Romu 7:11 - Bibeli Gusunɔn Gari

¹¹ Domi torɑru tɑ woodɑ tɑ̃sɑ tɑ kɑ mɑn nɔni wɔ̃kuɑ, mɑ tɑ mɑn ɡo.

Romu 7:11 ပူးပေါင်းရင်းမြစ်များ

Torubu 3:13

Mɑ Yinni Gusunɔ u kurɔ wi bikiɑ u nɛɛ, mbɑn sɔ̃nɑ ɑ kuɑ mɛ. Mɑ u wisɑ u nɛɛ, wɑɑ yɑ mɑn kɔkurɑ nɑ kɑ di.

Esɑi 44:20

Dɑ̃ko wi, u sɑ̃ɑ nɡe wi u torom dimɔ. U tore yèn sɔ̃ win bwisikunu ɡɔsiɑ. U ǹ mɑɑ kpɛ̃ u win hunden fɑɑbɑ wɑ u sere nɛɛ, ɑse bwɑ̃ɑroku ɡe nɑ nɛnusi mini, ɡɑ ǹ sɑ̃ɑ Gusunɔ.

Yeremi 17:9

Tɔnun ɡɔ̃ru ɡɑ rɑ kɔ̃sɑ berewɑ. Mɛyɑ ɡen bɑrɑrɑ ku rɑ bɛkure. Goo u wɑ̃ɑ wi u koo kpĩ u ɡen bwisikunu ɡiɑ?

Yeremi 49:16

Ben tii suɑbu kɑ ben nɔniɡiru tɑ derɑ bɑ kɔ̃ɔrɑ. Be bɑ wɑ̃ɑ kpee bɑɑbɑ sɔɔ, kɑ sere ɡunɡunun wii kpiinɔ, bɑɑ bɑ̀ n wɑ̃ɑ yenu kuɑ sere wɔllun sɔɔ sɔɔwɔ, nɡe ɡunɔ bɑkeru, kon bu surɑmɑ min di. Nɛ, Yinni Gusunɔwɑ nɑ yeni ɡeruɑ.

Abudiɑsi 1:3

Wee bɛɛn tii suɑbu bɛɛ nɔni wɔ̃kuɑ, mɑ i sɔ̃ kpee bɑɑbɑ sɔɔ mì ɡoo kun kpɛ̃ u bɛɛ nɑɑ turi. Mɑ i tii sɔ̃ɔmɔ i mɔ̀, wɑrɑ u koo sun surɑ minin di.

Romu 3:20

Domi ɡoo sɑri wi u koo ɡem wɑ Gusunɔn wuswɑɑɔ woodɑ nɛnubun sɔ̃, yèn sɔ̃ woodɑ yɑ rɑ tɔnun torɑru sɔ̃ɔsi.

Romu 7:13

Ǹ n mɛn nɑ, ye n ɡeɑ sɑ̃ɑ yerɑ yɑ kɑ mɑn ɡɔɔ nɑɑwɑ? Aɑwo, torɑrɑ tɑ mɑn ɡo kpɑ tu kɑ sɔ̃ɔsi mɑ te torɑrɑ. Domi tɑ ɡɑ̃ɑ ɡeenu dendɑ tɑ kɑ mɑn ɡo kpɑ tu kɑ sɛ̃siɑ n bɑndɑ sɑɑ woodɑn di.

Romu 7:8

Mɑ torɑru tɑ woodɑ tɑ̃sɑ tɑ kɑ binɛ bɑɑyere mɑrɑ nɛ sɔɔ. Domi mi woodɑ kun wɑ̃ɑ, torɑru mɑɑ sɑri.

Efesu 4:22

Ye i ɡiɑ, yerɑ i bɛɛn dɑɑ ɡurɑ pweto ye yɑ sɑ̃ɑ bɛɛn ɡɑsɔn wɑ̃ɑru, ye binɛ kɑnkɑm yɑ nɔni wɔ̃kuɑ yɑ kɑ kɑm kobu dɔɔ.

Heberu 3:13

Adɑmɑ i n dɑm kɛ̃ɛnɑmɔ bɑɑdommɑ sɑɑ yè sɔɔ bɑ mɔ̀ ɡisɔ, kpɑ bɛɛn ɡoo u ku de torɑru tu win nɔni wɔ̃ke tu win ɡɔ̃ru bɔbiɑsiɑ.

Yɑkɔbu 1:22

Adɑmɑ i de i ko ɡɑri yin kowobu, n ǹ mɔ yin nɔwɔbu tɔnɑ be bɑ tii nɔni wɔ̃kumɔ.

Yɑkɔbu 1:26

Goo ù n tɑmɑɑ u Gusunɔ sɑ̃ɑmɔ mɑ u ǹ win yɑrɑ kpĩɑ, u tii weesu kuɑmmɛwɑ, win sɑ̃ɑru kɑmɑ.