Romu 5:7 - Bibeli Gusunɔn Gari

⁷ Geemɑ n sɛ̃ tɔnu u kɑ ɡeeɡii ɡbiiyɑ. Sɔrɔkudo wɔruɡɔ ɡoo koo ɡbi ɡeɑn kowo ɡoon sɔ̃.

Romu 5:7 ပူးပေါင်းရင်းမြစ်များ

Sɑmuɛli II 18:27

Kɔ̃so wi, u nɛɛ, wi u ɡbiɑ mi, win duku nɑɑsu su kɑ Akimɑsi, Sɑdɔkun biiɡisu weenɛ. Mɑ sinɑ boko u nɛɛ, tɔn ɡeowɑ. Lɑbɑɑri ɡeɑ u kɑ sisi.

Sɑmuɛli II 18:3

Mɑ bɑ nùn sɔ̃ɔwɑ bɑ nɛɛ, ɑ ku kɑ sun dɑ. Domi yibɛrɛbɑ bɑ̀ n sun wɔri sɑ duki mɔ̀, yɑ ǹ ko n bu ɡɑ̃ɑnu sɑ̃ɑ, bɑɑ bɑ̀ n bɛsɛn bɔnu ɡo. Adɑmɑ wunɛ, bɑ̀ n nun nɔmɑ turɑ, ɑ sɑ̃ɑwɑ nɡe bɛsɛn nɔrɔbun subɑ wɔkuru (10.000). Yen sɔ̃, n sɑnɔ ɑ n sɔ̃ wuuɔ kpɑ ɑ n kɑ sun somimɑmɔ.

Womusu 112:5

Doo nɔɔruɡiiwɑ wi u rɑ bɔkure kɑ nuku tiɑ, mɑ u ku rɑ ɡoo tɑki di win sɔmburu sɔɔ.

Mɑteu 13:15

Domi tɔn benin ɡɔ̃ru ɡɑ ǹ biti mɔ. Bɑ ben tiin swɑɑ kɔruɑ, bɑ nɔni yinwɑ. Kpɑ bu ku wɑ kɑ ben nɔni. Kpɑ bu ku nɔ kɑ ben swɑɑ. Kpɑ bu ku ɡiɑ kɑ ben bwisi. Kpɑ bu ku rɑɑ kɑ ɡɔsirɑmɑ nɛn mi n kɑ bu bɛkiɑ.”

Yohɑnu 15:13

Goo ù n win wɑ̃ɑru wɛ̃ win bɔrɔbɑn sɔ̃ kĩrun sɑɑbu, kĩi te, tɑ ǹ sɑɑrɑ mɔ.

Gɔrobun Kookoosu 11:24

domi u sɑ̃ɑ tɔn ɡeo u Hunde Dɛɛro yibɑ mɑ win nɑɑnɛ dokebu kpɑ̃. Mɑ tɔn dɑbinu tii Yinni wɛ̃.

Romu 16:4

Bɑ ben wɑ̃ɑru wɛ̃ bu kɑ nɛn wɑ̃ɑru wɔrɑ. N ǹ nɛ turo nɑ bu siɑrɑmɔ, kɑ mɑɑ tɔn tuko Yesun yiɡbɛnuɡibu kpurowɑ bɑ bu siɑrɑmɔ.

Romu 5:6

Sɑnɑm mɛ sɑ ǹ ɡinɑ dɑm mɔ, sɑɑ ye Gusunɔ u yi, Kirisi u ɡu be bɑ ǹ Gusunɔn bɛɛrɛ yɛ̃n sɔ̃.

Romu 5:8

Adɑmɑ Gusunɔ u sun win kĩrun kpɑ̃ɑru sɔ̃ɔsi, ye u derɑ Kirisi u ɡu bɛsɛn sɔ̃ sɑnɑm mɛ sɑ sɑ̃ɑ torobu.

Yohɑnu I 3:16

Yeni sɔɔrɑ sɑ kɑ ɡiɑ nɡe mɛ kĩrɑ sɑ̃ɑ, domi Kirisi u win wɑ̃ɑru wɛ̃ bɛsɛn sɔ̃. Nɡe mɛyɑ, n mɑɑ weenɛ su bɛsɛn tiin wɑ̃ɑru wɛ̃ bɛsɛn berusebun sɔ̃.