Mɔnnu 8:17 - Bibeli Gusunɔn Gari

¹⁷ Be bɑ mɑn kĩ, nɑ mɑɑ bu kĩ. Be bɑ mɑn kɑsu, bɑ koo mɑn wɑ.

Mɔnnu 8:17 ပူးပေါင်းရင်းမြစ်များ

Bɑndun Gɑri II 34:3

Win bɑndun wɔ̃ɔ nɔɔbɑ itɑse sɔɔ, sɑnɑm mɛ u sɑ̃ɑ ɑluwɑɑsi, u Gusunɔ win sikɑdo Dɑfidin Yinni kɑsum wɔri. Win bɑndun wɔ̃ɔ wɔkurɑ yiruse sɔɔ, u Yerusɑlɛmu kɑ Yudɑ dɛɛrɑsiɑbu toruɑ. U ɡunɡuu nìn mi bɑ rɑ bũnu sɑ̃ kɔsukɑ kɑ nin bwɑ̃ɑroku bwese bwesekɑ.

Womusu 91:14

Yinni Gusunɔ u nɛɛ, yèn sɔ̃ u mɑn kĩ, kon nùn yɑkiɑ kpɑ n nùn kɔ̃su domi u nɛn yĩsiru yɛ̃.

Mɔnnu 1:28

Sɑnɑm mɛyɑ i ko mɑn soku, ɑdɑmɑ nɑ ǹ bɛɛ wurɑrimɔ. I ko mɑn kɑsu, i ǹ mɑɑ mɑn wɑsi.

Mɔnnu 2:4

A ye kpuro kɑsuo nɡe sii ɡeesu, ǹ kun mɛ nɡe ɑrumɑni ye yɑ beruɑ.

Mɔnnu 2:5

À n kuɑ mɛ, kɑɑ tubu nɡe mɛ kɑɑ kɑ Gusunɔ nɑsiɑ, kpɑ ɑ nùn ɡiɑ.

Mɔnnu 4:6

n ku bwisi yɔ̃su, yi koo mɑn somi. N yi kĩɔ, yi koo mɑn kɔ̃su.

Mɔnnu 8:16

Nɛn somirun sɑɑbuwɑ sinɑmbu kɑ wiruɡibu kɑ siri kowobu kpuro bɑ kɑ tem nɛni.

Wɑɑsu kowo 12:1

Ǹ n mɛn nɑ, ɑ wunɛn tɑkɑ kowo yɑɑyo wunɛn ɑluwɑɑsirun sɑɑ sɔɔ, nuku sɑnkirɑnun tɔ̃ru tu sere nɑ tè sɔɔ kɑɑ nɛɛ, ɑ ǹ mɑɑ wɑ̃ɑru kĩ.

Womu Duro 3:4

Ye nɑ bu deri kese, yerɑ nɑ nɛn kĩnɑsi wi wɑ. Nɑ nùn sɛ̃re, nɑ ǹ nùn yɔ̃su sere nɑ kɑ nùn dɑ nɛn mɛro wi u mɑn mɑrɑn dirɔ.

Esɑi 45:19

U ǹ win ɡɑri ɡeruɑ ɡbɛnum ɡbɛnum. U yi kpɑrɑwɑ bɑtumɑ sɔɔ. U ǹ mɑɑ Yɑkɔbun bweseru sɔ̃ɔwɑ u nɛɛ, tu nùn kɑsuo kɑm sɔɔ. Wi, Yinni Gusunɔ, ɡeeyɑ u rɑ ɡere. Gem ɡɑriyɑ u rɑ mɑɑ kpɑre.

Esɑi 55:6

Ǹ n mɛn nɑ, i Yinni Gusunɔ kɑsuo tɛ̃ sɑɑ ye u wɑ̃ɑ bɛɛn bɔkuɔ. I nùn sokuo sɑnɑm mɛ u wɑ̃ɑ bɛɛn turuku.

Mɑteu 6:33

Yen sɔ̃, i ɡinɑ hɑniɑ koowo i kɑ du mi Gusunɔ u bɑndu swĩi kpɑ i n sɑ̃ɑ win tɔn ɡeobu. Yen biru u koo bɛɛ wɛ̃ ye yɑ tie.

Mɑɑku 10:14

Ye Yesu wɑ ye bɑ mɔ̀ u mɔru bɑrɑ, mɑ u bu sɔ̃ɔwɑ u nɛɛ, i bibu derio bu nɑ nɛn mi, i ku bu yinɑri, domi Gusunɔ u bɑndu swĩi tɔmbun sɔ̃ be bɑ sɑ̃ɑ nɡe bibu.

Yohɑnu 14:21

Wi u nɛn woodɑ mwɑ, mɑ u ye mɛm nɔɔwɑ, wiyɑ u mɑn kĩ. Wi u mɑn kĩ, nɛn Bɑɑbɑ koo nùn kĩɑ. Nɛn tii kon mɑɑ yɛ̃ro kĩɑ, kpɑ n nùn tii sɔ̃ɔsi.

Yohɑnu 14:23

Mɑ Yesu u nùn wisɑ u nɛɛ, bɑɑwure wi u mɑn kĩ u koo nɛn ɡɑri mɛm nɔɔwɑ. Nɛn Bɑɑbɑ u koo nùn kĩɑ, nɛ kɑ nɛn Bɑɑbɑ sɑ ko mɑɑ nɑ yɛ̃ron mi kpɑ su bɛsɛn wɑ̃ɑ yeru ko wi sɔɔ.

Yohɑnu 16:27

domi Bɑɑbɑn tii u bɛɛ kĩ. U bɛɛ kĩ yèn sɔ̃ i mɑn kĩ, i mɑɑ nɑɑnɛ doke mɑ nɑ weewɑ Gusunɔn min di.

Yohɑnu 5:4

Domi ɡɑsɔ kɑ ɡɑsɔ Yinnin ɡɔrɑdo u rɑ sɑrɑmɛ u du yɛru ɡe sɔɔ, kpɑ u nim mɛ buri. Nim mɛ, mù n burirɑ mu kpɑ, wi u ɡbiɑ u duɑ mɛ sɔɔ u rɑ bɛkurewɑ bɑɑ ǹ n bɑrɑ teren nɑ yɛ̃ro u mɔ.]

Yohɑnu 7:37

Tɔ̃ɔ bɑkɑ ten tɔ̃ɔ dɑ̃ɑkiru terɑ tɑ bɛɛrɛ kerɑ. Tɔ̃ɔ te sɔɔrɑ Yesu u seewɑ u nɔɔɡiru suɑ wɔllɔ u nɛɛ, bɑɑwure wi nim nɔru ɡɑ ɡoomɔ u nɑ nɛn mi u nɔ.

Yɑkɔbu 1:5

Bwisi yì n bɛɛn ɡoo kɔmiɛ u Gusunɔ bikio, u koo nùn yi wɛ̃ domi Gusunɔ wiyɑ u yi tɔmbu kpuro wɛ̃ɛmɔ kɑ nuku tiɑ ɡerusibu sɑri.

Yohɑnu I 4:19

Kĩrɑ wɑ̃ɑ bɛsɛ sɔɔ yèn sɔ̃ Gusunɔ u ɡbiɑ u sun kĩɑ.

Sɑmuɛli I 2:30

Yen sɔ̃, u nɛɛ, wiyɑ u rɑɑ ɡeruɑ mɑ wunɛn yɛnu kɑ wunɛn bɑɑbɑn yɛnuɡibu bɑ koo ko win yɑ̃ku kowobu sere kɑ bɑɑdommɑɔ. Adɑmɑ tɛ̃ u ɡeruɑ u nɛɛ, yɑ ǹ mɑɑ koorɔ mɛ, domi be bɑ nùn bɛɛrɛ wɛ̃ɛmɔ, beyɑ u koo bɛɛrɛ wɛ̃. Be bɑ kun nùn ɡɑrɑ, beyɑ u ǹ ɡɑrisimɔ.