Sɑ̃ɑrun Woodɑ 26:11 - Bibeli Gusunɔn Gari

¹¹ Kon de bu nɛn wɑ̃ɑ yeru ɡirɑ bɛɛn suunu sɔɔ. Nɑ ǹ mɑɑ bɛɛ biru kisimɔ.

Sɑ̃ɑrun Woodɑ 26:11 ပူးပေါင်းရင်းမြစ်များ

Sɑmuɛli II 7:7

Bɑɑmɑ mi sɑ dɑ nɛ kɑ Isirelibɑ ɡbɑburɔ, nɑ rɑ ben ɡɑbu ɡɔsiwɑ bɑ n kɑ be bɑ tie kpɑre. Adɑmɑ nɑ ǹ ben ɡoo tɑɑrɛ wɛ̃ɛre n nɛɛ, mbɑn sɔ̃nɑ u ǹ mɑn diru bɑniɛ kɑ dɑ̃ɑ ye bɑ mɔ̀ sɛduru.

Sinɑmbu I 6:13

Ko nɑ n wɑ̃ɑ dii te sɔɔ nɛn tɔmbu Isirelibɑn suunuɔ, nɑ ǹ bu derimɔ.

Sinɑmbu I 8:13

Adɑmɑ nɛ, nɑ nun wɑ̃ɑ yee ɡeeru bɑniɑ, mi kɑɑ n wɑ̃ɑ sere kɑ bɑɑdommɑɔ.

Sinɑmbu I 8:27

Adɑmɑ kɑɑ sere kpĩ ɑ sinɑ tem mɛ sɔɔ kɑ ɡem? Domi wɔllɑ kun nun turɑ. Kɑɑ sere ɡere dii te nɑ nun bɑniɑ mini?

Womusu 106:40

Mɑ wunɛ Yinni Gusunɔ ɑ kɑ wunɛn tɔmbu mɔru bɛsirɑ, ɑ bu tusɑ be, be bɑ sɑ̃ɑ wunɛn ɑrumɑni.

Womusu 76:2

Bɑ Gusunɔ tubɑ Yudɑɔ, mɑ u yĩsiru yɑrɑ Isireliɔ.

Womusu 78:59

Ye Gusunɔ u ye kpuro wɑ, yerɑ win mɔru seewɑ, mɑ u Isirelibɑ yinɑ.

Yɑribu 25:8

Yen biru i kɑ mɑn ye kpuro kuu bekuruɡiru kuo nɑ n kɑ wɑ̃ɑ bɛɛn suunu sɔɔ.

Yɑribu 29:45

Kpɑ nɑ n wɑ̃ɑ bɛɛ Isirelibɑn suunu sɔɔ i n mɑn sɑ̃ɑmɔ.

Yɑribu 29:46

Kpɑ i n yɛ̃ mɑ nɛnɑ nɑ sɑ̃ɑ Gusunɔ bɛɛn Yinni nɛ wi nɑ bɛɛ yɑrɑmɑ Eɡibitin di. Kpɑ nɑ n kɑ bɛɛ wɑ̃ɑ. Nɛnɑ Gusunɔ bɛɛn Yinni.

Yeremi 14:21

A wunɛn ɑrukɑwɑni yɑɑyo ye ɑ kɑ sun bɔkuɑ. Wunɛn yĩsirun sɔ̃, ɑ ku sun ɡɛm. A ku mɑɑ Yerusɑlɛmu funɛ wĩɑ mi ɑ wunɛn sinɑ ɡɔnɑ yiikoɡiɑ yii.

Swĩi 2:7

U win sɑ̃ɑ yeru mi bɑ rɑ nùn yɑ̃kuru kue biru kisi. U yibɛrɛbɑ Yerusɑlɛmun dii ɡeenu nɔmu bɛriɑ. Mɑ wɔkinu nɔɔrɑ win sɑ̃ɑ yeru mi, nɡe tɔ̃ɔ bɑkɑnun sɑɑ.

Yoɛli 2:27

Sɑɑ ye sɔɔ, i ko i ɡiɑ mɑ nɑ wɑ̃ɑ bɛɛ Isirelibɑn suunu sɔɔ. Mɑ nɑ sɑ̃ɑ Gusunɔ bɛɛn Yinni. Nɛ bɑɑsi, Yinni ɡoo mɑɑ sɑri. Bɛɛ nɛn tɔmbu, i ǹ mɑɑ sekuru wɑsi.

Sɑ̃ɑrun Woodɑ 20:23

I ku bwese nin komɑnu swĩi ni nɑ kon bɛɛ ɡirɑ. Domi komɑ niyɑ bɑ kuɑ nɑ kɑ bu yinɑ.

Sɑ̃ɑrun Woodɑ 26:15

mɑ i nɛn ɑrukɑwɑni yinɑ, i nɛn woodɑbɑ biru kisi, i ǹ kɑ bu sɔmburu kue,

Sɑ̃ɑrun Woodɑ 26:43

Ben biru, tem mɛ, mu koo wɛ̃rɑ. Sɑɑ ye sɔɔrɑ bɑ koo sɛɛyɑsiɑbu wɑ yèn sɔ̃ bɑ nɛn woodɑbɑ deri.

Sɑ̃ɑrun Woodɑ 26:44

Adɑmɑ bɑɑ bɑ̀ n wɑ̃ɑ tem tukumɔ ben yibɛrɛbɑn mi, nɑ ǹ bu derimɔ mɑm mɑm. Nɑ ǹ bu biru kisimɔ, nɑ ǹ mɑɑ bu kpeerɑsiɑmɔ. Nɑ ǹ nɛn ɑrukɑwɑni ye kusiɑmɔ. Domi nɑ sɑ̃ɑwɑ Gusunɔ ben Yinni.

Sɑkɑri 11:8

Suru tiɑn bɑɑ sɔɔ u nin kpɑrobu itɑ ɡo. Mɑ u kɑ nu tii kpɑrɑ u tɛmɑnɑbu kpɑnɑ. Mɑ nin tii nu nùn tusɑ.

Efesu 2:22

Bɛɛ kɑ Kirisin ɡbinnɑɑn sɔ̃ bɑ bɛɛ bɑnisi dii te sɔɔ, kɑ be bɑ tie sɑnnu i kɑ ko Gusunɔn Hunden wɑ̃ɑ yeru.

Sɔ̃ɔsiru 32:19

Sɑnɑm mɛ Gusunɔ u wɑ mɛ, yerɑ win mɔru seewɑ mɑ u bu ɡɛmɑ be, be bɑ sɑ̃ɑ win bibu.

Yosue 22:19

Ì n mɑɑ yɛ̃ tem mi i wɑ̃ɑ mi, i ǹ kpɛ̃ i Gusunɔ sɑ̃, i ɡɔsirɑmɑ bɛsɛn mi, mi win sɑ̃ɑ yee dɛɛrɑrɑ wɑ̃ɑ. Sɑ ko bɛɛ tem wɛ̃. Yen sɔ̃, sɑ bɛɛ kɑnɑmɔ, i ku Gusunɔ seesi. I ku mɑɑ sun seesi i yɑ̃ku yeru ɡɑru bɑni.

Yosue 22:31

Mɑ Finɛɛsi u Rubɛnibɑ kɑ Gɑdibɑ kɑ Mɑnɑse be sɔ̃ɔwɑ u nɛɛ, ɡisɔ sɑ ɡiɑ mɑ Yinni Gusunɔ u wɑ̃ɑ kɑ bɛsɛ, domi i ǹ nùn mɛm nɔɔ sɑriru koosi. Mɛyɑ win mɔru yɑ ǹ mɑɑ wɔrimɔ bɛsɛ sɔɔ yèn bɛrum sɑ rɑɑ mɔ̀.

Kɑ̃siru 21:3

Nɑ mɑɑ nɔɔɡiru nuɑ sinɑ kitɑrun di tɑ nɛɛ, wee tɛ̃, Gusunɔn wɑ̃ɑ yerɑ wɑ̃ɑ tɔmbun suunu sɔɔ, u ko n wɑ̃ɑ kɑ be, bɑ koo mɑɑ ko wiɡibu. Gusunɔn tii u ko n wɑ̃ɑ ben suunu sɔɔ.

Kɑ̃siru 7:15

Yenin sɔ̃nɑ bɑ yɔ̃ Gusunɔn sinɑ kitɑrun wuswɑɑɔ bɑ nùn sɑ̃ɑmɔ wɔ̃kuru kɑ sɔ̃ɔ sɔɔ win sɑ̃ɑ yerɔ. Wi u sɔ̃ sinɑ kitɑrɔ u koo bu win wɑ̃ɑru wukiri.