Sɑkɑri 10:6 - Bibeli Gusunɔn Gari

⁶ Kon Yudɑbɑ tɑ̃sisiɑ, kpɑ n Isirelibɑ wɔrɑ. Kon kɑ bu wurɑmɑ, domi nɑ ben wɔnwɔndu mɔ. Bɑ ko n sɑ̃ɑwɑ nɡe be nɑ ǹ dɑɑ biru kisi. Domi nɛnɑ nɑ sɑ̃ɑ Gusunɔ ben Yinni. Kon ben kɑnɑru mwɑ.

Sɑkɑri 10:6 ပူးပေါင်းရင်းမြစ်များ

Womusu 89:21

Wiyɑ Dɑfidi wunɛn sɔm kowo. Wiyɑ ɑ bɑndun ɡum tɑ̃re.

Esɑi 11:12

U koo ɡidi bɔrɑ ɡirɑ u kɑ sɔ̃ɔsi mɑ u koo Isirelibɑ mɛnnɑ be bɑ rɑɑ yoru mwɛɛrɑ, kpɑ u Yudɑ be bɑ rɑɑ yɑrinɛ hɑnduniɑn ɡoonu nnɛ sɔɔ mɛnnɑ.

Esɑi 14:1

Yinni Gusunɔ u koo Isirelibɑ wɔnwɔndu kuɑ. U koo mɑɑ bu ɡɔsi bu ko wiɡibu, kpɑ u bu swĩi ben temɔ. Sɑɑ yerɑ sɔbɑ koo du ben suunu sɔɔ, kpɑ bu mɛnnɑ bɑ n wɑ̃ɑ kɑ be sɑnnu.

Esɑi 41:10

Yen sɔ̃, i ku nɑndɑ, domi nɑ wɑ̃ɑ kɑ bɛɛ. I ku wururɑ i n yɑm mɛɛrɑ nɡe wɔnwɔndobu, domi nɛnɑ nɑ sɑ̃ɑ bɛɛn Yinni. Kon mɑɑ bɛɛ dɑm kɛ̃. Wee nɑ wee n bɛɛ somi, kpɑ n bɛɛ kɔ̃su kɑ nɛn dɑm.

Esɑi 54:4

A ku nɑndɑ, domi ɑ ǹ sekuru wɑsi. A ku tukɑ, domi ɑ ǹ mɑɑ bɛɛrɛ biɑmɔ. Kɑɑ wunɛn yellun sekuru duɑri. A ǹ mɑɑ yɑɑyɑmɔ nɡe mɛ ɑ nɔni sɔ̃ɔrɑ wunɛn turorun sɑɑ sɔɔ.

Esɑi 54:8

Nɑ rɑɑ kɑ nun mɔru kuɑ too sɑɑ fiiko, nɑ nun nɛn wuswɑɑ sĩiyɑri, ɑdɑmɑ tɛ̃, nɑ wunɛn wɔnwɔndu mɔ nɛn kĩi te tɑ ku rɑ kpen sɔ̃. Nɛ wi nɑ nun yɑkiɑmɔ, nɛnɑ nɑ yeni ɡeruɑ.

Yeremi 23:6

Win wɑɑti ye sɔɔ, Yudɑbɑ bɑ koo fɑɑbɑ wɑ. Kpɑ u de Isirelibɑ bɑ n wɑ̃ɑ bɔri yɛndu sɔɔ. Kpɑ bɑ n nùn sokumɔ bɑ n mɔ̀, Yinni Gusunɔwɑ u sɑ̃ɑ ben fɑɑbɑ kowo.

Yeremi 3:18

Sɑɑ ye sɔɔ, Yudɑbɑ kɑ Isirelibɑ bɑ koo mɛnnɑ bu ko tiɑ. Domi bɑ koo wurɑmɑ sɑnnu sɑɑ sɔ̃ɔ yɛ̃sɑn nɔm ɡeu ɡiɑn di. Kpɑ bu sinɑ tem mɛ sɔɔ mɛ nɑ ben bɑɑbɑbɑ wɛ̃ bɑ tubi di.

Yeremi 30:18

Nɑ wure nɑ nɛɛ, wee, kon bɛɛ Isirelibɑ Yɑkɔbun bweseru yɑrɑ yorun di, kpɑ i wurɑ bɛɛn yɛnusɔ. Kon bɛɛn yɛnusun wɔnwɔndu ko, kpɑ n bɛɛn wuu bɑni ɡen bɑnsɔ n bɛɛn sinɑ kpɑɑru seeyɑ n swĩi mi tɑ rɑɑ wɑ̃ɑ.

Yeremi 30:20

I ko i n sɑ̃ɑwɑ nɡe yellu, kpɑ i n dɑ bɛɛn mɛnnɔsu ko nɛn wuswɑɑɔ. Kpɑ n be bɑ bɛɛ dɑm dɔremɔ kpuro sɛɛyɑsiɑ.

Yeremi 31:1

Yinni Gusunɔ u nɛɛ, sɑɑ ɡɑɑ sisi yè sɔɔ kon mɑɑ ko Isirelibɑn bwesenu kpuron Yinni, kpɑ be, bɑ n mɑɑ sɑ̃ɑ nɛn tɔmbu.

Yeremi 31:20

Isirelin bweseru tɑ sɑ̃ɑwɑ nɡe nɛn bii kĩnɑsi. Mɛyɑ nɑ mɑɑ tu kĩru sɔ̃ɔsi. Domi nɡe mɛ̀n nɔru nɑ ten ɡɑri mɔ̀, nɡe mɛyɑ ten kĩru tɑ rɑ n wɑ̃ɑ nɛn ɡɔ̃ruɔ. Nɛn bwɛ̃rɑ kun kpunɛ ten sɔ̃. Kon tu wɔnwɔn bɑkɑru kuɑ. Nɛ, Yinni Gusunɔwɑ nɑ yeni ɡeruɑ.

Yeremi 31:31

Nɛ, Yinni Gusunɔ nɑ nɛɛ, tɔ̃nu ɡɑnu sisi nì sɔɔ kon kɑ Isirelibɑ kɑ Yudɑbɑ ɑrukɑwɑni kpɑɑ bɔke.

Esekiɛli 36:11

U koo de tɔmbu kɑ yɑɑ sɑbenu bu dɑbiɑ bu kɔwɑrɑ kpɑ bu sinɑ mi nɡe yellu. Kpɑ u bu ɡeɑ kuɑ n kere ye u rɑɑ kuɑ. Sɑɑ ye sɔɔ, bɑ koo ɡiɑ mɑ wiyɑ u sɑ̃ɑ Yinni Gusunɔ.

Esekiɛli 36:37

Wee ye kon mɑɑ wure n Isirelibɑ kuɑ. Kon bu dɑbiɑsiɑ nɡe yɑ̃ɑ ɡɔ̃ɔ.

Esekiɛli 37:16

wunɛ tɔnun bii, ɑ dɑ̃ɑ kukuru ɡɑru suo kpɑ ɑ Yudɑbɑn bɑndun yĩsiru yore ten wɔllɔ. Kpɑ ɑ mɑɑ dɑ̃ɑ kukuru ɡɑru suɑ ɑ Isirelibɑn bɑndun yĩsiru yore ten wɔllɔ.

Esekiɛli 39:25

Adɑmɑ tɛ̃ nɛ, Yinni Gusunɔ nɑ nɛɛ, kon de Isirelibɑ be, Yɑkɔbun bweseru bu wurɑmɑ yorun di. Kon be kpuron wɔnwɔndu ko. Sɑɑ ye sɔɔ, kon nisinu se nɛn yĩsi dɛɛrɑ ten sɔ̃.

Osee 1:7

Adɑmɑ kon Yudɑbɑ wɔnwɔndu kuɑ, kpɑ nɛn tii n bu fɑɑbɑ ko nɛ wi nɑ sɑ̃ɑ Gusunɔ ben Yinni. Adɑmɑ n ǹ mɔ kon kɑ ben yibɛrɛbɑ tɑbu ko. Nɑ ǹ tɛndu dendimɔ ǹ kun mɛ tɑkobi ǹ kun mɛ dumi kɑ yin mɑɑsɔbu.

Osee 14:9

Sɑɑ ye, Isirelibɑ bɑ ǹ mɑɑ bũnu sɑ̃ɑmɔ. Domi kon ben kɑnɑru nɔ, kpɑ n bu nɔni doke. Nɑ kon sɑ̃ɑwɑ nɡe dɑ̃ɑ ye yɑ ku rɑ ɡbere ben sɔ̃. Nɛn min diyɑ bɑ koo domɑru wɑ.

Osee 2:23

Nɛ, Yinni Gusunɔwɑ nɑ yeni ɡerumɔ. Sɑɑ ɡɑɑ sisi yè sɔɔ kon wɔllun kɑnɑnu nɔ, kpɑ n tu nim kɛ̃. Wɔllɑ koo tem kɑnɑru nɔ kpɑ tu ɡurɑ nɛɛsiɑ. Kpɑ tem mu dobi kɑ resɛm kɑ olifin kɑnɑru nɔ kpɑ ye kpuro yu kpi. Kpɑ yu Yisirɛɛlin bukɑtɑ wunɑnɑ.

Abudiɑsi 1:18

Yɑkɔbun bibun bweseru kɑ Yosɛfun bibun bweserɑ ko n sɑ̃ɑwɑ nɡe dɔ̃ɔ. Bɑ koo Esɑun bweseru dɔ̃ɔ mɛniwɑ nɡe yɑkɑsu. Bɑ koo bu dɔ̃ɔ mɛniwɑ mɑm mɑm, bɑ ǹ ɡoo derimɔ mi. Nɛ, Yinni Gusunɔwɑ nɑ yeni ɡeruɑ.

Misee 4:13

Yinni Gusunɔ u nɛɛ, bɛɛ Yerusɑlɛmuɡibu, i seewo i bɛɛn yibɛrɛbɑ so nɡe ɑlikɑmɑ. Kon de i n dɑm mɔ nɡe kɛtɛn kɔbɑ ye yɑ dɑm mɔ nɡe sisu. Mɑ yen nɑɑ konnu nu dɑm mɔ nɡe sii ɡɑndu. I ko i bwese dɑbinu munkuwɑ. Kpɑ i ben ɑrumɑni ɡeɑ mwɑ i nɛ Gusunɔ tem kpuron Yinni yiiyɑ.

Misee 4:6

Tɔ̃ru ɡɑrɑ sisi tè sɔɔ kon be bɑ mɛɛrɑ kuɑ mɛnnɑ, kpɑ n be bɑ kpikiru suɑ sokusiɑmɑ, be, be nɑ rɑɑ nɔni sɔ̃ɔwɑ mi.

Misee 5:3

Kpɑ kpɑro wi nɑ bɛɛ nɔɔ mwɛɛru kuɑ mi, u bɛɛ nɛn tɔmbu mɛnnɑ u kpɑrɑ mɑm mɑm kɑ nɛ, Yinni Gusunɔn dɑm kɑ nɛn yiiko. Win tɔmbu bɑ ko n wɑ̃ɑ bɔri yɛndu sɔɔ. Kpɑ u yĩsiru yɑri hɑnduniɑn ɡoonu nnɛ ye sɔɔ.

Misee 5:8

Isirelibɑ, i seewo i bɛɛn yibɛrɛbɑ wɔri. Kpɑ i bu ɡo mɑm mɑm.

Misee 7:16

Bwesenu nu koo mɑɑmɑɑki ye wɑ. Kpɑ nu sekuru wɑ bɑɑ mɛ nu dɑm mɔ. Nu koo nɔɔ nɔmɑ wukiri, nu yɔ̃rɑ nu kun ɡɑri ɡeruɑ, kpɑ nu kun ɡɑ̃ɑnu nuɑ.

Sɑkɑri 1:16

Yen sɔ̃nɑ wi, Gusunɔ wɔllu kɑ tem Yinni u nɛɛ, u koo Yerusɑlɛmun wɔnwɔndu ko. Bɑ koo win sɑ̃ɑ yeru bɑni. Kpɑ bu Yerusɑlɛmun kpɛɛkpɛɛku yĩire.

Sɑkɑri 10:12

Kon nɛn tɔmbu tɑ̃sisiɑ. Kpɑ bɑ n sĩimɔ kɑ nɛn yĩsiru. Nɛ, Yinni Gusunɔwɑ nɑ yeni ɡeruɑ.

Sɑkɑri 13:9

Kon sube tee te dɔ̃ɔ doke kpɑ n tu sɔwɑ nɡe mɛ bɑ rɑ sii ɡeesu sɔwe. Kon tu sɔwɑwɑ nɡe mɛ bɑ rɑ wurɑ sɔwe. Tɑ koo nɛn yĩsiru soku kpɑ n tu wurɑri. Kon tu sɔ̃ n nɛɛ, tɑ sɑ̃ɑwɑ nɛn tɔmbu. Kpɑ ten tii tu mɑɑ nɛɛ, nɑ sɑ̃ɑwɑ Gusunɔ ten Yinni.

Sɑkɑri 8:11

Adɑmɑ tɛ̃, nɑ ǹ mɑɑ Isireli be bɑ tie kuɑmmɛ nɡe mɛ nɑ kuɑ yellu. Nɛ, Gusunɔ wɔllu kɑ tem Yinniwɑ nɑ yeni ɡeruɑ.

Sɑkɑri 9:16

Yen tɔ̃ɔ te, kon nɛn tɔmbu fɑɑbɑ ko nɡe mɛ yɑ̃ɑ kpɑro u rɑ win yɑ̃ɑnu fɑɑbɑ ko. Bɑ koo bɑlli ben temɔ nɡe kpee ɡobiɡii ni bɑ mɑni sinɑ furɔ sɔɔ.