Romu 6:5 - Bibeli Gusunɔn Gari

⁵ Domi sɑ̀ n ɡbinnɑ kɑ wi sɑnɑm mɛ sɑ win ɡɔɔ bɔnu kuɑ, sikɑ sɑri sɑ ko mɑɑ win seebu ɡɔrin di bɔnu ko kpɑ su ɡbinnɑ kɑ wi.

Romu 6:5 ပူးပေါင်းရင်းမြစ်များ

Womusu 92:13

Gemɡibu bɑ koo kpɛ̃ɑ nɡe kpɑkpɑ bɑ̃ɑ. Bɑ koo se nɡe Libɑnin dɑ̃ɑ ye bɑ mɔ̀ sɛduru.

Esɑi 5:2

U ɡbɑɑ te kɔrɔ kuɑ, mɑ u ten kpenu wukurɑ. Mɑ u resɛm dɑ̃ɑ ye yɑ koo bii duronu mɑ duurɑ. Yerɑ u ten kɔ̃sobun diru bɑnɑ ten suunu sɔɔ. Mɑ u resɛm ɡɑmɑ yeru kuɑ mi. Sɑɑ yè sɔɔ u den yĩiyɔ resɛm ɡbɑɑ te, tu nùn bii ɡeenu mɑruɑ, yerɑ u deemɑ kɔ̃sunɑ tɑ nùn mɑruɑ.

Yeremi 2:21

Yellu, nɑ bɛɛn bweseru duurɑwɑ nɡe resɛm dɑ̃ɑ ɡeeru te tɑ kpuro kere, ɑdɑmɑ tɛ̃, i kɔsɑ i kuɑ nɡe resɛm dɑ̃ɑ te tɑ yinɑ.

Mɑteu 15:13

U bu wisɑ u nɛɛ, dɑ̃ru bɑɑtere te nɛn Bɑɑbɑ wɔrukoo kun duure bɑ koo tu wukɑwɑ.

Yohɑnu 12:24

Kɑ ɡeemɑ nɑ bɛɛ sɔ̃ɔmɔ, dĩɑ bimɑ yɑ̀ kun wɔrumɛ tem sɔɔ yɑ ɡu, yɑ wɑ̃ɑwɑ ye tiɑ. Adɑmɑ yɑ̀ n ɡu, yɑ koo bii dɑbinu mɑ.

Korinti II 4:10

Bɑɑdommɑwɑ sɑ rɑ n Yesun ɡɔɔ sɔɔwɑ bɛsɛn wɑsi sɔɔ kpɑ win wɑ̃ɑru tu mɑɑ kɑ sɔ̃ɔsirɑ bɛsɛn wɑsi sɔɔ.

Kolose 2:12

Geemɑ, sɑnɑm mɛ bɑ bɛɛ bɑtɛmu kuɑ n sɑ̃ɑre bɑ bɛɛ sikuɑwɑ kɑ Kirisi mɑ bɑ bɛɛ seeyɑ kɑ wi, yèn sɔ̃ i Gusunɔn dɑm bɑkɑm nɑɑnɛ sɑ̃ɑ wi u nùn seeyɑ ɡɔrin di.

Kolose 3:1

Bɑ bɛɛ seeyɑ kɑ Kirisi sɑnnu ɡɔrin di. Ǹ n mɛn nɑ, i wɔllun ɡɑ̃ɑnu kɑsuo mi Kirisi u sɔ̃ Gusunɔn nɔm ɡeuɔ.