Sɑ̃ɑrun Woodɑ 8:8 - Bibeli Gusunɔn Gari

⁸ Mɑ u bɔɔ bɑrɑ ye sɔndi win tororu wɔllɔ. Mɑ u urimu kɑ tumimu doke bɔɔ bɑrɑ yen sɔɔwɔ.

Sɑ̃ɑrun Woodɑ 8:8 ပူးပေါင်းရင်းမြစ်များ

Ɛsidɑrɑsi 2:63

Mɑ tem mɛn kpɑro u nɛɛ, mɑ n kun mɔ yɑ̃ku kowo ɡoo u kpĩɑ u bikiɑru kuɑ kɑ urimu kɑ tumimu, ben ɡoo kun yɑ̃ku dĩɑnu dimɔ.

Nɛɛmi 7:65

Mɑ tem mɛn kpɑro u bu sɔ̃ɔwɑ u nɛɛ, mɑ n kun mɔ yɑ̃ku kowo ɡoo u kpĩɑ u bikiɑru kuɑ kɑ urimu kɑ tumimu ben ɡoo kun yɑ̃ku dĩɑnu dimɔ.

Yɑribu 29:1

Yinni Gusunɔ u kpɑm Mɔwisi sɔ̃ɔwɑ u nɛɛ, wee nɡe mɛ kɑɑ koosinɑ ɑ kɑ sɔ̃ɔsi mɑ nɑ Aroni kɑ win bibu ɡɔsɑ nɑ yi nɛnɛm bu kɑ ko yɑ̃ku kowobu nɛn sɑ̃ɑ yerɔ. A nɑɑ kinɛ kpɛndu suo kɑ yɑ̃ɑ kinɛnu yiru. A ku de yen ɡɑɑ yɑ n ɑlebu mɔ.

Womu Duro 8:6

A de nɛ turon ɡɑri yi n wɑ̃ɑ wunɛn ɡɔ̃ruɔ. A de ɑ n nɛ turo bɔkɑsi. Domi kĩru tɑ dɑm mɔwɑ nɡe ɡɔɔ. Nisinu nu mɑɑ sɑ̃ɑwɑ ɡɑ̃ɑ ɡɔbunu nɡe ɡɔribun wɑ̃ɑ yeru. Nin dɑm mu sɑ̃ɑwɑ nɡe dɔ̃ɔ yɑri. Yinni Gusunɔn min diyɑ yi wee.

Esɑi 59:17

u mu sebuɑ nɡe tɑrɑkpe, mɑ u fɑɑbɑ doke wirɔ nɡe sii furɔ kɔkɔru. U mɔru kɔsiɑbu sebuɑ nɡe yɑberu, mɑ u tii nisinu wukiri nɡe ɡurumusuru.

Gbɑburu 27:21

Yɑ̃ku kowo Eleɑsɑɑwɑ u ko n dɑ wɑ kpɑ Eleɑsɑɑ u mɑn kɑnɑ win sɔ̃ kɑ woro te bɑ rɑ ko kɑ urimu. Win ɡɑriyɑ Yosue kɑ Isirelibɑ kpuro bɑ ko n dɑ kɑ sɔmburu ko.

Efesu 6:14

Ǹ n mɛn nɑ, i seewo i yɔ̃rɑ dim dim kpɑ i n ɡem sɛ̃ke bɛɛn pɔrɑɔ nɡe kpɑkɑ, kpɑ i n kookoo ɡeesu sebuɑ nɡe tɑrɑkpe.

Sɔ̃ɔsiru 33:8

Lefin bwese kɛrɑn sɔ̃ u nɛɛ, Yinni Gusunɔ, wunɑ ɑ wunɛn sɔm kowobu Lefibɑ urimu kɑ tumimu nɔmu bɛriɑ. A ben lɑɑkɑri mɛɛrɑ Mɑsɑɔ, mɑ ɑ bu siri Mɛribɑn bwiɑn ɡɑri sɔɔ.

Tɛsɑlonikɑ I 5:8

Adɑmɑ bɛsɛ be sɑ sɑ̃ɑ sɔ̃ɔ sɔɔɡibu, n weenɛ sɑ n tii sɛ. Su nɑɑnɛ dokebu kɑ kĩru sebe nɡe tɑrɑkpe, su mɑɑ fɑɑbɑn yĩiyɔbu doke nɡe sii furɔ kɔkɔru.

Sɑmuɛli I 2:28

Mɑ u wunɛn bɑɑbɑ Aroni ɡɔsɑ Isirelibɑn bweseru kpuro sɔɔ u kɑ ko win yɑ̃ku kowo kpɑ u n dɑ nùn yɑ̃kunu kue, u turɑre dɔ̃ɔ doke, kpɑ u n dɑ Isirelibɑ bikiɑru kue wi Yinni Gusunɔn mi. U mɑm wi kɑ win yɛnuɡibu Isirelibɑn yɑ̃ku yɑɑn sukum yɔllɑ kuɑ bu di.

Sɑmuɛli I 28:6

Mɑ u Yinni Gusunɔ kɑnɑ u nùn sɔ̃ɔsi ye u koo ko. Adɑmɑ u ǹ nùn wisɑ dosu sɔɔ, ǹ kun mɛ yɑ̃ku kowon min di, ǹ kun mɛ win sɔmɔ ɡoon min di.