Romu 7:12 - Bibeli Gusunɔn Gari

¹² Ǹ n mɛn nɑ, woodɑ yɑ dɛɛre, yen ɡɑri mɑɑ dɛɛre, yi dɛnde, yi mɑɑ wɑ̃.

Romu 7:12 ပူးပေါင်းရင်းမြစ်များ

Nɛɛmi 9:13

A sɑrɑmɑ sɑɑ wɔllun di, mɑ ɑ kɑ bu ɡɑri kuɑ Sinɑin ɡuurɔ. A bu woodɑ ɡeɑ kɑ sɔ̃ɔsi ɡeenu wɛ̃.

Womusu 119:127

Adɑmɑ nɛ, nɑ ye kĩ n kere wurɑ ɡeɑn tii.

Womusu 119:137

Yinni Gusunɔ, ɑ sɑ̃ɑwɑ ɡemɡii. Wunɛn siribu bu rɑ n sɑ̃ɑwɑ dee dee.

Womusu 119:140

Wunɛn ɡɑri yi nɑɑnɛ mɔ. Nɛ, wunɛn sɔm kowo nɑ yi kĩ.

Womusu 119:172

Woodɑ be kpuro bɑ dɛɛrewɑ. A de n womu ko ben sɔ̃.

Womusu 119:38

A wunɛn nɔɔ mwɛɛru yibio nɛ, wunɛn sɔm kowon sɔ̃, tɑ wɑ̃ɑwɑ be bɑ nun nɑsien sɔ̃.

Womusu 119:86

Wunɛn ɡɑri kpuro yi nɑɑnɛ mɔ. Wee yibɛrɛbɑ bɑ mɑn nɔni sɔ̃ɔmɔ kɑm sɔɔ. A mɑn fɑɑbɑ koowo.

Romu 12:2

I ku mɑɑ kɑ tɛ̃n tɔmbu weenɑ, ɑdɑmɑ i kɔsio kɑ bwisiku kpɑɑnu kpɑ i kɑ wunɑnɑ ye n sɑ̃ɑ Gusunɔn kĩru. Yeyɑ yɑ ɡeɑ sɑ̃ɑ, yɑ mɑɑ wɑ̃, mɑ yɑ yibɑ.

Romu 3:31

Sɑ woodɑ ɡoomɔ kɑ nɑɑnɛ dokebu nɡe mɛ? Aɑwo, sɑ mɑm yen dɑm siremɔwɑ.

Romu 7:14

Geemɑ, sɑ yɛ̃ mɑ woodɑ yɑ sɑ̃ɑ Hundeɡiɑ ɑdɑmɑ nɛ nɑ sɑ̃ɑwɑ wɑsiɡii wi bɑ torɑru dɔre.

Romu 7:16

Nɑ̀ n dɑ ko ye nɑ kun kĩ nɑ wurɑ mɑ woodɑ yɑ wɑ̃.

Sɔ̃ɔsiru 10:12

Tɛ̃, bɛɛ Isirelibɑ, ye Gusunɔ bɛsɛn Yinni u kĩ, yerɑ i nùn nɑsiɑ, i n sĩimɔ win swɛɛ kpuro sɔɔ, kpɑ i nùn kĩɑ i n nùn sɑ̃ɑmɔ kɑ bɛɛn ɡɔ̃ru kpuro kɑ bɛɛn bwɛ̃rɑ kpuro,

Sɔ̃ɔsiru 4:8

Bweseru ɡɑrɑ wɑ̃ɑ bɑɑ ni nu kpɑ̃ɑru bo sɔɔ tèn yiirebu kɑ ten woodɑbɑ bɑ sɑ̃ɑ dee dee nɡe woodɑ be nɑ bɛɛ wɛ̃ ɡisɔ?

Timɔte I 1:8

Kɑ mɛ, sɑ yɛ̃ mɑ woodɑ yɑ wɑ̃ tɔnu ù n ye dendimɔ nɡe mɛ n weenɛ.