Romu 11:4 - Bibeli Gusunɔn Gari

⁴ Adɑmɑ mbɑ Gusunɔ u wisɑ. U nɛɛ, “Nɑ nɛn tii tɔmbu nɔrɔbun subɑ nɔɔbɑ yiru (7.000) derie, be bɑ kun yiirɑre bũu wi bɑ mɔ̀ Bɑɑlin nuurɔ.”

Romu 11:4 ပူးပေါင်းရင်းမြစ်များ

Sinɑmbu I 16:31

U ǹ dɑɑ mɑm yɛ̃ Yeroboɑmu Nɛbɑtin bii u durum kuɑ, wiɡiɑn kpɑ̃ɑrun sɑɑbu. Domi u Yesɑbɛli Etibɑɑlin bii suɑ kurɔ. Etibɑɑli wiyɑ u sɑ̃ɑ Sidoniɡibun sunɔ. Yen biru u mɑɑ dɑ u bũu wi bɑ mɔ̀ Bɑɑli sɑ̃ɑmɔ.

Sinɑmbu I 19:10

Mɑ u nùn wisɑ u nɛɛ, wunɛ wɔllu kɑ tem Yinniwɑ nɑ sɑnnɑmmɛ, domi Isirelibɑ bɑ wunɛn woodɑbɑ deri mɑ bɑ wunɛn yɑ̃ku yɛnu kɔsukɑ. Mɛyɑ bɑ wunɛn sɔmɔbu ɡo ɡo kɑ tɑkobi. Nɛ turowɑ nɑ tie. Yerɑ bɑ mɑɑ mɑn kɑsu bu hunde wunɑ.

Sinɑmbu I 19:18

Adɑmɑ kon tɔmbu nɔrɔbun subɑ nɔɔbɑ yiru (7.000) deri Isirelibɑ sɔɔ, be bɑ kun yiirɑre bũu wi bɑ mɔ̀ Bɑɑlin nuurɔ bu nùn sɑ̃.

Esɑi 4:3

Be, be Yinni Gusunɔ u ɡɔsɑ mi, u ben yĩsɑ yoruɑ bɑ n kɑ wɑ̃ɑ Yerusɑlɛmuɔ, bɑ koo bu sokuwɑ tɔn dɛɛrobu.

Yeremi 19:5

Bɑ bũu wi bɑ mɔ̀ Bɑɑli yɑ̃ku yeru bɑniɑ ɡunɡuru wɔllɔ. Miyɑ bɑ rɑ kɑ ben bibu yɑ̃ku dɔ̃ɔ mwɑɑrɑruɡiru ko, yɑ̃ku tèn bweseru nɑ ǹ bu yiire, nɑ ǹ mɑm ten bwisikunu koore.

Osee 13:1

Yellu Efɑrɑimubɑrɑ bɑ dɑm bo Isirelibɑ sɔɔ. Bɑ̀ n bwese kɛri yi yi tie ɡɑri sɔ̃ɔwɑ, bɑ rɑ nɑndewɑ. Adɑmɑ bɑ bũu wi bɑ mɔ̀ Bɑɑli sɑ̃wɑ, mɑ bɑ ɡu.

Osee 2:8

Yen sɔ̃, kon win swɑɑ kɛnɛ kɑ sɑ̃ki, kpɑ n ye dɑ̃ɑ sɛ̃suku kpɑ u kun mɑɑ win swɑɑ ye swĩi.

Sofoni 1:4

Yinni Gusunɔ u mɑɑ nɛɛ, kon Yudɑbɑ kɑ Yerusɑlɛmuɡibu kpuro nɔmɑ doke. Kon bũu wi bɑ mɔ̀ Bɑɑlin sɑ̃ɑ yee ni nu tie kpeerɑsiɑ min di. Kon yen wiruɡibu kɑ yen yɑ̃ku kowobun yĩsɑ ɡo.

Gbɑburu 25:3

Bɑ tii bũu wi bɑ mɔ̀ Bɑɑli Peoriɡii wɛ̃. Mɑ Yinni Gusunɔ u kɑ bu mɔru kuɑ.

Sɔ̃ɔsiru 4:3

Bɛɛn nɔni yi wɑ ye Gusunɔ bɛsɛn Yinni u kuɑ Bɑɑli Peoriɡiin sɔ̃. U tɔmbu kpeerɑsiɑ kpuro bɛɛ sɔɔ be bɑ dɑ bɑ nùn sɑ̃wɑ.