Romu 3:12 - Bibeli Gusunɔn Gari

¹² Be kpurowɑ bɑ kɔ̃ɔre. Be kpurowɑ bɑ sɑnkire. Be kpurowɑ bɑ kɔ̃sɑ mɔ̀. Bɑɑ ben turo kun ɡeɑ mɔ̀.

Romu 3:12 ပူးပေါင်းရင်းမြစ်များ

Torubu 1:31

Yerɑ u mɛɛrɑ kpuro ye u kuɑ, mɑ n nùn wɛ̃re ɡem ɡem. Sɑɑ ye u yebɑ mɔ̀, sɔ̃ɔ sɔɔ kɑ wɔ̃kuru n swĩinɑ mɑ n kuɑ tɔ̃ru nɔɔbɑ tiɑse.

Womusu 14:3

Adɑmɑ u wɑ, be kpurowɑ bɑ kɔ̃ɔre, be kpurowɑ bɑ sɑnkire, be kpurowɑ bɑ kɔ̃sɑ mɔ̀. Bɑɑ ben turo kun ɡeɑ mɔ̀.

Womusu 53:1

Dɑfidin womu ɡe u wom kowobun wiruɡii kuɑ kɑ ɡɑɑsirɑru. Ge wee.

Womusu 53:3

Yinni Gusunɔ u tɔmbu mɛɛrimɑ sɑɑ wɔllun di, u kɑ wɑ ɡoo ù n wɑ̃ɑ u bwisi mɔ, u kɑ wɑ ɡoo ù n wɑ̃ɑ u nùn sɑ̃ɑmɔ.

Yɑribu 32:8

Bɑ swɑɑ ye deri kɔ ye nɑ nɛɛ bu swĩi. Wee bɑ tii wurɑn bwɑ̃ɑroku kuɑ ɡe ɡɑ kɑ nɑɑ buu weenɛ. Mɑ bɑ yiirɑ bɑ ɡu yɑ̃kuru koosi. Bɑ nɛɛ, ɡeyɑ ɡɑ ben yinni wi u bu yɑrɑmɑ sɑɑ Eɡibitin di.

Wɑɑsu kowo 7:20

Geemɑ, hɑnduniɑ ye sɔɔ, ɡoo sɑri wi u ɡeɑ mɔ̀ kpɑ u kun torɑmɔ.

Wɑɑsu kowo 7:29

Ye nɑ tubɑ mi sɔɔ, yerɑ Gusunɔ u tɔmbu kuɑwɑ bɑ sɑ̃ɑ dee dee. Adɑmɑ ben tiiwɑ bɑ ben wɑ̃ɑru sɛ̃siɑsiɑ.

Esɑi 53:6

Sɑ rɑɑ yɑrinɛwɑ bɛsɛ kpuro nɡe yɑ̃ɑ ni nu kɔ̃ɔre. Bɑɑwure u win swɑɑ swĩi ye u kĩ. Mɑ Gusunɔ u nùn sɛɛyɑsiɑ bɛsɛn torɑnun sɔ̃.

Esɑi 59:8

I ǹ ɑlɑfiɑn swɑɑ yɛ̃. Bɛɛn sɑnu sɑnusu ku rɑ mɑɑ ɡem swĩi, sere swɛɛ yi yi ǹ dɛnde. Wi u ɡesi bɛɛn swɛɛ yi mwɑ kpuro, u ku rɑ bɔri yɛndu wɑ.

Esɑi 64:6

Goo sɑri wi u wunɛn somiru kɑsu. Goo mɑɑ sɑri wi u rɑ nun kɑnɛ bururu, domi ɑ sun wunɛn wuswɑɑ beruɑ, mɑ ɑ sun deri sɑ ɡɔɔ dɔɔ bɛsɛn durum sɔ̃.

Yeremi 2:13

Wee win tɔmbu bɑ durum yiru kuɑ. Bɑ nùn deri, wi, wi u sɑ̃ɑ nɡe nim ɡem mɛ mu koo nɔrurɑ, mɑ bɑ dɑ bɑ bũnu swĩi ni nu sɑ̃ɑ nɡe dɔkɔ kpiri ni nu ǹ nim nɛnumɔ.

Mɑteu 25:30

Yoo kɑm wi mɑɑ, i nùn kɑsɑ koowo tɔɔwɔ mi u koo wiru nɔmɑ sɔndi yɑm wɔ̃kuru sɔɔ u swĩ.

Romu 3:11

Goo sɑri wi u bwisi mɔ. Goo sɑri wi u Gusunɔ kɑsu.

Romu 3:13

Ben yɑrɑ bɑ kɑ sibu tɑki dimɔ. Ben nɔɔ ɡɑ dɛ̃ɛ mɔwɑ nɡe surɔkɔru. Ben nɔɔwɑ bɑ rɑ kɑ tɔnu ɡo.

Efesu 2:3

Geemɑ, bɛsɛ kpuro sɑ rɑɑ sɑ̃ɑwɑ nɡe be. Bɛsɛn ɡɔ̃ru kĩru sɔɔrɑ sɑ rɑ n sĩimɔ mɑ sɑ bɑɑyere kuɑ ye bɛsɛn wɑsi kĩ kɑ ye sɑ bwisikɑ. Bɛsɛn mɑrumɑrɑ tɑ derɑ sɑ rɑɑ sɑ̃ɑ be bɑ koo Gusunɔn mɔru wɑ nɡe be bɑ tie.

Filemɔɔ 1:11

Yellu u ǹ dɑɑ sɑ̃ɑ ɡɑ̃ɑnu wunɛn mi, ɑdɑmɑ tɛ̃, u ɑrufɑɑni mɔ wunɛn mi kɑ nɛn tiin mi.

Piɛɛ I 2:25

Domi i rɑɑ sɑ̃ɑwɑ nɡe yɑ̃ɑ ni nu kɔ̃ɔre, ɑdɑmɑ tɛ̃ i wurɑmɑ bɛɛn hunden kpɑron mi, wi u bɛɛ kɔ̃su.