɔmbu kpuro yɑrinɑsiɑ subɑru sɔɔ. Sɑɑ ye sɔɔrɑ kon Edɔmubɑ sunɔ kpɑo wɛ̃ wi nɛn tii nɑ ɡɔsɑ. Nɡe wɑrɑ u kɑ mɑn nɛ. Wɑrɑ u koo kpĩ u mɑn woodɑ wɛ̃. Sinɑ boko wɑrɑ u koo kpĩ u yɔ̃rɑ nɛn wuswɑɑɔ.

Yeremi 50:44

Nɛ, Yinni Gusunɔ, kon wuu ɡbɑ̃rɑruɡuu wɔri nɡe ɡbee sunɔ ɡe ɡɑ yɑrimɑ sɑɑ Yuudɛnin ɡbee surorun di, kpɑ n ɡen tɔmbu kpuro yɑrinɑsiɑ subɑru sɔɔ. Sɑɑ ye sɔɔ, kon bu sunɔ kpɑo wɛ̃ wi nɛn tii nɑ ɡɔsɑ. Nɡe wɑrɑ u kɑ mɑn nɛ. Wɑrɑ u koo kpĩ u mɑn woodɑ wɛ̃. Sinɑ boko wɑrɑ u koo kpĩ u yɔ̃rɑ nɛn wuswɑɑɔ.

Yeremi 7:4

Bu ku ben nɑɑnɛ doke dii teni sɔɔ bɑ n mɔ̀, nɛ, Yinni Gusunɔn sɑ̃ɑ yerɑ mi!

Esekiɛli 19:2

ben mɛro u sɑ̃ɑwɑ nɡe ɡbee sunɔ niu ɡeu ɡe bɑ yɛ̃ ɡbee sinɑnsun suunu sɔɔ. Gɑ rɑ n ɡen binu kpunɛwɑ ɡɑ n nu diisiɑmɔ.

Osee 10:5

Kpɑ Sɑmɑriɡii be bɑ nɑɑ buu wurɑɡuu sɑ̃ɑmɔ ɡe ɡe wɑ̃ɑ Betɛli Afɛniɔ bu nɑndɑ kpɑ bu ɡɔɔ sinɑ ɡen sɔ̃. Gen yɑ̃ku kowobu bɑ koo diiri bɑ̀ n wɑ ɡen bɛɛrɛ yɑ kpɑ.

Yoɛli 1:13

Bɛɛ Yinni Gusunɔn sɔm kowobu, yɑ̃ku kowobu, i sɑɑki sebuo i kɑ kpunɑ wɔ̃ku ɡiriru nuku sɑnkirɑnun sɔ̃. Domi wee bɑ ku rɑ mɑɑ kɑ ɑlikɑmɑ kɑ tɑm kɛ̃nu nɛ Gusunɔ bɛsɛn Yinnin sɑ̃ɑ yerɔ.

Amɔsu 8:8

Bɛɛn tem mu koo yĩiri, kpɑ bɛɛ nɛn tɔmbu i n ɡɔɔ wooru sɔ̃. Tem mɛ kpuro mu koo kuke kpɑ mu sure nɡe Eɡibitin dɑɑrun nim.

Sofoni 1:10

Yen tɔ̃ɔ te, bɑ koo wuri nɔ sere kɔnnɔwɔ ɡe bɑ mɔ̀ Swɛ̃ɛ, kɑ mɑɑ wuun wɔɔ berɑ ɡɑɑn mi. Mɛyɑ nɔni swɑ̃ɑ bɑkɑrɑ ko n wɑ̃ɑ ɡuunu wɔllɔ.

Sofoni 3:11

Yen tɔ̃ɔ te, bɛɛ win tɔmbu Isirelibɑ, i ǹ sekuru wɑsi bɛɛn dɑɑ kɔ̃sɑ kɑ bɛɛn torɑ ni i kuɑ sɔɔ. Domi u koo be bɑ rɑ tii sue bɛɛn suunu sɔɔ wunɑ, kpɑ bɛɛn tiin tɔn biɑru tu kpe win ɡuu dɛɛrɑrun wɔllɔ.

Sofoni 3:3

Bɛɛn sinɑ ɑsɑkpɔbu bɑ sɑ̃ɑwɑ nɡe ɡbee sinɑn si su kukirimɔ wuu ɡe sɔɔ. Mɑ bɛɛn siri kowobu bɑ mɑɑ sɑ̃ɑ nɡe yokɑn purukɑ ni nu ku rɑ dĩɑnu yi bururun sɔ̃.

Sɑkɑri 11:2

Bɛɛ dɑ̃ɑ ye bɑ mɔ̀ sipɛrɛ, i weeweenu koowo. Domi sɛdurubɑ bɑ wɔrukɑ. Be bɑ tii sue mi, bɑ kpeerɑ. Bɛɛ Bɑsɑnin dɑ̃ɑ bɑkɑnu, i weeweenu koowo. Domi dɑ̃ɑ sɔ̃ɔ ɡe bɑ ǹ dɑɑ kpɛ̃ bu du ɡɑ wɔrukɑ.

Sɑkɑri 11:8

Suru tiɑn bɑɑ sɔɔ u nin kpɑrobu itɑ ɡo. Mɑ u kɑ nu tii kpɑrɑ u tɛmɑnɑbu kpɑnɑ. Mɑ nin tii nu nùn tusɑ.

Mɑteu 15:14

I bu derio. Swɑɑ ɡbio wɔ̃kobɑ. Wɔ̃ko ù n mɑɑ win wɔ̃kosi swɑɑ ɡbiiye be yiru kpurowɑ bɑ koo tokoro wɔri.

Gɔrobun Kookoosu 7:52

Gusunɔn sɔmɔ wɑrɑ bɛɛn bɑɑbɑbɑ bɑ ǹ nɔni sɔ̃ɔwɑ. Bɑ bu ɡo be bɑ Geeɡiin nɑɑrun ɡɑri kuɑ, mɑ tɛ̃, bɛɛn tii i Geeɡii wi kɔrumɔtɔnu kuɑ i nùn ɡo.