Rutu 2:12 - Bibeli Gusunɔn Gari

¹² Ǹ n mɛn nɑ, Gusunɔ Isirelibɑn Yinni wi, wìn mi ɑ nɑ u kɑ nun kɔ̃su u nun yen dibu kɔsiɑ mɑm mɑm ye ɑ kuɑ kpuron sɔ̃.

Rutu 2:12 ပူးပေါင်းရင်းမြစ်များ

Womusu 17:8

A nɛn lɑɑkɑri koowo nɡe mɛ tɔnu u rɑ n win nɔnin lɑɑkɑri mɔ. A mɑn beruo nɡe mɛ ɡuɑ yɑ rɑ yen binu bere yen kɑsɑ sɔɔ.

Womusu 19:11

Domi win ɡɑri yi wurɑ ɡeɑ kere. Win ɡere yɑ tim ɡɔm dobu kere.

Womusu 36:7

Mɛyɑ mɑɑ wunɛn ɡem mu kpɑ̃ nɡe ɡuu bɑkɑnu. Wunɛn siribu bu duku nɡe nim wɔ̃kun bweru. Yinni Gusunɔ, wunɑ ɑ rɑ tɔmbu kɑ yɛɛ nɔɔri,

Womusu 57:1

Womu ɡe Dɑfidi u wom kowobun wiruɡii kuɑ. U womu ɡeni kuɑwɑ sɑnɑm mɛ Sɔɔlu u nùn nɑɑ ɡire u ɡo. Mɑ u dɑ u kukuɑ kpee bɑɑ sɔɔ. Ge wee.

Womusu 58:11

Adɑmɑ ɡemɡii u ko n nuku dobu mɔwɑ ù n wɑ bɑ nùn mɔru bɑrɑ. U koo win nɑɑsu kpɑkiɑ tɔn kɔ̃sobun yɛm sɔɔ,

Womusu 61:4

Domi ɑ sɑ̃ɑwɑ nɛn kuku yeru. Mɑ ɑ mɑɑ sɑ̃ɑ nɛn ɡbɑ̃rɑru nɛn yibɛrɛbɑn wuswɑɑɔ.

Womusu 63:7

Nɑ̀ n kpĩ, nɑ rɑ n nun yɑɑyewɑ nɑ n wunɛn bwisikunu mɔ̀ wɔ̃kuru.

Womusu 91:4

U koo nun win sɑnsu wukiri. Kɑɑ kuku yeru wɑ win kɑsɑn sɔɔwɔ. Win bɔrɔkinirɑ sɑ̃ɑwɑ nɡe tɛrɛru kɑ tɑrɑkpe.

Mɔnnu 11:18

Tɔn kɔ̃son sɔmburun ɑre kun ɑrufɑɑni mɔ, ɑdɑmɑ wi u ɡem swĩi, ɑre ɡeeyɑ u rɑ n mɔ.

Mɔnnu 23:18

Sɑɑ ye sɔɔrɑ kɑɑ n nuku dobu mɔ siɑ. Wunɛn yĩiyɔbu bu ǹ mɑɑ kɑm mɔ̀.

Yeremi 31:16

Adɑmɑ nɑ nɛɛ, u mɑrio, u win nɔni yĩresu woko. Domi u koo ɑre wɑ ye u win bibu kuɑn sɔ̃. Bɑ koo wurɑmɑ yibɛrɛbɑn tem di.

Mɑteu 23:37

Mɑ Yesu u nɛɛ, Yerusɑlɛmu, Yerusɑlɛmu, wunɛ wi ɑ rɑ Gusunɔn sɔmɔbu ɡo kpɑ ɑ be u nun ɡɔriɑ kpenu kɑsuku. Nɔn nyewɑ nɑ kĩɑ n wunɛn tɔmbu kpɑɑsinɑ nɛn bɔkuɔ nɡe mɛ ɡoo mɛro ɡɑ rɑ ɡen binu mɛnnɛ ɡen kɑsɑ sɔɔ, ɑdɑmɑ i ǹ wure.

Mɑteu 5:12

I ɡɔ̃ru doro kpɑ i n nuku doo bɑkɑbu mɔ yèn sɔ̃ bɑ bɛɛ ɑre bɛkɛ yiiye wɔllɔ. Domi nɡe mɛyɑ bɑ Gusunɔn sɔmɔbu nɔni sɔ̃ɔwɑ be bɑ bɛɛ ɡbiiye.

Mɑteu 6:1

Yesu u bu sɔ̃ɔwɑ u nɛɛ, i lɑɑkɑri koowo, i ku bɛɛn ɡeɑn kobu sɔ̃ɔsi bɑtumɑ sɔɔ, tɔmbu bu kɑ wɑn sɔ̃. Ì n kuɑ mɛ, i ǹ ɑre ɡɛɛ wɑsi bɛɛn Bɑɑbɑ wɔrukoon min di.

Luku 6:35

Adɑmɑ i bɛɛn yibɛrɛbɑ kĩru sɔ̃ɔsio, i bu ɡeɑ kuo, i mɑɑ bu bɔkuro i kun kɔsire yĩiyɔ, bɛɛn ɑre yi ko n kpɑ̃, i ko n mɑɑ sɑ̃ɑ Wɔrukoon bibu, domi win tii u rɑ ɡuturubɑ kɑ tɔn kɔ̃sobu durom sɔ̃ɔsi.

Kolose 2:18

Goo wi u sɑ̃ɑre u tii kɑwɑmɔ, mɑ u wɔllun ɡɔrɑdobɑ sɑ̃ɑmɔ, i ku de u bɛɛ bɛɛn siɑn ɑre wɔrɑri. Domi tɔnu win bweseru u tii suɑmɔ kɑ̃sinun sɔ̃, u mɑɑ tii ɡɑ̃ɑmɔ kɑm win bwisiku tɔnuɡinun sɔ̃.

Timɔte II 1:18

Kpɑ Yinni u de Gusunɔ u nùn wɔnwɔndu kuɑ tɔ̃ɔ te sɔɔ. Wunɛn tii ɑ yɛ̃ sɑ̃ɑ sɑ̃ɑ sɔmɑ ye u kuɑ nɛn sɔ̃ Efesuɔ.

Timɔte II 4:8

Tɛ̃, nɑsɑrɑn ɑre mɑn mɑrɑ, yi yi sɑ̃ɑ ɡem mɛ Yinni siri kowo ɡemɡii koo mɑn wɛ̃ tɔ̃ɔ te. N ǹ mɔ nɛ tɔnɑ, kɑ be kpurowɑ be bɑ win wurɑmɑru mɑrɑ kɑ kĩru.

Heberu 11:26

U bwisikɑ u wɑ n sɑnɔ bu nùn ɡɛm nɡe wi Gusunɔ u ɡɔsɑ n kere u Eɡibitin dukiɑ wɑ, domi siɑn ɑreyɑ u mɛɛrɑ.

Heberu 11:6

N deemɑ ɡoo sɑri wìn kookoosu koo Gusunɔ wɛ̃re n kun kɑ nɑɑnɛ dokebu. Geemɑ, wi u Gusunɔ susimɔ u nɑɑnɛ sɑ̃ɑ mɑ Gusunɔ u wɑ̃ɑ mɑ u rɑ be bɑ nùn kɑsu durom kue.

Heberu 6:10

Gusunɔ u sɑ̃ɑwɑ ɡemɡii, u ǹ bɛɛn sɔmburu duɑrimɔ kɑ kĩi te i sɔ̃ɔsi win yĩsirun sɔ̃, sɑnɑm mɛ i wiɡibu nɔɔri nɡe mɛ i bu nɔɔrimɔ tɛ̃.

Rutu 1:16

Mɑ Rutu u nɛɛ, ɑ ku mɑn tilɑsi ko n kɑ nun deri. A de n kɑ nun dɑ. Domi mi ɑ dɔɔ miyɑ kon dɑ. Mi ɑ wɑ̃ɑ, miyɑ ko nɑ n wɑ̃ɑ. Kpɑ wunɛn tɔmbu bu ko nɛn tɔmbu. Kpɑ Gusunɔ wunɛn Yinni u ko nɛn Yinni.

Rutu 2:11

Mɑ Boɑsi u nùn wisɑ u nɛɛ, sɑ nuɑ ye ɑ wunɛn dwɑɑ mɛro kuɑ sɑɑ mìn di wunɛn durɔ u ɡu, kɑ nɡe mɛ ɑ wunɛn bɑɑbɑ kɑ wunɛn mɛro deri, kɑ wunɛn tem kɑ sere mɑɑ wunɛn bweseru. Mɑ ɑ nɑ bɛsɛn bweseru sɔɔ te ɑ ǹ dɑɑ yɛ̃.

Rutu 2:13

Sɑɑ yerɑ Rutu u nɛɛ, nɛn yinni, nɑ wɑ mɑ ɑ mɑn kĩi ɡeeru sɔ̃ɔsi. Domi ɑ kɑ mɑn ɡɑri kuɑ, ɑ nɛn nukuru yɛmiɑsiɑ, nɛ wi nɑ ǹ wunɛn sɔm kowobun ɡoo turɑ.

Rutu 4:15

Wunɛn biɡii kurɔ wi, u bibu nɔɔbɑ yiru kere be kɑɑ n mɔ. Domi u nun kĩ too. Wee u nun bii tɔn durɔ mɑruɑ wi u koo nun wɑ̃ɑ kpɑɑru wɛ̃. Kpɑ u nun nɔɔri wunɛn tɔkɔru sɔɔ.

Sɑmuɛli I 24:19

Wee, ɑ mɑn sɔ̃ɔsi ɡisɔ ɡeɑ ye ɑ mɑn kuɑ. Yinni Gusunɔ u rɑɑ mɑn doke wunɛn nɔmuɔ. A ǹ mɑɑ mɑn ɡo.

Sɑmuɛli I 24:20

Domi tɔnu u ku rɑ win yibɛrɛ nɔmɑ turi kpɑ u nun yɔ̃su u doonɑ kɑ ɑlɑfiɑ. Yen sɔ̃nɑ Yinni Gusunɔ u koo nun ɡeɑ dibu kɔsiɑ ye ɑ mɑn kuɑ minin sɔ̃.