Romu 14:5 - Bibeli Gusunɔn Gari

⁵ Wini u tɔ̃ɔ teeru ɡɑrisi n kere ni nu tie, wiɔnɔ u ni kpuro ɡɑrisi nu nɛ. I de bɑɑwure u n yɛ̃ kɑm kɑm ye u mɔ̀.

Romu 14:5 ပူးပေါင်းရင်းမြစ်များ

Luku 1:1

Teofiru, bɛɛrɛ bɑkɑɡii, n mɑn wɛ̃re n nun tireru yoruɑ n nun sɔ̃ dee dee ye n koorɑ bɛsɛn suunu sɔɔ. Be bɑ ye wɑ toren di bɑ kuɑ yen lɑbɑɑrin sɔm kowobu mɑ bɑ sun ye sɔ̃ɔwɑ. Dɑbiru be bɑ ye nuɑ bɑ kookɑri kuɑ bu kɑ ye yore dee dee. Nɛn tii nɑ ɡɑri yi kpuro wɛ̃ɛrɑ yin toren di. N mɑɑ mɑn wɛ̃re n nun ye yoruɑ ɑ n kɑ yen ɡem yɛ̃ ye bɑ nun sɔ̃ɔsi.

Romu 14:14

Nɑ yɛ̃ kɑm kɑm sɑɑ Yinni Yesun min di mɑ ɡɑ̃ɑnu sɑri ni nu kun dɛɛre nin tii, ɑdɑmɑ ɡoo ù n ɡɑ̃ɑnu ɡɑrisi nɡe ni nu kun dɛɛre, yɛ̃ro sɔɔrɑ nu ǹ dɛɛre.

Romu 14:23

Adɑmɑ wi u sikɑ mɔ̀ ye u dimɔn sɔ̃, u tɑɑrɛ mɔ, yèn sɔ̃ u ǹ dimɔ kɑ nɑɑnɛ. Kpuro ye tɔnu mɑɑ mɔ̀ nɑɑnɛ sɑriru sɔɔ, torɑrɑ.

Romu 4:21

Domi u yɛ̃ kɑm kɑm mɑ Gusunɔ u dɑm mɔ u kɑ ko yèn nɔɔ mwɛɛru u kuɑ.

Korinti I 8:11

Kpɑ kĩnɑsi wi, wìn sɔ̃ Kirisi u ɡu, u kɑm ko wunɛn yɛ̃run sɑɑbu.

Korinti I 8:7

Adɑmɑ n ǹ tɔmbu kpuro bɑ yeni yɛ̃. Gɑbu be bɑ ɡinɑ bũu sɑ̃ɑrun dɔɔnɛ mɔ, bɑ yɑɑ ye temmɔ nɡe bũu sɑ̃ɑ dĩɑnu, mɑ ben ɡɔ̃ru dɑm sɑriruɡuu ɡɑ bu tɑɑrɛ wɛ̃ɛmɔ.