Mɔnnu 7:12 - Bibeli Gusunɔn Gari

¹² U rɑ n wɑ̃ɑwɑ tɔɔwɔ, ɡɑsɔ swɛɛyɔ, ɡɑsɔ swɑɑ kɛɛnɑnɔ, ɡɑsɔ mɑɑ yɑburɔ.

Mɔnnu 7:12 ပူးပေါင်းရင်းမြစ်များ

Mɔnnu 23:28

U rɑ n tɔmbu yɔɔru bwɛ̃ɛyɛ nɡe ɡbɛnɔ kpɑ u tɔn dɑbinu ko nɑɑnɛ sɑriruɡibu.

Mɔnnu 7:8

U sɑrɔ u dɔɔ wuu suunuɔ mi kurɔ sɑkɑrɑ kowo ɡoo u wɑ̃ɑ. Mɑ u kpɑ kɑ win yɛnun bɔkuɔ, u sĩimɔ tɛɛru sɔɔ,

Mɔnnu 9:14

U rɑ n sɔ̃wɑ win dii kɔnnɔwɔ wuun mi n ɡunum bo.

Yeremi 2:20

Yinni Gusunɔ u nɛɛ, sɑɑ yellun di, i tii yoru yɑrɑ, i suɡu kɑ yɔni yi bɑ rɑɑ bɛɛ doke kɑsukɑ. Mɑ i nɛɛ, i ǹ mɑɑ kĩ i mɑn yoru diiyɑ. Mɑ i dɑ ɡunɡunu wɔllɔ kɑ dɑ̃ɑ kubenɔ i bũnu ɡɑsirimɔ i sɑ̃ɑmɔ.

Yeremi 2:33

I durɔ dɑmɑ bwisi mɔ sere kurɔ tɑnɔbu bɑ yi ɡiɑmɔ bɛɛn min di.

Yeremi 2:36

Mbɑn sɔ̃nɑ i sirenɛ i kɑ swɑɑ kɔsi. Eɡibitiɡibɑ koo bɛɛ sekuru doke nɡe mɛ Asiriɡibɑ bɛɛ kuɑ.

Yeremi 3:2

I seewo i mɛɛri ɡuunu ɡiɑ, kpɑ i wɑ nɡe ɡuuru ɡɑrɑ wɑ̃ɑ tèn mi i ǹ bũnu sɑ̃wɑ. Wee, i rɑ bũnu kɑsu nɡe mɛ kurɔ tɑnɔ u rɑ win kĩnɑsibu kɑsu. I sɑ̃ɑ nɡe Dɑɑrubu swɑɑ dio be bɑ rɑ n tɔmbu mɑrɑ swɛɛ sɔɔ. Mɑ i tem mɛ disi doke bɛɛn bũu ɡɑsiribu kɑ bɛɛn nuku kɔ̃surun sɔ̃.

Esekiɛli 16:31

Domi ɑ sɑkɑrɑ kunu ɡirɑ swɑɑ kɛɛnɑnɔ mɑ ɑ bũu turɑnu kuɑ bɑɑmɑ kpuro, ɑ ku rɑ mɑm mɑɑ kurɔ tɑnɔ ɡobi mwɛ.

Kɑ̃siru 18:23

Bɑ ǹ mɑɑ fitilɑn yɑm bururɑm wɑsi mi, bɑ ǹ mɑɑ kurɔ kpɑɑ durɔbu kɑ kurɔ kpɑobun nɔɔ nɔɔmɔ. Wunɛn tenkubɑrɑ bɑ rɑɑ dɑm bo hɑnduniɑ ɡirɑ sɔɔ, mɑ ɑ kɑ wunɛn dobo dobo tem kpuroɡibu nɔni wɔ̃kuɑ.

Kɑ̃siru 18:3

Domi tem kpuron tɔmbu bɑ yen dɑɑ bɛrɛtɛkɛn tɑm nɔrɑ. Hɑnduniɑn sinɑmbu bɑ kɑ ye kurɔ tɑnɔ kookoosu kuɑ, mɑ hɑnduniɑn tenkubɑ bɑ kuɑ ɡobiɡibu yen dɑɑ bɛrɛtɛkɛn kpɑ̃ɑrun sɔ̃.