Romu 3:7 - Bibeli Gusunɔn Gari

⁷ Adɑmɑ nɛn weesu sù n Gusunɔn ɡem sɔ̃ɔsimɔ kpɑsɑsɑ, win yiiko yu kɑ sosi, mbɑn sɔ̃nɑ bɑ koo kpɑm mɑn tɑɑrɛ wɛ̃ nɡe toro.

Romu 3:7 ပူးပေါင်းရင်းမြစ်များ

Torubu 37:20

I de su nùn ɡo tɛ̃ su kpɛ̃ɛ dɔkɔ kpiri ninin teeru sɔɔ, kpɑ su nɛɛ, yɑɑ kɔ̃sɑ ɡɑɑ yɑ nùn temɑ, kpɑ su wɑ mɛ win dosu si, su koo kɑ koorɑ.

Yɑribu 14:30

Ye Isirelibɑ bɑ sɔm dɑmɡiru wɑ te Yinni Gusunɔ u Eɡibitiɡibu koosi mɑ bɑ ben ɡonu wɑ nim wɔ̃kun ɡoorɔ, yerɑ bɑ ɡiɑ mɑ Yinni Gusunɔwɑ u bu fɑɑbɑ kuɑ dɔmɑ te, sɑɑ Eɡibitiɡibun nɔmɑn di. Mɑ bɑ nùn nɑsiɑ bɑ sosi, bɑ nùn nɑɑnɛ kuɑ kɑ mɑɑ win ɡɔro Mɔwisi.

Yɑribu 14:5

Sɑnɑm mɛ bɑ Eɡibiti sunɔ sɔ̃ɔwɑ mɑ tɔn be, bɑ yɑkurɑwɑ, yerɑ wi kɑ win bwɑ̃ɑbu bɑ ben himbɑ ɡɔsiɑ. Bɑ nɛɛ, mbɑn bweserɑ sɑ kuɑ mini. Domi sɑ derɑ Isirelibɑ bɑ bɛsɛn yoru yɑrɑ bɑ doonɑ.

Yɑribu 3:19

Nɑ yɛ̃ mɑ Eɡibiti sunɔ ù n nuɑ mɛ, u ǹ wurɑmɔ i dɑ mɑ n kun mɔ nɑ nùn nɛn dɑm sɔ̃ɔsi.

Mɑteu 26:34

Yesu nùn wisɑ u nɛɛ, kɑ ɡeemɑ nɑ nun sɔ̃ɔmɔ, ɡisɔn wɔ̃ku te, ɡoo dɔɔ ɡu sere swĩ kɑɑ mɑn siki nɔn itɑ.

Gɔrobun Kookoosu 2:23

Durɔ wi, wi bɑ bɛɛ nɔmu sɔndiɑ, nɡe mɛ Gusunɔ u bwisikɑ u himbɑ kuɑ, i derɑ tɔn kɔ̃sobɑ nùn dɑ̃ɑ bunɑnɑru kpɑre bɑ ɡo.

Romu 3:4

Aɑwo, n ǹ mɛ. Bɑɑ bɑ̀ n tɔnu bɑɑwure sokɑ weesuɡii, bɑ n yɛ̃ mɑ Gusunɔ sɑ̃ɑwɑ ɡeeɡii. Nɡe mɛ Gusunɔn ɡɑri ɡerumɔ, “Bɑ koo nun ɡem wɛ̃wɑ wunɛn ɡɑri ɡerubu sɔɔ kpɑ ɑ siribu di.”