Sɑ̃ɑrun Woodɑ 26:5 - Bibeli Gusunɔn Gari

⁵ I ko n dĩɑnu ɡɛ̃ɛmɔwɑ sere bɛɛn resɛm yu kɑ sɔribu turi. Kpɑ resɛm ye, yɑ n mɑɑ wɑ̃ɑ duurubun sɑɑ. I ko i di i debu kpɑ i n wɑ̃ɑ kɑ bɔri yɛndu bɛɛn tem sɔɔ.

Sɑ̃ɑrun Woodɑ 26:5 ပူးပေါင်းရင်းမြစ်များ

Womusu 144:13

A de bɛsɛn birɑnu nu dĩɑ bwese bwesekɑ yibu, kpɑ bɛsɛn yɑɑ sɑbenu nu dɑbiɑ nu ko subɑ nɔrɔm nɔrɔm kɑ nɔrɔm nɔrɔm subɑ wɔku wɔkubu bɛsɛn ɡberu kpɑɑnɛɔ.

Womusu 90:1

Mɔwisi Gusunɔn sɔm kowo u kɑnɑru kuɑ u nɛɛ, Yinni, sɑɑ yellun di, wunɑ ɑ sɑ̃ɑ bɛsɛn kuku yeru.

Mɔnnu 1:33

Adɑmɑ wi u nɛn ɡɑri swɑɑ dɑki, win bwɛ̃rɑ ko n kpĩ. U ǹ ko n mɑɑ wurure kɔ̃sɑ ɡɑɑn bɛrum sɔ̃.

Mɔnnu 18:10

Yinni Gusunɔ u sɑ̃ɑwɑ nɡe ɡbɑ̃rɑ dɑmɡiru. Gemɡii ù n dukɑ dɑ mi, u ko n wɑ̃ɑwɑ bɔri yɛndu sɔɔ.

Esɑi 30:23

Sɑɑ yerɑ Gusunɔ u koo de ɡurɑ yu nɛ bɛɛn dĩɑ ni i duurɑ sɔɔ, kpɑ dĩɑ ni, nu ɡeɑ ko nu mɑ. Sɑɑ ye sɔɔrɑ, yɑɑ sɑbenu koo yɑkɑsu di bɑtumɑ bɑkɑ sɔɔ.

Yeremi 23:6

Win wɑɑti ye sɔɔ, Yudɑbɑ bɑ koo fɑɑbɑ wɑ. Kpɑ u de Isirelibɑ bɑ n wɑ̃ɑ bɔri yɛndu sɔɔ. Kpɑ bɑ n nùn sokumɔ bɑ n mɔ̀, Yinni Gusunɔwɑ u sɑ̃ɑ ben fɑɑbɑ kowo.

Osee 2:18

Yen tɔ̃ɔ te, u koo mɑn soku win durɔ. U ǹ mɑɑ mɑn sokumɔ Bɑɑli win yinni.

Osee 2:20

Sɑɑ yerɑ kon kɑ ɡbeeku yɛɛ kɑ ɡunɔsu kɑ sere yɛɛ yi yi rɑ kɑbiri ɑrukɑwɑni bɔke yi ku kɑ nɛn tɔmbu kɔ̃sɑ ɡɑɑ kuɑ. Kon de tɑbu bu kpe, kpɑ bɑ n wɑ̃ɑ bɔri yɛndu sɔɔ.

Yoɛli 2:19

Mɑ u win tɔmbun kɑnɑru wisɑ, u nɛɛ, kon bɛɛ ɑlikɑmɑ kpɑɑ wɛ̃, kɑ resɛm, kɑ ɡum. I ko i deburu wɑ. Nɑ ǹ mɑɑ derimɔ bweseru ɡɑru tu bɛɛ yɛ̃ɛ.

Yoɛli 2:22

Bɛɛ ɡbeeku yɛɛ, i ku nɑndɑ. Domi yɑkɑsu su koo wure su kpi temɔ, kpɑ dɑ̃nu nu mɑ. Fiɡie kɑ resɛm yɑ koo binu mɑ siki siki.

Yoɛli 2:26

Bɛɛ nɛn tɔmbu, i ko i di i debu. I ǹ sekuru wɑsi. Kpɑ i nɛ, Yinni Gusunɔ bɛɛrɛ wɛ̃, nɛ wi nɑ bɛɛ sɔm mɑɑmɑɑkiɡinu kuɑ.

Amɔsu 9:13

Wee sɑɑ yɑ sisi yè sɔɔ bɑ̀ n ɡɑ̃, n ǹ tɛɛmɔ bu kɑ kpɑm duure. Bɑ̀ n resɛm duurɑ, n ǹ tɛɛmɔ bu kɑ ye ɡɑmɑ. Bɑɑ kɑ ɡuunu wɔllɔ resɛm yɑ koo kpiwɑ yɑ n tɛrie bu kɑ tɑm ko.

Mɑteu 23:37

Mɑ Yesu u nɛɛ, Yerusɑlɛmu, Yerusɑlɛmu, wunɛ wi ɑ rɑ Gusunɔn sɔmɔbu ɡo kpɑ ɑ be u nun ɡɔriɑ kpenu kɑsuku. Nɔn nyewɑ nɑ kĩɑ n wunɛn tɔmbu kpɑɑsinɑ nɛn bɔkuɔ nɡe mɛ ɡoo mɛro ɡɑ rɑ ɡen binu mɛnnɛ ɡen kɑsɑ sɔɔ, ɑdɑmɑ i ǹ wure.

Gɔrobun Kookoosu 14:17

Adɑmɑ u ǹ tii deri seedɑ sɑri, u ɡeɑ kuɑ, u bɛɛ ɡurɑ nɛɛsiɑmmɛ i kɑ dĩɑnu wɑ ɡbeɑɔ nin sɑɑ sɔɔ, kpɑ i n kɑ nuku dobu mɔ.

Sɔ̃ɔsiru 11:15

U koo mɑɑ de yɑkɑsu su kpi bɛɛn yɑɑ sɑbenun sɔ̃. I ko i mɑɑ deburu wɑ.

Timɔte I 6:17

A tem mɛn ɑrumɑniɡibun lɑɑkɑri seeyo bu ku woo kɑnɑ bu ku rɑɑ mɑɑ ben yĩiyɔbu yi dukiɑ ye yɑ koo kpe sɔɔ. Adɑmɑ bu bu yiiyo Gusunɔ sɔɔ wi u sun kpuro wɛ̃ɛmɔ kɑ nuku tiɑ bɛsɛn nuku dobun sɔ̃.

Piɛɛ I 1:5

bɛɛ be Gusunɔn dɑm mu kɔ̃su nɑɑnɛ dokebun sɑɑbu i kɑ fɑɑbɑ wɑ ye yɑ sɔɔru sɑ̃ɑ yu kɑ sɔ̃ɔsirɑ sɑnɑm dɑ̃ɑkim sɔɔ.