Romu 11:26 - Bibeli Gusunɔn Gari

²⁶ Nɡe mɛyɑ Isirelibɑ kpuro bɑ koo fɑɑbɑ wɑ, nɡe mɛ bɑ yoruɑ, “Yɑkio u koo nɑ sɑɑ Siɔnin di. Kpɑ u Gusunɔn bɛɛrɛ yɛ̃ru sɑriru wunɑ sɑɑ Yɑkɔbun bweserun di.

Romu 11:26 ပူးပေါင်းရင်းမြစ်များ

Womusu 106:47

Gusunɔ bɛsɛn Yinni, ɑ sun fɑɑbɑ koowo. A sun wunɔ bwese tukunun suunu sɔɔn di, kpɑ ɑ sun mɛnnɑ, su wɑ su wunɛn yĩsi dɛɛrɑru tɔmɑ, kpɑ sɑ n yɛ̃ɛrimɔ su kɑ nun sɑ̃.

Womusu 14:7

Yinni Gusunɔ, nɑ nun kɑnɑmɔ, ɑ de fɑɑbɑ kowo ɡoo u yɑri Siɔnin di u Isirelibɑ, Yɑkɔbun bweseru yɑrɑ dɛsirun di, kpɑ bɑ n wɑ̃ɑ bɔri yɛndu sɔɔ. À n kuɑ mɛ, ɑnnɑ ɑ nuku dobu wɑ bi bɑ koo ko mi.

Esɑi 59:20

Fɑɑbɑ kowo u koo nɑ Yerusɑlɛmun sɔ̃, kɑ sere mɑɑ Isirelibɑ be bɑ ɡɔ̃ru ɡɔsiɑn sɔ̃. Yinni Gusunɔwɑ u yeni ɡeruɑ.

Yeremi 31:1

Yinni Gusunɔ u nɛɛ, sɑɑ ɡɑɑ sisi yè sɔɔ kon mɑɑ ko Isirelibɑn bwesenu kpuron Yinni, kpɑ be, bɑ n mɑɑ sɑ̃ɑ nɛn tɔmbu.

Esekiɛli 39:25

Adɑmɑ tɛ̃ nɛ, Yinni Gusunɔ nɑ nɛɛ, kon de Isirelibɑ be, Yɑkɔbun bweseru bu wurɑmɑ yorun di. Kon be kpuron wɔnwɔndu ko. Sɑɑ ye sɔɔ, kon nisinu se nɛn yĩsi dɛɛrɑ ten sɔ̃.

Osee 3:5

Yenibɑn biru, bɑ koo wurɑmɑ bu Gusunɔ ben Yinni kɑsu kɑ mɑɑ ben sikɑdo Dɑfidin bɑndu wi u rɑɑ sɑ̃ɑ ben sinɑ boko. Bɑ koo nuku dobu ko bɑ̀ n Yinni Gusunɔ wɑ kɑ win kĩi te u koo bu sɔ̃ɔsi sɑɑ ye sɔɔ.

Mɑteu 1:21

U koo bii tɔn durɔ mɑ, kpɑ ɑ nùn yĩsiru kɛ̃ Yesu , domi u koo win tɔmbu fɑɑbɑ ko sɑɑ ben durum di.

Gɔrobun Kookoosu 3:26

Bɛɛyɑ Gusunɔ u ɡbiɑ u win sɔm kowo seeyɑ, mɑ u nùn ɡɔrɑ, u kɑ bɛɛn bɑɑwure ɡɔsiɑ win kom kɔ̃sum di, kpɑ u bɛɛ domɑru kuɑ.

Titu 2:14

Yesu Kirisi wi, u win tii wɛ̃ bɛsɛn sɔ̃ u kɑ sun yɑkiɑ sɑɑ kom kɔ̃sum kpuron di, kpɑ u kɑ sun ko tɔn dɛɛrobu be bɑ sɑ̃ɑ wi tɔnɑɡibu be bɑ mɑɑ hɑniɑ mɔ bu kɑ sɔm ɡeenu ko.