Sɑkɑri 1:6 - Bibeli Gusunɔn Gari

⁶ Aɑwo, bɑ ɡu. Kɑ mɛ, woodɑ kɑ ɡɑri yi nɑ nɛn sɔmɔ be wɛ̃, bɑ yi bɛɛn bɑɑbɑbɑ sɔ̃ɔwɑ, mɑ bɑ ɡɔ̃ru ɡɔsiɑ bɑ nɛɛ, nɛ Gusunɔ wɔllu kɑ tem Yinni nɑ bu kuɑ nɡe mɛ nɑ ɡɔ̃ru doke ben dɑɑ kɔ̃sɑn sɔ̃.

Sɑkɑri 1:6 ပူးပေါင်းရင်းမြစ်များ

Sinɑmbu II 15:12

Nɡe mɛyɑ Yinni Gusunɔn ɡɑri yi kɑ koorɑ yi u Yehu sɔ̃ɔwɑ u nɛɛ, win bibɑ koo bɑndu diwɑ sere kɑ win bibun debuminɔ.

Yoobu 6:29

I suuru koowo, i de i kun sɑ̃ɑ murɑfitibɑ fɑ! I de i nɛn dɛɛrɑru wɑ.

Esɑi 21:17

Ben tɛn towo wɔruɡɔbɑ sɔɔ, fiikowɑ yɑ koo tiɑrɑ. Gusunɔ, Isirelibɑn Yinniwɑ u yeni ɡeruɑ.

Esɑi 44:26

Adɑmɑ nɑ rɑ nɛn sɔm kowon ɡɑri dɑm sire, kpɑ n de nɛn sɔmɔn ɡɑri yi u ɡeruɑ yi koorɑ. Nɑ nɛɛ, tɔmbɑ koo kpɑm sinɑ Yerusɑlɛmuɔ. Bɑ koo mɑ wure bu Yudɑbɑn bɑnsu seeyɑ, kpɑ bu sin wusu bɑni.

Esɑi 55:1

Yinni Gusunɔ u nɛɛ, bɛɛ be nim nɔru ɡɑ mɔ̀, i nɑ i nim nɔ. Bɑɑ bɛɛ be i ǹ ɡobi mɔ, i nɑ i mwɑ i di. I nɑ i tɑm kɑ bom mwɑ i nɔ n kun kɑ ɡobi.

Esɑi 55:11

nɡe mɛyɑ nɛn ɡɑri yi nɑ ɡeruɑ, yi ku rɑ kɑm wɔri yi kun nɛn kĩru kue, kpɑ yi nɛn himbɑ yibiɑ.

Yeremi 23:20

Win mɔru ye, yɑ ǹ suremɔ, mɑ n kun mɔ u win himbɑ yibiɑ. Amɛn biru, yɑ koo bɛɛ nɛn tɔmbu yeeri.

Yeremi 26:15

I yɛ̃ mɑ nɑ ǹ tɑɑrɛ ɡɑɑ mɔ. Yen sɔ̃, ì n mɑn ɡo, nɛn yɛm mu kuɑ bɛɛ kɑ bɛɛn wuu ɡen sɔmunu. Domi kɑ ɡem Yinni Gusunɔwɑ u mɑn ɡɔrimɑ n kɑ bɛɛ ɡɑri yini kpuro sɔ̃.

Yeremi 28:17

Mɑ Gusunɔn sɔmɔ Hɑnɑniɑ wi, u ɡu wɔ̃ɔ ɡen suru nɔɔbɑ yiruse sɔɔ.

Yeremi 32:24

Wee tɛ̃ Bɑbiloniɡibu bɑ ɡunɡunu bɑnɑ bu kɑ wɑ bu wuu ɡe wɔri. Bɑ koo mɑɑ ɡu mwɑ, domi ɑ bu ɡu nɔmu bɛriɑ. Kɑɑ de bu ɡu kɑmiɑ kɑ tɑbu kɑ ɡɔ̃ɔru kɑ bɑrɑru. Mɛyɑ ye ɑ ɡeruɑ kpuro yɑ koorɑ, Yinni Gusunɔ, ɑ mɑɑ ye wɑɑmɔ.

Yeremi 36:28

ɑ mɑɑ tire kpɑɑru suo kpɑ ɑ ɡɑri yi yore yi yi rɑɑ wɑ̃ɑ tire te sɔɔ, te sinɑ boko Yoyɑkimu u dɔ̃ɔ mɛni mi.

Yeremi 39:16

ɑ doo ɑ Ebɛdi Mɛlɛki, Etiopiɡii wi sɔ̃ ɑ nɛɛ, nɛ, Gusunɔ Isirelibɑn Yinni, nɛ wi nɑ wɔllu kɑ tem mɔ, nɑ rɑɑ ɡeruɑ nɑ nɛɛ, kɔ̃sɑ yɑ koo wuu ɡe deemɑ, n ǹ mɔ ɡeɑ. Tɛ̃, kon de kɔ̃sɑ ye, yu tunumɑ. Ye kpurowɑ yɑ koo koorɑ win nɔni biru.

Yeremi 4:4

Geemɑ, i bɑnɡo sɑ̃ɑ wɑsi sɔɔ. Adɑmɑ n tiewɑ i mɑn tii wɛ̃, kpɑ nɛn mɔru yu ku rɑɑ yɑburɑ nɡe dɔ̃ɔ, wi ɡoo kun kpɛ̃ u ɡo, domi bɛɛn nuku kɔ̃suru tɑ kpɑ̃.

Yeremi 44:2

wee, ye nɛ Gusunɔ, wɔllu kɑ tem Yinni nɑ ɡeruɑ. Nɑ nɛɛ, i kɔ̃sɑ ye kpuro wɑ ye nɑ Yerusɑlɛmu kuɑ kɑ Yudɑn wuu si su tie. Wee, su kuɑ bɑnsu. Goo mɑɑ sɑri mi.

Yeremi 44:28

Kɑ mɛ, bɛɛn fiiko bɑ koo kisirɑ tɑbun di, kpɑ bu wurɑmɑ Yudɑɔ. Sɑɑ yerɑ, bɛɛ be i dɑ mi kpuro i ko i ɡiɑ ǹ n nɛn ɡɑrin nɑ yi koorɑ, ǹ n mɑɑ bɛɛɡiin nɑ yi koorɑ.

Yeremi 44:29

U koo bɛɛ deemɑ Eɡibiti mi, kpɑ u bɛɛ yĩreru wɛ̃ te tɑ koo bɛɛ sɔ̃ɔsi mɑ kɔ̃sɑ ye u rɑɑ ɡeruɑ yɑ koo nɑwɑ kɑ ɡem. Yĩre terɑ,

Yeremi 44:6

Mɑ nɑ kɑ bɛɛ mɔru kuɑ ɡem ɡem. Nɑ Yudɑn wusu kɑ Yerusɑlɛmun swɛɛ kpeerɑsiɑ mɑ ye kpuro yɑ kuɑ bɑnsu, nɡe mɛ i wɑɑmɔ ɡisɔ.

Yeremi 5:14

Yen sɔ̃, nɛ, Gusunɔ, wɔllu kɑ tem Yinni, nɑ nɛɛ, ye bɑ kɑ ɡeruɑ mɛ, wee, nɛn ɡɑri yi ko n sɑ̃ɑ nɡe dɔ̃ɔ wunɛ Yeremin nɔɔ sɔɔ, kpɑ nɛn tɔn be, bɑ n sɑ̃ɑ nɡe dɑ̃ɑ ye dɔ̃ɔ wi, u koo mwɑ.

Swĩi 1:18

Yinni Gusunɔ u ɡem mɔ ye u kɑ kuɑ mɛ. Domi nɑ ǹ win ɡere mɛm nɔɔwɛ. Bɛɛ bwesenu kpuro, i swɑɑ dɑkio i nɔ, kpɑ i nɛn nuku sɑnkirɑnu wɑ. Nɛn wɔndiɑbɑ kɑ nɛn ɑluwɑɑsibɑ bɑ yoru dɑ tem tukumɔ.

Swĩi 2:17

Yinni Gusunɔ u kuɑ ye u ɡɔ̃ru doke. U yibiɑ ye u ɡeruɑ sɑɑ yellun di u nɛɛ, u koo ko. Wee u wunɛ Yerusɑlɛmu kɑm kuɑ. U ǹ wunɛn wɔnwɔndu wɑ. U derɑ yibɛrɛbɑn nukurɑ dorɑ wunɛn sɔ̃, domi u bu dɑm kɑ̃.

Swĩi 3:42

Su nɛɛ, Yinni, sɑ durum kuɑ, sɑ nun seesi. A ǹ sun suuru kue.

Esekiɛli 20:43

Bɑ koo bwisiku dɑɑ kɔ̃sɑ ye bɑ kuɑ yellu, yè sɔɔ bɑ tii disi doke kpɑ bu tii tusi kɔ̃sɑ ye bɑ kuɑn sɔ̃.

Esekiɛli 37:11

Yinni Gusunɔ u mɑɑ nɛɛ, tɔnun bii, kuku ni, nu sɑ̃ɑwɑ Isirelibɑ. Wee bɑ mɔ̀, ben kukunu nu ɡberɑ. Ben yĩiyɔbu bu doonɑ mɑ bɑ kɔ̃ɔrɑ.

Dɑniɛli 4:28

Sɑnɑm mɛ sinɑ boko u ɡɑri yi ɡerumɔ u ǹ kpɑ, yerɑ nɔɔ ɡɑɡɑ nɔɔrɑ wɔllun di ɡɑ nɛɛ, sinɑ boko Nɛbukɑnɛsɑɑ, ɑ swɑɑ dɑkio ɑ nɔ. Bɑ nun bɑndu yɑrɑ.

Osee 5:9

Gɑri ɡeeyɑ nɑ Isirelibɑ sɔ̃ɔmɔ. Dɔmɑ te kon bu sɛɛyɑsiɑ, bɑ koo kɑm kowɑ.

Osee 9:15

Yinni Gusunɔ u nɛɛ, ɡeemɑ ben nuku kɔ̃suru kpuro tɑ sɔ̃ɔsirɑ Giliɡɑliɔ. Miyɑ nɑ bu wɑ mɑ nɑ bu tusɑ. Kon bu ɡirɑ nɛn wuswɑɑn di ye bɑ kuɑn sɔ̃. Nɑ ǹ mɑɑ bu kĩ. Domi ben sinɑmbu kpurowɑ bɑ mɑn seesimɔ.

Amɔsu 9:10

Nɛn tɔn be bɑ durum mɔ̀, mɑ bɑ ɡerumɔ bɑ mɔ̀, nɑ ǹ bu nɔni swɑ̃ɑru suremɔ, bɑ koo be kpuro ɡowɑ tɑbu sɔɔ.

Sɑkɑri 1:7

Dɑrusin bɑndun wɔ̃ɔ yirusen suru wɔkurɑ tiɑse, wi bɑ mɔ̀ Sebɑti, win sɔ̃ɔ yɛndɑ nnɛse sɔɔrɑ Yinni Gusunɔ u kɑ win sɔmɔ Sɑkɑri, Berekiɑn bii, Idon debubu ɡɑri kuɑ kɑ̃siru sɔɔ.

Mɑlɑsi 3:18

Sɑɑ yerɑ i ko i wɑ ye yɑ ɡemɡii kɑ tɔn kɔ̃so wunɑnɛ kɑ ye yɑ mɑɑ wi u Gusunɔ sɑ̃ɑmɔ kɑ wi u kun nùn sɑ̃ɑmɔ wunɑnɛ.

Gbɑburu 23:19

Gusunɔ kun sɑ̃ɑ nɡe tɔnu u sere weesu ko. Uǹ sɑ̃ɑ nɡe tɔnu u sere kɔbiɑ ye u rɑɑ ɡeruɑ. Ye u ɡeruɑ, yerɑ u rɑ ko. Yèn himbɑ u mɑɑ yi, yɑ rɑ koorewɑ.

Gbɑburu 32:23

Adɑmɑ ì kun kue mɛ, i Yinni Gusunɔ torɑriwɑ mi. Kpɑ i n yɛ̃ mɑ bɛɛyɑ i ko i torɑ ten ɑre sɔbe.

Gbɑburu 33:56

Sɑɑ ye, beyɑ kon kuɑ ye nɑ rɑɑ ɡɔ̃ru doke n yibɛrɛ be kuɑ.

Mɑteu 24:35

Wɔllu kɑ tem bɑɑ yɑ koo doonɑ, ɑdɑmɑ nɛn ɡɑri kun dɔɔnɔ pɑi.

Sɔ̃ɔsiru 28:15

Mɔwisi u mɑɑ nɛɛ, mɑ i ǹ Gusunɔ bɛsɛn Yinnin ɡere swɑɑ dɑki, mɑ i kun ye kpuro mɛm nɔɔwɛ kɑ yiire bi nɑ bɛɛ sɔ̃ɔmɔ mini ɡisɔ, bɔ̃ri yiniwɑ yi koo bɛɛ wɔri.

Sɔ̃ɔsiru 28:2

Mɑ i win ɡere kpuro mɛm nɔɔwɑ, wee nɡe mɛ u koo bɛɛ domɑru kuɑ.

Sɔ̃ɔsiru 28:20

Ye i mɔ̀ kpuro sɔɔ, Gusunɔ bɛɛn Yinni u koo de i bɔ̃ri wɑwɑ kpɑ i n bɛrum mɔ kpɑ i wɑhɑlɑ ko sere i kɑ kɑm ko mɑm mɑm yèn sɔ̃ i nùn deri mɑ i kɔ̃sɑ kuɑ.

Sɔ̃ɔsiru 28:45

Bɔ̃ri yini kpurowɑ yi koo bɛɛ deemɑ. Kpɑ yi n bɛɛ wɑ̃ɑsi sere bu kɑ bɛɛ kɑm koosiɑ. Domi i ǹ Gusunɔ bɛɛn Yinnin ɡere swɑɑ dɑki, i ǹ win yiirebu wure, i ǹ mɑɑ win woodɑbɑ mɛm nɔɔwɛ ye u bɛɛ wɛ̃.

Tɛsɑlonikɑ I 5:4

Adɑmɑ bɛɛ nɛɡibu, i ǹ wɑ̃ɑ yɑm wɔ̃kuru sɔɔ, n ǹ mɑɑ weenɛ sɑnɑm mɛ, mu bɛɛ biti mwɑ nɡe ɡbɛnɔn nɑɑru.