Rutu 4:15 - Bibeli Gusunɔn Gari

¹⁵ Wunɛn biɡii kurɔ wi, u bibu nɔɔbɑ yiru kere be kɑɑ n mɔ. Domi u nun kĩ too. Wee u nun bii tɔn durɔ mɑruɑ wi u koo nun wɑ̃ɑ kpɑɑru wɛ̃. Kpɑ u nun nɔɔri wunɛn tɔkɔru sɔɔ.

Rutu 4:15 ပူးပေါင်းရင်းမြစ်များ

Torubu 45:11

Yèn bukɑtɑ u mɔ kpuro kon nùn wɛ̃, domi ɡɔ̃ɔrɑ mɑɑ tie wɔ̃ɔ nɔɔbu. Ù n wɑ̃ɑ nɛn bɔkuɔ, ɡɔ̃ɔ te, tɑ ǹ mɑɑ bu ɡoomɔ kɑ win yɛnuɡibu kɑ win ye u mɔ kpuro.

Torubu 47:12

Mɑ u win tundon yɛnuɡii be kpuro dĩɑnu wɛ̃ nɡe mɛ ben ɡeerɑ nɛ.

Womusu 55:22

Gɑri doriyɑ yi rɑ n wɑ̃ɑ tɔn kɔ̃so win nɔɔwɔ. Adɑmɑ tɑbun ɡɑriyɑ yi rɑ n wɑ̃ɑ win nukurɔ. Mɛyɑ mɑɑ win ɡɑri yi rɑ n kokumɔwɑ nɡe ɡum yɑrum. Adɑmɑ yi rɑ n sɑ̃ɑwɑ nɡe tɑkobibɑ.

Mɔnnu 18:24

Bɔrɔ dɑbinu nu koo kpĩ nu kɑ tɔnu nɔni swɑ̃ɑru nɑɑwɑ, ɑdɑmɑ bɔrɔ ɡoo u mɛro bisi kere.

Esɑi 46:4

Nɑ ǹ kɔsimɔ sere kɑ bɛɛn tɔkɔrɔ. Ko nɑ n bɛɛ nɔɔrimɔwɑ bɑɑ ì n seri bururɑ. Ko nɑ n bɛɛ kɔ̃suwɑ. Nɑ rɑɑ bɛɛ nɔɔri, kon mɑɑ wure n ye ko. Kpɑ n bɛɛ kɔ̃su n bɛɛ fɑɑbɑ ko.

Rutu 4:16

Mɑ u bii wi suɑ u tɑɑru sɔndi u kɑ sɔ̃ɔsi mɑ u kuɑ win tii tiiɡii. Yen biru, u nùn mwɑ u nɔɔrimɔ.

Sɑmuɛli I 1:8

Kpɑ win durɔ Ɛlikɑnɑ u nùn bikiɑ u nɛɛ, Hɑnɑ, mbɑ n kuɑ ɑ kɑ sumɔ. Mbɑn sɔ̃nɑ ɑ ǹ dimɔ. Mbɑ n kuɑ wunɛn nuki rɑ n kɑ sɑnkire. Nɛ kɑ wunɛn wɑ̃ɑsinɑɑ yɑ ǹ kere bii tɔn durɔbu wɔkuru?

Sɑmuɛli I 2:5

Be bɑ rɑɑ deburu mɔ, berɑ bɑ tɛ̃ sɔmburu kɑsu bu kɑ dĩɑnu wɑ. Be ɡɔ̃ɔrɑ rɑɑ mɔ̀, beyɑ bɑ tɛ̃ wɛ̃re. Wĩro u mɑrɑ bibu nɔɔbɑ yiru. Adɑmɑ wi u rɑɑ bii dɑbinu mɑrɑ u tiɑ wi turo.