Rutu 1:15 - Bibeli Gusunɔn Gari

¹⁵ Yerɑ Nɑomi u nɛɛ, wee wunɛn beruse u wurɑ win tɔmbun mi, kpɑ bɑ n ben bũnu sɑ̃ɑmɔ sɑnnu. Wunɛn tii ɑ ɡɔsiro ɑ nùn swĩi.

Rutu 1:15 ပူးပေါင်းရင်းမြစ်များ

Sinɑmbu II 2:2

Swɑɑ sɔɔ, yerɑ Eli u Elisee sɔ̃ɔwɑ u nɛɛ, ɑ yɔ̃ro mini, domi Yinni Gusunɔ u mɑn ɡɔriɔ sere Betɛliɔ. Mɑ Elisee u nùn wisɑ u nɛɛ, sere kɑ Yinni Gusunɔn wɑ̃ɑru kɑ mɑɑ wunɛn tiiɡiru nɑ ǹ nun derimɔ. Mɑ bɑ dɑ Betɛliɔ sɑnnu.

Womusu 125:5

Adɑmɑ be bɑ swɑɑ mwɑɑmɔ ye yɑ ǹ dɛnde ɑ bu yɑrinɑsio kɑ kɔ̃sɑn kowobu sɑnnu. Yinni Gusunɔ, ɑ de bɔri yɛndɑ n wɑ̃ɑ Isireliɔ.

Womusu 36:3

U win tii sue too. Yen sɔ̃nɑ u ǹ win torɑru wurɑmɔ, kpɑ u tu tusi.

Sofoni 1:6

Be bɑ mɑn biru kisi kɑ be bɑ ku rɑ mɑn kɑsu, kɑ sere mɑɑ be bɑ ku rɑ mɑn ben ɡɑri sɑɑwɑrɑ ko, be kpurowɑ kon ɡo.

Gbɑburu 10:30

Hobɑbu u nùn wisɑ u nɛɛ, nɑǹ kɑ bɛɛ dɔɔ. Kon dɑwɑ nɛn temɔ sere nɛn yɛnuɔ.

Luku 24:28

Sɑnɑm mɛ bɑ wuu turuku kuɑ ɡe bɑ dɔɔ, u kuɑ nɡe u kĩ u dɑ wuswɑɑɔ.

Heberu 10:38

Mɑ wi u sɑ̃ɑ ɡemɡii nɛn nɔni sɔɔ, u ko n wɑ̃ɑ nɑɑnɛ dokebun sɑɑbu. Adɑmɑ ù n biru wurɑ, nɛn ɡɔ̃ru ɡɑ ǹ mɑɑ kɑ nùn dorɑmɔ.”

Yosue 24:15

Ì kun mɑɑ kĩ i Gusunɔ sɑ̃, i ɡɔsio ɡisɔ wi i ko i sɑ̃, ǹ n bũnun nɑ, ni bɛsɛn bɑɑbɑbɑ bɑ sɑ̃wɑ dɑɑ ten ɡuruɔ, ǹ n mɑɑ Amɔrebɑɡinun nɑ, bèn temɔ i wɑ̃ɑ mi. Adɑmɑ nɛ kɑ nɛn yɛnuɡibu, Yinni Gusunɔwɑ sɑ ko sɑ̃.

Yosue 24:19

Yosue u tɔn be sɔ̃ɔwɑ u nɛɛ, yɑ sɛ̃ i kɑ Yinni Gusunɔ sɑ̃ domi u sɑ̃ɑwɑ dɛɛro, u ǹ wurɑmɔ i mɑɑ ɡoo sɑ̃. Yen sɔ̃, ì n nùn deri mɑ i bũnu sɑ̃wɑ, u ǹ bɛɛ bɛɛn durum suuru kuɑmmɛ. Bɑɑ mɛ u bɛɛ ɡeɑ kuɑ kɔ, u koo ɡɔsirɑwɑ u bɛɛ kɔ̃sɑ kuɑ kpɑ u bɛɛ kɑm koosiɑ.

Yohɑnu I 2:19

Bɛsɛn suunu sɔɔn diyɑ bɑ yɑrɑ, ɑdɑmɑ bɑ ǹ sɑ̃ɑ bɛsɛɡibu. Domi bɑ̀ n dɑɑ sɑ̃ɑn nɑ bɛsɛɡibu, bɑ ko n dɑɑ wɑ̃ɑ kɑ bɛsɛ. Adɑmɑ bɑ yɑrɑ, mɑ yɑ sɔ̃ɔsirɑ mɑ be kpuro bɑ ǹ dɑɑ sɑ̃ɑwɑ bɛsɛɡibu kɑ ɡem.

Kpɑrobu 11:24

Tem mɛ wunɛn bũu Kemɔsi u nun wɛ̃, ɑǹ mu nɛni wunɛ ro? Ǹ n mɛn nɑ, sɑ ko mɑɑ tem mɛ Gusunɔ bɛsɛn Yinni u sun wɛ̃ nɛnɛwɑ.

Rutu 1:14

Yerɑ be kpuro bɑ mɑɑ wuri nɔɔ kpɛ̃ɛ bɑ swĩ. Mɑ Oripɑ u Nɑomi sɔ̃su u nùn nɔɔ kɑnɑ u doonɑ. Adɑmɑ Rutu kun nùn deri.

Rutu 1:16

Mɑ Rutu u nɛɛ, ɑ ku mɑn tilɑsi ko n kɑ nun deri. A de n kɑ nun dɑ. Domi mi ɑ dɔɔ miyɑ kon dɑ. Mi ɑ wɑ̃ɑ, miyɑ ko nɑ n wɑ̃ɑ. Kpɑ wunɛn tɔmbu bu ko nɛn tɔmbu. Kpɑ Gusunɔ wunɛn Yinni u ko nɛn Yinni.