Sɑkɑri 10:1 - Bibeli Gusunɔn Gari

¹ I Yinni Gusunɔ kɑnɔ u bɛɛ tom buruku ɡurɑ kɛ̃. U koo de ɡuru woo ɡu nɑ kpɑ ɡuru bɑkɑ yu nɛ. Kpɑ yɑkɑsu su kpi bɑɑmɑ.

Sɑkɑri 10:1 ပူးပေါင်းရင်းမြစ်များ

Sinɑmbu I 17:1

Gusunɔn sɔmɔ Eli wi u wɑ̃ɑ Tisibiɔ Gɑlɑdin temɔ u sinɑ boko Akɑbu sɔ̃ɔwɑ u nɛɛ, kɑ Gusunɔ Isirelibɑn Yinni wi nɑ sɑ̃ɑmɔ minin wɑ̃ɑru, ɡurɑ kɑ kɑkoru, yen ɡɑɑ kun mɑɑ nɛmɔ wɔ̃ɔ sinin bɑɑ sɔɔ sere dɔmɑ te nɑ wure nɑ nɛɛ, yɑ koo nɛ.

Yoobu 29:23

Be kpuro bɑ rɑ n mɑn mɑrɑwɑ nɡe tom buruku ɡurɑ.

Womusu 104:13

Sɑɑ wɔllun di, ɑ rɑ de ɡurɑ yu ɡuunu swee, kpɑ tem mu wunɛn sɔmɑn ɑre di.

Womusu 135:7

U rɑ de ɡuru winu nu sɔ̃ɔsirɑ hɑnduniɑ kpuro sɔɔ. U rɑ de ɡuru mɑɑkinu nu koorɑ kpɑ u de ɡurɑ yu nɛ. Kpɑ u woo kusiɑmɑ ɡen wɑ̃ɑ yerun di.

Womusu 65:9

Hɑnduniɑn ɡoonu nnɛ sɔɔ, tɔmbu kpuro bɑ wunɛn sɔm mɑɑmɑɑkiɡinu nɑsie. Wunɛ wi ɑ rɑ sɔ̃ɔ yɑri yeruɡibu kɑ sɔ̃ɔ duu yeruɡibu nuku dobu wɛ̃.

Womusu 72:6

Yinni Gusunɔ, ɑ de nɛ, sinɑ boko nɑ n ɑrufɑɑni mɔ nɡe ɡurɑ ye yɑ nɛmɔ ɡbee te bɑ kɔrɔ kuɑ sɔɔ, ǹ kun mɛ nɡe nim ɑrufɑɑniɡum mɛ mu kokumɔ ɡberɔ,

Mɔnnu 16:15

Sinɑ boko ù n nuku dobu mɔ, win tɔmbun hunde yɑ koo dɑkɑɑ dɑ. Ù n mɑɑ ɡoo durom kuɑ, yɑ sɑ̃ɑwɑ nɡe ɡurɑ ye yɑ nɑ ɡbeburun sɑɑ.

Esɑi 30:23

Sɑɑ yerɑ Gusunɔ u koo de ɡurɑ yu nɛ bɛɛn dĩɑ ni i duurɑ sɔɔ, kpɑ dĩɑ ni, nu ɡeɑ ko nu mɑ. Sɑɑ ye sɔɔrɑ, yɑɑ sɑbenu koo yɑkɑsu di bɑtumɑ bɑkɑ sɔɔ.

Esɑi 44:3

Kon de nim mu tɛriɑ tem ɡbebum wɔllɔ, kpɑ dɑru koki yi yɑri min di. Kon nɛn Hunde yibie wunɛn bibun bweseru sɔɔ, kpɑ n bu domɑru kuɑ.

Esɑi 5:6

U ǹ mɑɑ win resɛm dɑ̃ɑ ye sɔmmɔ, mɛyɑ u ǹ mɑɑ ɡbɑɑ te wukumɔ. U koo tu deriwɑ tu kɑm ko, kpɑ sɑ̃ki yi tu wukiri, kpɑ u de ɡurɑ yu ku mɑɑ nɛ mi.

Yeremi 10:13

Wiyɑ u rɑ de bukɔ ɡu se wɔllɔ, kpɑ u woo seeyɑmɑ sɑɑ ɡen wɑ̃ɑ yerun di, kpɑ ɡuru winu nu nim kpɑɑsinɑ, kpɑ ɡuru mɑɑkinu nu koorɑ, kpɑ ɡurɑ yu nɛ.

Yeremi 14:22

Bũu ɡoo sɑri wi u koo kpĩ u ɡurɑ nɛɛsiɑ, wɔllun tii, tɑ ǹ kpɛ̃ tu ɡurɑ nɛɛsiɑ. Gusunɔ bɛsɛn Yinni, wunɑ ɑ rɑ de ɡurɑ yu nɛ. Wunɑ sɑ mɑɑ nɑɑnɛ sɑ̃ɑ. Domi wunɑ ɑ rɑ ye kpuro ko.

Yeremi 5:24

Bɑ ku rɑ tii sɔ̃ bu nɛɛ, bu nɛ, Yinni Gusunɔ nɑsiɑ, nɛ wi nɑ rɑ bu ɡurɑ wɛ̃ wɔ̃ɔ kɑ wɔ̃ɔ yen sɑɑ sɔɔ, kpɑ n mɑɑ sɑɑ yi bu kɑ dĩɑnu ɡɛ̃.

Yeremi 51:16

Ù n nɔɔɡiru suɑ u woodɑ wɛ̃, nim mu rɑ kpɑɑsinɛwɑ wɔllɔ, kpɑ ɡuru winu nu n sĩimɔ, kpɑ ɡuru mɑɑkinu nu de ɡurɑ yu nɛ, kpɑ woo ɡu seemɑ ɡen wɑ̃ɑ yerun di.

Esekiɛli 34:26

Kon de nu n wɑ̃ɑ ɡuu te nɑ ɡɔsɑn bɔkuɔ. Kpɑ n nu domɑru kuɑ n de ɡurɑ yu nɛ yen sɑɑ sɔɔ.

Esekiɛli 36:37

Wee ye kon mɑɑ wure n Isirelibɑ kuɑ. Kon bu dɑbiɑsiɑ nɡe yɑ̃ɑ ɡɔ̃ɔ.

Osee 10:12

Yen sɔ̃ tɛ̃, bɛɛ Isirelibɑ i ɡbee kpɑɑru koowo i ɡem duure. Kpɑ i durom ɡɛ̃. Domi sɑɑ yɑ turɑ i kɑ ɡɔsirɑmɑ nɛ, Yinni Gusunɔn mi, kpɑ n bɛɛ susi n bɛɛ ɡeɑ kuɑ.

Osee 6:3

I de su kɑsu su nùn ɡiɑ. Nɡe mɛ sɑ rɑ n yɛ̃ kɑm kɑm mɑ sɔ̃ɔ u koo yɑri, nɡe mɛyɑ sɑ n mɑɑ yɛ̃ mɑ u koo nɑ. U koo nɑwɑ nɡe tom buruku ɡurɑ ye yɑ rɑ tem yɛmiɑsie.

Amɔsu 4:7

Nɑ yinɑ ɡurɑ yu nɛ ye n tie suru itɑ bu kɑ dĩɑnu ɡɛ̃. Nɑ derɑ ɡurɑ yɑ nɑ wusu ɡɑsun mi. Mɑ nɑ ǹ wure yu nɛ ɡɑsun mi. Nɑ derɑ yɑ nɑ ɡbenu ɡɑnu sɔɔ. Mɑ nɑ ǹ wure yu nɛ ɡɑnun mi. Mɑ nu ɡberɑ.

Misee 5:7

Isireli be bɑ tiɑrɑ bɑ ko n wɑ̃ɑ tɔmbun suunu sɔɔ, kpɑ bɑ n dɑm mɔ nɡe ɡbee sunɔ ɡe ɡɑ wɑ̃ɑ ɡbeeku yɛɛn suunu sɔɔ, ǹ kun mɛ yɑ̃ɑ ɡɔ̃ɔ sɔɔ. Mi ɡɑ duɑ kpuro, ɡɑ rɑ yɑɑ kɑsukuwɑ ɡu mwɛ. Goo kun mɑɑ kpɛ̃ u ɡu mwɑɑri.

Yohɑnu 16:23

Sɑɑ ye, yɑ̀ n tunumɑ, i ǹ ko mɑn ɡɑ̃ɑnu ɡɑnu bikiɑ. Kɑ ɡeemɑ nɑ bɛɛ sɔ̃ɔmɔ, bɑɑyere ye i Bɑɑbɑ kɑnɑ kɑ nɛn yĩsiru, u koo bɛɛ kɛ̃.

Korinti I 3:6

Nɛnɑ nɑ duurɑ, mɑ Apolo u nim yɛ̃kɑ, ɑdɑmɑ Gusunɔwɑ u kpɛ̃ɑsiɑmɔ.

Sɔ̃ɔsiru 28:23

Wɔllu tɑ koo bɔbiɑwɑ nɡe sii ɡɑndu bɛɛn wii wɔllɔ kpɑ tem mu bɔbiɑ nɡe sisu.

Yɑkɔbu 5:7

Yen sɔ̃, nɛɡibu, i tɛmɑnɔ sere Yinni u kɑ wurɑmɑ. I mɛɛrio nɡe mɛ ɡbee wuko rɑ n suuru sɑ̃ɑ u n kɑ tem mɑrɑ mu nùn dĩɑ ɡeenu mɑruɑ. U rɑ n ɡuri ɡbiikii kɑ dɑ̃ɑki mɑrɑ.