Mɔnnu 8:34 - Bibeli Gusunɔn Gari

³⁴ Doo nɔɔruɡiiwɑ wi u mɑn swɑɑ dɑki, mɑ u rɑ n yɔ̃ nɛn dii kɔnnɔwɔ bɑɑdommɑ u n mɑn mɑrɑ.

Mɔnnu 8:34 ပူးပေါင်းရင်းမြစ်များ

Sinɑmbu I 10:8

Doo nɔɔruɡibɑ wunɛn tɔmbu kɑ wunɛn sɔm kowo be bɑ nun nɔɔrimɔ sɑɑ bɑɑyere. Mɑ bɑ wunɛn bwisi yin ɡɑri swɑɑ dɑki.

Womusu 27:4

Gɑ̃ɑ teenɑ nɑ Gusunɔ kɑnɑmɔ ni nu mɑn nɛni ɡem ɡem. Niyɑ, nɑ n wɑ̃ɑ kɑ wi, win wɑ̃ɑ yerɔ nɛn wɑ̃ɑrun tɔ̃ru kpuro sɔɔ. Kpɑ n win durom dendɑ kpɑ nɑ n nùn sɑ̃ɑmɔ.

Womusu 84:10

Yinni, wunɛ wi ɑ sɑ̃ɑ bɛsɛn tɛrɛru, ɑ wi ɑ ɡɔsɑn wuswɑɑ mɛɛrio.

Womusu 92:13

Gemɡibu bɑ koo kpɛ̃ɑ nɡe kpɑkpɑ bɑ̃ɑ. Bɑ koo se nɡe Libɑnin dɑ̃ɑ ye bɑ mɔ̀ sɛduru.

Yɑribu 12:7

I ko nin yɛm suɑ i tɛɛniwɑ dinu mi i ko nin yɑɑ tem kɔnnɔsun beri berikɑ kɑ sin wɔllɔ.

Mɔnnu 1:21

Yi ɡbɑ̃rɑmɔ swɑɑ kɛɛnɑnɔ yi yin ɡɑri kpɑrɑmɔ mi wiruɡibɑ rɑ mɛnnɛ,

Mɔnnu 3:13

Doo nɔɔruɡiiwɑ wi u bwisi dɔbɑ, mɑ u yɛ̃ru kɑsu u wɑ.

Mɔnnu 3:18

Be bɑ yi mwɑ, yi bu wɑ̃ɑru wɛ̃ɛmɔ. Doo nɔɔruɡibɑ be bɑ yi nɛni kem kem.

Mɑteu 7:24

Yesu mɑɑ nɛɛ, yen sɔ̃, bɑɑwure wi u nɛn ɡɑri yini nɔɔmɔ, mɑ u yi mɛm nɔɔwɑmmɛ, u ko n kɑ durɔ bwisiɡii wini weenɛ wi u win diru bɑnɑ kpee sɑɑrɑ wɔllɔ.

Luku 1:6

Be yiru kpuro ɡeeɡibɑ Gusunɔn wuswɑɑɔ. Bɑ sĩimɔ Yinni Gusunɔn woodɑ kɑ win sɔ̃ɔsibu kpuro sɔɔ dee dee.

Luku 10:39

Kurɔ wi, u wɔnɔ mɔ wi bɑ rɑ soku Mɑɑri. Wɔnɔ wi, u sɔ̃ Yinnin bɔkuɔ u win ɡɑri swɑɑ dɑki.

Luku 11:28

Mɑ Yesu u nɛɛ, n sɑnɔ ɑ ɡere, doo nɔɔruɡibɑ be bɑ Gusunɔn ɡɑri swɑɑ dɑkimɔ, mɑ bɑ yi nɛnumɔ.

Gɔrobun Kookoosu 2:42

Mɑ bɑ rɑ n ɡɔrobun keu swɑɑ dɑki, bɑ nɔɔ tiɑ sɑ̃ɑ, bɑ rɑ n mɛnnɛ, bɑ yɑɑ dibu dimɔ kɑ mɑɑ Yinnin dĩɑ domɑruɡinu, bɑ rɑ n mɑɑ kɑnɑru mɔ̀ sɑnnu.