Mɔnnu 6:25 - Bibeli Gusunɔn Gari

²⁵ A ku kurɔ win bweseru binɛ ko win burɑm sɔ̃. A ku de u nun kɔkiri kɑ win durɔ nɔni.

Mɔnnu 6:25 ပူးပေါင်းရင်းမြစ်များ

Sinɑmbu II 9:30

Yen biruwɑ Yehu u duɑ Yisirɛɛliɔ. Ye Yesɑbɛli u nuɑ mɛ, yerɑ u win wuswɑɑ burɑru kuɑ u kirobɑ doke nɔniɔ. Mɑ u win wiru yɑrɑ fɛnɛntin di u kɑ yɑm mɛɛrɑ.

Yoobu 31:1

Nɑ kɑ nɛn nɔni ɑrukɑwɑni bɔkuɑ nɑ nɛɛ, nɑ ǹ kɑ yi wɔndiɑ mɛɛrimɔ pɑi.

Womu Duro 4:9

Bɛsɛn nɔni yì n yinnɑ, ǹ kun mɛ nɑ̀ n wunɛn sɑbɑn bɑtɑni tiɑ wɑ, wunɛn kĩrɑ rɑ nɛn ɡɔ̃ru kpuro mwɛwɑ, nɛn sesu, nɛn kurɔ.

Esɑi 3:16

Yinni Gusunɔ u mɑɑ nɛɛ, wee Yerusɑlɛmun tɔn kurɔbu bɑ tii sue. Mɑ bɑ sĩimɔ bɑ yɛ̃kɔ mɔ̀, bɑ wĩinu dɛmiɛ. Bɑ ǹ sekuru mɔ, bɑ ben nɑɑsun sumi soonɑmɔ.

Yeremi 4:30

Wunɛ Yerusɑlɛmu, burɑru mbɑ kɑɑ mɑɑ tii kuɑ. Kɑɑ tii beku wunɔmɡiru kɑsuɑwɑ ɑ dewe, kpɑ ɑ wurɑn sɑbɑ sebe, kpɑ ɑ kiro doke? Kɑm sɔɔrɑ kɑɑ tii burɑru kuɑ. Wee wunɛn kĩnɑsibu bɑ nun tusɑ bɑ kɑsu bu nun ɡo.

Esekiɛli 23:40

Yen biru, bɑ mɑɑ sɔmɔbu ɡɔrɑ bu bu durɔbu kɑsuɑmɑ sɑɑ tontonden di. Mɑ durɔ be, bɑ seemɑ bɑ nɑ. Sɑɑ yerɑ bɑ woburɑ mɑ bɑ kiro doke mɑ bɑ ben burɑ yɑ̃nu doke durɔ ben sɔ̃.

Mɑteu 5:28

Adɑmɑ tɛ̃ nɑ bɛɛ sɔ̃ɔmɔ, tɔn durɔ ù n tɔn kurɔ mɛɛrɑ, mɑ u nùn binɛ kuɑ, u kɑ nùn sɑkɑrɑru kuɑ kɔ win ɡɔ̃ruɔ.

Sɔ̃ɔsiru 5:21

Su ku rɑ bɛsɛn tɔnusin kurɔ binɛ ko, ǹ kun mɛ win diru, ǹ kun mɛ win ɡberu, ǹ kun mɛ win sɔm kowo tɔn durɔ ǹ kun mɛ tɔn kurɔ, ǹ kun mɛ win kɛtɛ, ǹ kun mɛ win kɛtɛku, win ɡɑ̃ɑnu kpuro ɡesi.