Sɑkɑri 1:12 - Bibeli Gusunɔn Gari

¹² Mɑ ɡɔrɑdo wi, u nɛɛ, Gusunɔ wɔllu kɑ tem Yinni, sere sɑɑ yerɑ̀ kɑɑ Yerusɑlɛmu kɑ Yudɑbɑn wuu si su tien wɔnwɔndu wɑ, si ɑ kɑ mɔru sɑ̃ɑ sɑɑ wɔ̃ɔ wɑtɑ kɑ wɔkurun di.

Sɑkɑri 1:12 ပူးပေါင်းရင်းမြစ်များ

Bɑndun Gɑri II 36:21

Nɡe mɛyɑ Yinni Gusunɔn ɡɑri yi kɑ koorɑ yi win sɔmɔ Yeremi u rɑɑ ɡeruɑ u nɛɛ, bɑ koo Yudɑbɑ yoru mwɑ kpɑ tem mɛ, mu wɑ mu sɑnɑm wɛ̃rɑɡim di kpɑ mu wɛ̃rɑ sere wɔ̃ɔ wɑtɑ kɑ wɔkuru, wɑhɑlɑ ye mu rɑɑ wɑn sɔ̃.

Womusu 102:10

Wunɛn mɔru bɑkɑn sɔ̃, torom mu kuɑ nɛn dĩɑnu. Mɑ nɛn nɔni yĩresu su wɔrikimɔ nɛn nim nɔrurɑm sɔɔ. Domi ɑ mɑn yɑrɑ ɑ kɑsɑ kɔ̃ n tomɑ.

Womusu 102:13

Adɑmɑ wunɛ Yinni Gusunɔ, kɑɑ n bɑndu diiwɑ sere kɑ nɔrɔ. Mɛyɑ bɑ ko n nun yɑɑye sere kɑ bɑɑdommɑɔ.

Womusu 69:5

Be bɑ mɑn tusɑ bɑ ǹ ten wiru kɑ nɑɑsu yɛ̃, bɑ dɑbi bɑ nɛn wirun seri kere. Nɛn yibɛrɛ be bɑ kĩ bu mɑn ɡo kɑm bɑ dɑm mɔ. Ye nɑ ǹ ɡbɛnɛ, bɑ kĩ n yen kɔsire wɛ̃.

Womusu 74:10

Sere sɑɑ yerɑ̀ kɑɑ n mɑrɑ yibɛrɛ u n nun nɔɔ kuurimɔ. Sere sɑɑ yerɑ̀ kɑɑ n nɔɔ mɑɑri yibɛrɛ u n wunɛn yĩsiru kɑm mɛɛrɑ.

Womusu 79:5

Yinni Gusunɔ, sere sɑɑ yerɑ̀ wunɛn mɔru ko n seewɑ. Sere sɑɑ yerɑ̀ kɑɑ n nisinu seewɑ nɡe dɔ̃ɔ.

Wɑɑsu kowo 3:3

Goberu kɑ ten sɑɑ, bɛkiɑbu mɑɑ kɑ bin sɑɑ. Kɔsukubu kɑ bin sɑɑ, bɑnɑ mɑɑ kɑ yen sɑɑ.

Esɑi 47:6

Wee, nɑ rɑɑ kɑ nɛn tɔmbu mɔru kuɑ, nɑ bu ɡɑrisi nɡe disi, be, be bɑ sɑ̃ɑ nɛɡibu. Mɑ nɑ nun bu nɔmu bɛriɑ. Adɑmɑ ɑ ǹ bu wɔnwɔndu kue, sere ɑ mɑm ben durɔ tɔkɔnu yoru diisiɑ.

Esɑi 63:9

Bɛsɛn wɑhɑlɑ kpuro sɔɔ, u sun somi. N ǹ mɔ win ɡɔrɑdo u sun fɑɑbɑ kuɑ, win tiiwɑ u sun yɑkiɑ win kĩru kɑ win wɔnwɔndun sɔ̃. Mɑ u sun nɔɔri sɑɑ yellun di.

Yeremi 12:4

Sere sɑɑ yerɑ̀ kɑɑ n derɑ bɛsɛn tem mu n wɑ̃ɑ nuku sɑnkirɑnu sɔɔ. Wee yɑkɑsu kpuro ɡberɑmɔ, mɑ ɡbeeku yɛɛ kɑ ɡunɔsu ɡbimɔ bɛsɛn tem mɛn tɔn kɔ̃sobun sɔ̃. Domi bɑ ɡerumɔ bɑ mɔ̀, ɑ ǹ ben sɑnu sɑnusu wɑɑmɔ.

Yeremi 15:17

Mɛyɑ nɑ ǹ wure n sinɑ kɑ tɔn yɑɑ kɑsikiobu su kɑ nuku dobu ko sɑnnu. Nɑ tii ɡɔwɑwɑ nɑ sɔ̃ nɛ turo, domi ɑ derɑ nɛn mɔru seewɑ.

Yeremi 29:10

U mɑɑ nɛɛ, wɔ̃ɔ wɑtɑ kɑ wɔkurun bɑɑ yɑ̀ n doonɑ, u koo nɑ u bɛɛ yɑrɑ u kɑ wurɑmɑ bɛɛn temɔ. Nɡe mɛyɑ u koo kɑ win nɔɔ mwɛɛru yibiɑ.

Yeremi 30:18

Nɑ wure nɑ nɛɛ, wee, kon bɛɛ Isirelibɑ Yɑkɔbun bweseru yɑrɑ yorun di, kpɑ i wurɑ bɛɛn yɛnusɔ. Kon bɛɛn yɛnusun wɔnwɔndu ko, kpɑ n bɛɛn wuu bɑni ɡen bɑnsɔ n bɛɛn sinɑ kpɑɑru seeyɑ n swĩi mi tɑ rɑɑ wɑ̃ɑ.

Dɑniɛli 12:6

Mɑ turo u wi u yɑ̃nu doke ni bɑ kuɑ kɑ wɛ̃ɛ dɑmɡii u yɔ̃ dɑɑ ten nim wɔllɔ bikiɑ u nɛɛ, sɑɑ yerɑ̀ mɑɑmɑɑki yen kpeerɑ koo nɑ.

Dɑniɛli 9:2

win bɑndun wɔ̃ɔ ɡbiikuu sɔɔ, Dɑniɛli u tirenu mɛɛrimɔ mɑ u ɡirɑri mi Yinni Gusunɔ u win sɔmɔ Yeremi sɔ̃ɔwɑ u nɛɛ, wɔ̃ɔ wɑtɑ kɑ wɔkurɑ Yerusɑlɛmu yɑ ko n sɑ̃ɑ bɑnsu.

Hɑbɑkuku 1:2

Yinni Gusunɔ, sere sɑɑ yerɑ̀ ko nɑ n nun somiru kɑnɑmɔ. Sere sɑɑ yerɑ̀ kɑɑ n mɑn mɑɑri. Sere sɑɑ yerɑ̀ kɑɑ de nɑ n nun sɔ̃ɔmɔ mɑ tɔmbɑ dɑm dɔrenɑmɔ. Nɡe sere sɑɑ yerɑ̀ kɑɑ nɑ ɑ sun wɔrɑ.

Sɑkɑri 1:8

Wee ye u wɑ kɑ̃si te sɔɔ. Wɔ̃kuru, u durɔ ɡoo wɑ u dum swɑ̃ɑ sɔni u kɑ yɔ̃ dɑ̃nu ɡɑnun suunuɔ, wɔwɑ ɡɑɑ sɔɔ. Mɑ dum swɛ̃ɛ kɑ dum bɛrɔ wurusu kɑ dum kɑɑbɑ yi wɑ̃ɑ win biruɔ.

Sɑkɑri 7:5

ɑ yɑ̃ku kowobu kɑ tɔn be kpuro wisio ɑ nɛɛ, sɑɑ wɔ̃ɔ wɑtɑ kɑ wɔkurun di, bɑ rɑ nɔɔ bɔke kpɑ bɑ n wɑ̃ɑ nuku sɑnkirɑnu sɔɔ wɔ̃ɔn suru nɔɔbuse kɑ nɔɔbɑ yiruse sɔɔ. Adɑmɑ bɑ ǹ ye mɔ̀ bu kɑ mɑn bɛɛrɛ wɛ̃.

Heberu 7:25

Yen sɔ̃nɑ u koo kpĩ u bu fɑɑbɑ ko tɛ̃n di kɑ bɑɑdommɑɔ be bɑ Gusunɔ susimɔ win min di, domi u wɑ̃ɑwɑ u kɑ Gusunɔ suuru kɑnɑ ben sɔ̃.

Kɑ̃siru 6:10

Tɔmbun hunde beyɑ bɑ ɡbɑ̃rɑ bɑ nɛɛ, Yinni dɛɛro, ɡemɡii, sere sɑɑ yerɑ̀ ɑ mɑrɑ ɑ kɑ hɑnduniɑn tɔmbu siri kpɑ ɑ bu sɛɛyɑsiɑ yèn sɔ̃ bɑ sun ɡo.