Sɑkɑri 10:2 - Bibeli Gusunɔn Gari

² Domi bũu nìn bwɑ̃ɑrokunu bɑ mɔ̀ Terɑfimu nu weesu mɔ̀. Sɔrobu bɑ kɑ̃si weesuɡinu wɑɑmɔ. Ben dosusu su sɑ̃ɑwɑ weesu. Sin nuku yɛmiɑsiɑbu sɑ̃ɑwɑ kɑm dirum. Yen sɔ̃nɑ bɑ sirenɛ nɡe yɑɑ sɑbenu. Bɑ wɔnwɔndu soore, domi bɑ ǹ kpɑro mɔ.

Sɑkɑri 10:2 ပူးပေါင်းရင်းမြစ်များ

Torubu 31:19

Ye bɑ doonɔ, yerɑ Rɑsɛli u dɑ u win tundo Lɑbɑnin bũu wi bɑ mɔ̀ Terɑfimu ɡbɛnɑ. N deemɑ sɑɑ ye sɔɔ, Lɑbɑni u win yɑ̃ɑnun sɑnsu bɔɔrimɔ.

Sinɑmbu I 22:17

Misee u nùn wisɑ u nɛɛ, nɑ Isirelibɑ wɑ bɑ yɑrinɛ ɡuunu wɔllɔ bɑ sɑ̃ɑ nɡe yɑ̃ɑ ni nu kun kpɑro mɔ. Mɑ Yinni Gusunɔ u nɛɛ, tɔn beni bɑ ǹ kpɑro mɔ. Ben bɑɑwure u ɡɔsiro u wurɑ yɛnuɔ kɑ ɑlɑfiɑ.

Yoobu 13:4

Domi bɛɛ, weesɑ i rɑ n sekumɔ. I sɑ̃ɑwɑ tim nɛmɔ weesuɡibu.

Yoobu 21:34

Ǹ n mɛn nɑ, nuku yɛmiɑ birɑ̀ i mɑn kuɑ. Bɛɛn ye i mɑn wisɑ mi kpuro, yɑ ǹ sɑ̃ɑ dee dee. Weesɑ i mɔ̀.

Esɑi 41:29

Domi ni kɑ nin sɔmɑ nu sɑ̃ɑwɑ kɑm dirum. Nin bwɑ̃ɑrokunu nu mɑɑ sɑ̃ɑwɑ wom dirum.

Esɑi 44:25

Nɑ rɑ sɔmɔ weesuɡibun ɡɑri tɛɛsi, kpɑ n sɔrobu yɑɑkoru ko. Nɑ rɑ de bwisiɡibu bu biru wurɑ, kpɑ n ben sɔ̃ɔsinu ɡɔsiɑ wiirɑ ɡɑri.

Esɑi 44:9

Be bɑ bwɑ̃ɑrokunu sekumɔ, bɑ ǹ sɑ̃ɑ ɡɑ̃ɑnu. Ben sɔm ɡeenu nu mɑɑ sɑ̃ɑwɑ kɑm dirum, domi nin tii nu yen seedɑ dimɔ. Nu ǹ yɑm wɑɑmɔ, nu ǹ mɑɑ yɛ̃ru ɡɑru mɔ. Yen sɔ̃nɑ be bɑ nu sɑ̃ɑmɔ bɑ koo sekuru wɑ.

Esɑi 46:5

Wɑrɑ i ko kɑ mɑn sweenɑ, kpɑ i nùn ko nɛn sɑɑrɑ. Wɑrɑ mɑɑ sɑ̃ɑ nɡe nɛ. Bũu?

Yeremi 10:8

Be kpuro bɑ ǹ bwisi mɔ. Ben yɛ̃ru tɑ sɑ̃ɑwɑ kɑm. Domi dɑ̃rɑ bɑ rɑ dɑ̃ku bɑ n sɑ̃ɑmɔ.

Yeremi 14:13

Mɑ Yeremi u wisɑ u nɛɛ, Yinni Gusunɔ, wee wunɛn sɔmɔbu bɑ wunɛn tɔmbu sɔ̃ɔmɔ bɑ mɔ̀, bɑ ǹ tɑbu wɑsi. Gɔ̃ɔrɑ kun mɑɑ duɔ ben temɔ. Kɑɑ de bɑ n wɑ̃ɑwɑ bɔri yɛndu sɔɔ kɑ toro sindu.

Yeremi 14:22

Bũu ɡoo sɑri wi u koo kpĩ u ɡurɑ nɛɛsiɑ, wɔllun tii, tɑ ǹ kpɛ̃ tu ɡurɑ nɛɛsiɑ. Gusunɔ bɛsɛn Yinni, wunɑ ɑ rɑ de ɡurɑ yu nɛ. Wunɑ sɑ mɑɑ nɑɑnɛ sɑ̃ɑ. Domi wunɑ ɑ rɑ ye kpuro ko.

Yeremi 23:17

Bɑ rɑ mɑm be bɑ mɑn ɡɛmɑ sɔ̃ bu nɛɛ, nɑ be ɡeruɑ nɑ nɛɛ, bɑ koo bɔri yɛndu wɑ. Kpɑ bɑ n be bɑ ben tii tiin ɡɔ̃ru kĩru mɔ̀ sɔ̃ɔmɔ bɑ n mɔ̀, bɑ ǹ kɔ̃sɑ ɡɑɑ wɑsi.

Yeremi 23:32

Kon bu sɛɛyɑsiɑ be bɑ ben dosu weesuɡisu tɔmbu sɔ̃ɔmɔ. Mɑ bɑ derɑ nɛn tɔmbɑ kɔ̃ɔrɑmɔ ben wee si kɑ ben tɔn biɑrun sɔ̃. Nɑ ǹ bu ɡɔre, nɑ ǹ mɑɑ bu woodɑ wɛ̃. Mɛyɑ bɑ ǹ mɑɑ ɑrufɑɑni ɡɑɑ mɔ tɔn ben suunu sɔɔ.

Yeremi 27:10

Domi weesɑ bɑ ɡerumɔ, ye yɑ koo de n bɛɛ tondɑsiɑ bɛɛn tem di kpɑ n bɛɛ kpeerɑsiɑ.

Yeremi 27:14

U mɑɑ nɛɛ, i ku sɔmɔ ben ɡɑri swɑɑ dɑki, be, be bɑ bɛɛ sɔ̃ɔmɔ bɑ mɔ̀, i ǹ Bɑbilonin sinɑ boko yoru diiyɑmmɛ. Domi ɡɑri weesuɡiiyɑ bɑ mɔ̀.

Yeremi 27:9

Ǹ n mɛn nɑ, bɛɛ, i ku mɑɑ bɛɛn sɔmɔbu swɑɑ dɑki, kɑ bɛɛn sɔrobu kɑ bɛɛn tiin dosusu, kɑ bɛɛn ɡɔri sokobu, be, be bɑ rɑ bɛɛ sɔ̃ bu nɛɛ, i ǹ ko Bɑbilonin sinɑ boko sɑ̃.

Yeremi 28:15

Yerɑ Yeremi u Hɑnɑniɑ sɔ̃ɔwɑ u nɛɛ, ɑ swɑɑ dɑkio ɑ nɔ, Yinni Gusunɔ kun nun ɡɔre. Kɑ mɛ, ɑ dɑ ɑ tɔmbu ɡɑri weesuɡii sɔ̃ɔwɑ, mɑ bɑ yi nɑɑnɛ kuɑ.

Yeremi 29:8

Gusunɔ, bɛɛn Yinni wi, u mɑɑ nɛɛ, i ku de nɛn sɔmɔ be bɑ wɑ̃ɑ bɛɛn suunu sɔɔ, bu bɛɛ nɔni wɔ̃ke. I ku sɔrobu kɑ be bɑ bɛɛ bɛɛn dosusu tubusiɑmɔ nɑɑnɛ ko.

Yeremi 37:19

Mɑnɑ bɛɛn sɔmɔ be, bɑ wɑ̃ɑ be bɑ bɛɛ ɡɑri sɔ̃ɔwɑ bɑ nɛɛ, Bɑbilonin sinɑ boko kun nun wɔrim wee u sere tem mɛ mwɑ.

Yeremi 50:17

Yinni Gusunɔ u nɛɛ, Isirelibɑ bɑ sɑ̃ɑwɑ nɡe yɑ̃ɑ ni nu kɔ̃ɔrɑ mɑ ɡbee sinɑnsu su nu nɑɑ swĩi. Asirin sinɑ bokowɑ u ɡbiɑ u nu wɔri u ɡurɑ, mɑ Bɑbilonin sinɑ boko u mɑɑ nɑ u nu wɔri u kɔsukɑ.

Yeremi 51:23

Wunɑ nɑ mɑɑ dendɑ nɑ kɑ yɑ̃ɑ kpɑrobu kɑ ben yɑ̃ɑnu kɔsukɑ kɑ ɡbɑɑ wukobu kɑ ben nɑɑ wukubɑ kɑ sinɑmbu kɑ ben sinɑ ɑsɑkpɔbu.

Yeremi 6:14

Bɑ rɑ n nɛn tɔmbun wɑhɑlɑ ɑtɑfiiru sɑ̃ɑwɑ, bɑ n mɔ̀, ɑlɑfiɑ wɑ̃ɑ, ɑdɑmɑ ɑlɑfiɑ ɡɑɑ sɑri.

Yeremi 8:11

Bɑ rɑ n nɛn tɔmbun wɑhɑlɑ ɑtɑfiiru sɑ̃ɑwɑ, bɑ n mɔ̀, ɑlɑfiɑ wɑ̃ɑ, ɑdɑmɑ ɑlɑfiɑ ɡɑɑ sɑri.

Swĩi 2:14

Wunɛn sɔmɔbu bɑ nun ɡɑri weesuɡii sɔ̃ɔwɑ. Bɑ ǹ nun wunɛn torɑnu sɔ̃ɔsi bu kɑ nun ɡbɑrɑ yorun di. Gɑri weesuɡiiyɑ bɑ nun sɔ̃ɔwɑ yi yi nun nɔni wɔ̃kuɑ.

Esekiɛli 21:21

Nɑ mɑɑ ye sɔ̃ɔmɔ nɑ mɔ̀, yu soowo nɔm ɡeu ɡiɑ, kpɑ yu wurɑ nɔm dwɑru ɡiɑ. Tɑkobi nɔɔ durorɑ wunɛ, ɑ doo mi bɑ nun tĩi.

Esekiɛli 21:29

Yen sɔ̃nɑ nɛ, Yinni Gusunɔ nɑ bu sɔ̃ɔmɔ nɑ mɔ̀, wee ben mɛm nɔɔbu sɑri te tɑ sɔ̃ɔsirɑmɔ ben dɑɑ sɔɔ, tɑ mɑn ben torɑnu yɑɑyɑsiɑmɔ mɑ nu bu tɑɑrɛ wɛ̃ɛmɔ. Bɑ ǹ mɑɑ nu deri. Yen sɔ̃, kon bu nɔmu doke n mwɑ.

Esekiɛli 34:5

Mɑ nu yɑrinɑ domi nu ǹ kpɑro mɔ. Nu kuɑ ɡbeeku yɛɛn dĩɑnu.

Esekiɛli 34:8

Nɛ, Yinni Gusunɔ, sere kɑ nɛn wɑ̃ɑru, nɑ wɑ mɑ bɑ nɛn yɑ̃ɑnu wɔri bɑ ɡoomɔ. Mɑ nu kuɑ ɡbeeku yɛɛn dĩɑnu yèn sɔ̃ nin kpɑrobɑ kun nin bwisikunu kue bu nu nɔɔri. Mɑ bɑ sere ben tii nɔɔrimɔ.

Osee 3:4

Nɡe mɛyɑ Isirelibɑ bɑ ko n wɑ̃ɑ sunɔ sɑri n kɑ tɛ. Mɛyɑ bɑ ǹ ko n mɑɑ wiruɡii mɔ. Bɑ ǹ mɑɑ yɑ̃kunu mɔ̀. Bɑ ǹ mɑɑ bũnu ɡɑnu sɑ̃ɑmɔ. Mɛyɑ yɑ̃ku kowo ɡoo kun ko n mɑɑ wɑ̃ɑ ben suunu sɔɔ u kɑ bu bikiɑru kuɑ.

Misee 2:12

Yinni Gusunɔ u nɛɛ, bɛɛ Isirelibɑ, Yɑkɔbun bweseru, kon bɛɛ be i tie kpuro mɛnnɑ. Kon bɛɛ mɛnnɑ nɡe yɑ̃ɑnu ɡɔ̃ɔ teu sɔɔ. Kpɑ i n wɑ̃ɑ sɑnnu nɡe yɑ̃ɑnu kpɑrɑ yerɔ. Bɛɛn tem mu koo tɔmbu yibu.

Hɑbɑkuku 2:18

Arufɑɑni yerɑ̀ bwɑ̃ɑrokunu nu mɔ tɔnu u kɑ sinɑ u nu seku. Nu sɑ̃ɑwɑ ni bɑ sekɑ kɑ sisu, mɑ nu derɑ u weesu nɑɑnɛ sɑ̃ɑ. Mbɑn sɔ̃nɑ tɔnu u koo win nɑɑnɛ doke bwɑ̃ɑroku ni u sekɑ sɔɔ, ni, ni nu ǹ kpɛ̃ nu ɡɑri ɡere.

Sɑkɑri 11:17

Bɔ̃rurowɑ kpɑro ɡɑri bɔkɔ wi u yɑ̃ɑnu derimɔ. Tɑkobi yu win ɡɑ̃seru kɑ win nɔm ɡeun nɔnu kɔsukuo, kpɑ ɡɑ̃se te, tu ɡberɑ kpɑ nɔnu ɡe, ɡu ɡbi.

Mɑteu 9:36

Ye u tɔn wɔrusu wɑ ben wɔnwɔndɑ nùn mwɑ yèn sɔ̃ bɑ wurure mɑ bɑ yɑrinɛ nɡe yɑ̃ɑ ni nu kun kpɑro mɔ.

Mɑɑku 6:34

Ye Yesu u yɑrɑ ɡoon di u tɔn wɔru ɡunɑ wɑ, mɑ u yen wɔnwɔndu wɑ yèn sɔ̃ bɑ sɑ̃ɑ nɡe yɑ̃ɑnu ni nu kun kpɑro mɔ. Mɑ u bu ɡɑ̃ɑ dɑbinu keu sɔ̃ɔsim wɔri.

Sɔ̃ɔsiru 13:2

Bɛɛn suunu sɔɔ, Gusunɔn sɔmɔ ɡoo ǹ kun mɛ yɑm wɑo ɡoo ù n bɛɛ mɑɑmɑɑkin ɡɑri sɔ̃ɔwɑ,

Kpɑrobu 18:14

Yerɑ tɔmbu nɔɔbu be bɑ rɑɑ tem min sɑriɑ mɛɛrim nɑ mi, bɑ beɡibu sɔ̃ɔwɑ bɑ nɛɛ, i yɛ̃ mɑ bwɑ̃ɑroku ɡe bɑ sii ɡeesu pote kɑ bwɑ̃ɑrokunu ɡɑnu nu wɑ̃ɑ diru mini? Ǹ n mɛn nɑ, i de su bwisiku ye n weenɛ su ko.