Sɑ̃ɑrun Woodɑ 11:7 - Bibeli Gusunɔn Gari

⁷ Mɛyɑ bɑ ǹ koo mɑɑ kurusɔ di. Gɑ nɑɑ kɑburosu mɔ ɑdɑmɑ ɡɑ ku rɑ tukɑ ko. Bɑ koo ɡu ɡɑrisiwɑ yɑɑ disiɡiɑ.

Sɑ̃ɑrun Woodɑ 11:7 ပူးပေါင်းရင်းမြစ်များ

Esɑi 65:4

Kpɑ bɑ n bikiɑru dɑɑmɔ sikɑɔ, bɑ n wɑ̃ɑ mi wɔ̃kuru kpuro. Bɑ rɑ n kurusɔ yɑɑ dimɔ kɑ mɑɑ dĩɑ sesenuɡinu ɡɑnu,

Esɑi 66:17

Be bɑ rɑ n tii dɛɛrɑsiɑmɔ bɑ n dɑɑmɔ dɑ̃ɑ sɔ̃sɔ, bɑ n bũu sɑ̃ɑmɔ mi, kpɑ bɑ n kurusɔ yɑɑ dimɔ kɑ ɡunɔnu kɑ sere mɑɑ sese dɑbinu, be kpurowɑ kon kɑm koosiɑ. Domi nɑ ben kookoosu kɑ ben bwisikunu yɛ̃. Nɛ, Yinni Gusunɔwɑ nɑ yeni ɡeruɑ. Wee sɑɑ yɑ turɑ n kɑ bwesenu kpuro mɛnnɑ. Bɑ koo nɑ kpɑ bu nɛn yiiko wɑ.

Esɑi 66:3

Adɑmɑ nɛn tɔmbun sɑ̃ɑru tɑ ǹ ɑrufɑɑni ɡɑɑ mɔ. Nɛn nɔni sɔɔ, wi u kɑ kɛtɛ yɑ̃kuru kuɑ kɑ wi u koo rɑɑ kɑ tɔnu yɑ̃kuru ko, bɑ sɑ̃ɑwɑ tiɑ. Wi u mɑɑ kɑ yɑ̃ɑru yɑ̃kuru mɔ̀ kɑ wi u koo rɑɑ kɑ bɔ̃ɔ yɑ̃kuru ko, bɑ sɑ̃ɑwɑ tiɑ. Wi u kɑ kɛ̃ru nɑɑmɔ te tɑ sɑ̃ɑ som, kɑ wi u koo rɑɑ kɑ kurusɔn yɛm nɑ, bɑ sɑ̃ɑwɑ tiɑ. Wi u turɑre dɔ̃ɔ dokemɔ nɛn yɑ̃ku yerɔ, kɑ wi u bũu sɑ̃ɑmɔ, bɑ sɑ̃ɑwɑ tiɑ. Tɔn ben bɑɑwure u nɛn swɑɑ deri u swɑɑ tukɑ mwɑ ye u kĩ, mɑ ben ɡɔ̃ru ɡɑ ǹ bu tɑɑrɛ wɛ̃ɛmɔ.

Sɑ̃ɑrun Woodɑ 11:3

Bɑ koo kpĩ bu yɑɑ di ye yɑ nɑɑ kɑburosu mɔ mɑ yɑ rɑ tukɑ ko.

Sɑ̃ɑrun Woodɑ 11:6

Mɛyɑ bɑ ǹ koo mɑɑ wukun yɑɑ tem domi ɡɑ ǹ nɑɑ kɑburosu mɔ bɑɑ mɛ ɡɑ rɑ tukɑ ko. Bɑ koo ɡu ɡɑrisiwɑ yɑɑ disiɡiɑ.

Sɑ̃ɑrun Woodɑ 11:8

Bu ku yɛɛ yi di, bu ku mɑɑ yin ɡonu bɑbɑ. Bɑ koo yi ɡɑrisiwɑ disiɡii.

Mɑteu 7:6

I ku ɡɑ̃ɑ dɛɛrɑnu bɔ̃nu wɛ̃ nu ku kɑ ɡɔsirɑ nu bɛɛ mɔnsimɑ. I ku mɑɑ bɛɛn ɡoo ɡobiɡinu kɔ̃ kurusɔnun suunu sɔɔ. Su koo nu tɑɑku.

Luku 15:15

U dɑ u win tii wuu miɡii ɡoo wɛ̃ mɑ yɛ̃ro kɑ nùn dɑ ɡberɔ u kɑ win kurusɔnu kɔ̃su.

Luku 8:33

Mɑ nu durɔ wi doonɑri, nu dɑ kurusɔ nin mi. Mɑ kurusɔ wuu te, tɑ duki sure dɑɑ bureru sɔɔ tɑ nim diirɑ.

Sɔ̃ɔsiru 14:8

I ku rɑ kurusɔ di ɡe, ɡe ɡɑ nɑɑ kɑburosu yiru yiru mɔ, ɑdɑmɑ ɡɑ ku rɑ tukɑ ko. I ko i ɡu ɡɑrisiwɑ disiɡuu. I ku rɑ yɛɛ yin ɡɑɑ di, i ku rɑ mɑɑ yin ɡɑɑn ɡoru bɑbɑ.