Mɔnnu 8:13 - Bibeli Gusunɔn Gari

¹³ À n kĩ ɑ Yinni Gusunɔ bɛɛrɛ wɛ̃, ɑ de ɑ kɔ̃sɑ tusi. Nɑ tii suɑbu kɑ yɛ̃kɔ kɑ kɔ̃sɑn kookoosu kɑ keetɑn ɡɑri tusɑ.

Mɔnnu 8:13 ပူးပေါင်းရင်းမြစ်များ

Yoobu 1:1

Durɔ ɡoo wɑ̃ɑ Usiɔ, win yĩsirɑ Yoobu. Durɔ wi, u sɑ̃ɑwɑ wi u rɑ Gusunɔ mɛm nɔɔwɛ. U sɑ̃ɑ ɡemɡii, mɑ u Gusunɔ nɑsie. U ku rɑ kɔ̃sɑ kɑ̃.

Yoobu 28:28

Sɑɑ yerɑ u tɔmbu sɔ̃ɔwɑ u nɛɛ, bu nùn nɑsio, yerɑ yɑ sɑ̃ɑ bwisi. Wi u mɑɑ kɔ̃sɑ ɡɛɛrɑri, wiyɑ u bwisi mɔ.

Womusu 101:3

Nɑ ǹ wurɑmɔ n kɔ̃sɑ mɛɛri. Nɑ mɛm nɔɔbu sɑribɑn dɑɑ tusɑ. Nɑ ǹ wurɑmɔ yu mɑn tiɑ.

Womusu 119:104

Nɑ kuɑ bwisiɡii wunɛn woodɑbɑn sɔ̃. Yen sɔ̃nɑ nɑ weesun swɛɛ kpuro tusɑ.

Womusu 119:128

Nɑ ye kpuro ɡɑrisiwɑ dee dee. Nɑ swɛɛ yi yi ǹ dɛnde kpuro tusɑ.

Womusu 138:6

Yinni Gusunɔ, bɑɑ mɛ ɑ kpɑ̃, ɑ be bɑ tii kɑwe wɑɑmɔ. Mɑ ɑ rɑ be bɑ tii sue tubu sɑɑ tontonden di.

Womusu 97:10

Bɛɛ be i Yinni Gusunɔ kĩ, i kɔ̃sɑ tusio. U rɑ be bɑ nùn nɑɑnɛ sɑ̃ɑ wɔre tɔn kɔ̃sobun nɔmɑn di.

Yɑribu 1:17

Adɑmɑ mɑrusio be, bɑ Gusunɔ nɑsie. Yen sɔ̃nɑ bɑ ǹ kue nɡe mɛ sunɔ wi, u bu yiire. Bɑ bii be kpuro deriwɑ.

Mɔnnu 10:31

Gɑri bwisiɡiiyɑ yi rɑ yɑri ɡemɡiin nɔɔn di, ɑdɑmɑ bɑ koo wee kowon yɑrɑ burɑwɑ.

Mɔnnu 15:9

Yinni Gusunɔ u tɔn kɔ̃sobun swɑɑ tusɑ, ɑdɑmɑ be bɑ ɡeɑ mɔ̀, beyɑ u kĩ.

Mɔnnu 16:18

Fɑɑri yɑ rɑ tɔmbu surewɑ. Tii suɑbu bu rɑ kɑ kɑm kobu nɛwɑ.

Mɔnnu 16:5

Yinni Gusunɔ u ku rɑ tii suo kɑ̃. U koo nùn sɛɛyɑsiɑwɑ kɑm kɑm.

Mɔnnu 16:6

À n mɔ̀ dee dee, mɑ ɑ sɑ̃ɑ nɑɑnɛɡii, Yinni Gusunɔ u koo nun wunɛn torɑnu suuru kuɑ. À n nùn nɑsie, kpɑ u nun kɔ̃sɑ kpuro ɡbɑrɑ.

Mɔnnu 3:7

A ku tii mɛɛri bwisiɡii. A Yinni Gusunɔ nɑsio kpɑ ɑ kɔ̃sɑ suuri.

Mɔnnu 4:24

A ku de weesu kɑ ɡɑri kɑnkɑm yen ɡɑɑ yu yɑri wunɛn nɔɔn di.

Mɔnnu 6:12

Wi u ɡɑri weesuɡii kpɑrɑ, u sɑ̃ɑwɑ wi u kun ɡɑru mɔ̀, kɑ tɔn bɛrɛtɛkɛ.

Esɑi 13:11

Yinni Gusunɔ u nɛɛ, kon hɑnduniɑɡibu sɛɛyɑsiɑ ben kɔ̃sɑ ye bɑ mɔ̀n sɔ̃, kɑ mɑɑ nuku kɔ̃suruɡibu ben nuku kɔ̃surun sɔ̃. Kon de be bɑ tii sue bu kɑm ko, kpɑ n be bɑ tɔmbu dɑm dɔremɔ kpeerɑsiɑ.

Amɔsu 5:15

I kɔ̃sɑ tusio kpɑ i ɡeɑ kĩɑ. I de ɡem mu siribu di siri yerɔ. Sɔrɔkudo Gusunɔ, wɔllu kɑ tem Yinni u koo bɛɛ Isirelibɑn tɔn be bɑ tiɑrɑ wɔnwɔndu kuɑ.

Amɔsu 6:8

Gusunɔ wɔllu kɑ tem Yinni u bɔ̃ruɑ kɑ win tiin wɑ̃ɑru u nɛɛ, u ǹ bɛɛ Isirelibɑn tii suɑbu kĩ. U mɑɑ bɛɛn sinɑ kpɑɑnu tusɑ. U koo de bu Sɑmɑri mwɑ kɑ ye yɑ wɑ̃ɑ ye sɔɔ kpuro.

Sɑkɑri 8:17

I ku ɡoo kɔ̃sɑ kuɑ. I ku bɔ̃ri weesuɡii ko. Domi yenibɑ kpurowɑ nɑ tusɑ. Nɛ, Yinni Gusunɔwɑ nɑ yeni ɡeruɑ.

Romu 12:9

I ku de bɛɛn kĩru tɑ n murɑfitiru mɔ. I kɔ̃sɑ dɛsirɑrio, kpɑ i ɡeɑ mɑni dim dim.

Tɛsɑlonikɑ I 5:22

I tii nɛnuɔ kɔ̃sɑ bɑɑyeren di.

Timɔte II 2:19

Adɑmɑ kpɛɛkpɛɛku dɑmɡuu ɡe Gusunɔ u surɑ ɡɑ ǹ yĩirurɔ. Gɑri wee yi bɑ yoruɑ ɡen wɔllɔ. Yinni u wiɡibu yɛ̃. Yen biru mɑɑ, bɑɑwure wi u Yinnin yĩsiru soku, u kom kɔ̃sum kpuro derio.

Piɛɛ I 5:5

Mɛyɑ mɑɑ, bɛɛ ɑluwɑɑsibɑ, i yiɡbɛ ɡuro ɡurobu wiru kpĩiyɔ. Bɛɛ kpuro i tii kɑwɑbu sebuo nɡe yɑberu bɛɛn wɑ̃ɑsinɑɑ sɔɔ, domi Gusunɔn ɡɑri ɡerumɔ, “Gusunɔ kun wɑ̃ɑ be bɑ tii suen biruɔ, ɑdɑmɑ u tii kɑwobu durom kuɑmmɛ.”

Sɑmuɛli I 2:3

I kun dɑ n mɑɑ tii siɑrɑmɔ. I ku de tii suɑ ɡɑri yi yɑri bɛɛn nɔsun di. Domi Gusunɔ u sɑ̃ɑwɑ Yinni wi u kpuro yɛ̃. Wiyɑ u rɑ tɔnun dɑɑ wɛ̃ɛri.