Mɔnnu 6:16 - Bibeli Gusunɔn Gari

^16-19 Gɑ̃ɑnu nɔɔbɑ tiɑ Yinni Gusunɔ u tusɑ, u ku rɑ nu wɑɑbu kɑ̃. Niyɑ, tii suɑbun kookoosu, kɑ weesu, kɑ tɔn dɛɛron ɡoberu, kɑ kɔ̃sɑn himbɑ, kɑ dɑɑ kɔ̃sɑn kĩru, kɑ tɔnu ɡɑri mɑnibu. Gɑ̃ɑnu nɔɔbɑ yiruse mɑm wɑ̃ɑ. Niyɑ, tɔn ɡbinnɑɑ berusebun suunu sɔɔ.

Mɔnnu 6:16 ပူးပေါင်းရင်းမြစ်များ

Sinɑmbu II 21:16

Mi sɔɔrɑ Mɑnɑse u torɑ teni sosi, u tɑɑrɛ sɑriruɡibun yɛm yɑri sere mu kokɑ Yerusɑlɛmun swɛɛ kpuro sɔɔ, torɑ ni u Yudɑbɑ koosiɑ Yinni Gusunɔn wuswɑɑɔ bɑɑsi, ye u kɑ derɑ bɑ bũnu sɑ̃wɑ.

Yoobu 5:19

Nɔn dɑbinu u koo nun yɑrɑ nuku sɑnkirɑrun di, kpɑ kɔ̃sɑ ɡɑɑ yu ku mɑɑ nun deemɑ.

Womusu 11:5

U rɑ tɔn kɔ̃so kɑ mɑɑ tɔn ɡeon dɑɑ wɛ̃ɛri, kpɑ u n dɑm diobu tusɑ.

Womusu 5:7

A tɔn ɡowobu tusɑ. A tɑki diobu tusɑ. A rɑ wee kowobu kpeerɑsie.

Mɔnnu 11:1

Yinni Gusunɔ u ku rɑ kɑ̃ bɑ n kiɑnu yĩirumɔ kɑ kilo ye yɑ ǹ sɑ̃ɑ dee dee, ɑdɑmɑ u kĩwɑ bɑ n yĩirumɔ kɑ ye yɑ sɑ̃ɑ dee dee.

Mɔnnu 11:20

Yinni Gusunɔ u tɔn kɔ̃sobu tusɑ, ɑdɑmɑ bèn sɑnu sɑnusu dɛɛre, berɑ u rɑ kɑ nɔnu ɡeu mɛɛri.

Mɔnnu 12:22

Yinni Gusunɔ u ku rɑ weesuɡibu kɑ̃. Gemɡibɑ u rɑ n kĩ.

Mɔnnu 17:15

Wi u tɔn kɔ̃so ɡem wɛ̃ɛmɔ, kɑ wi u ɡemɡii tɑɑrɛ wɛ̃ɛmɔ, be kpurowɑ Yinni Gusunɔ u tusɑ.

Mɔnnu 20:10

Yinni Gusunɔ ku rɑ kɑ̃ bɑ n kiɑru yĩirumɔ kɑ kilo kɑ sɑkɑku ye yɑ ǹ sɑ̃ɑ dee dee.

Mɔnnu 20:23

Yinni Gusunɔ u ku rɑ kɑ̃ bɑ n kiɑru yĩirumɔ kɑ kilo ye yɑ ǹ dee dee sɑ̃ɑ.

Mɔnnu 21:4

Tii suɑbu kɑ tɔn biɑru yerɑ yɑ rɑ tɔn kɔ̃sobun durum sɔ̃ɔsi.

Mɔnnu 3:32

Domi Yinni Gusunɔ u tɔn kɔ̃sobu tusɑ, ɑdɑmɑ u rɑ ɡemɡibu ko win bɔrɔbɑ.

Mɔnnu 30:18

Gɑ̃ɑnu itɑwɑ nu wɑ̃ɑ ni nu ku rɑ mɑn yeeri, niyɑ nɡe mɛ ɡunɔ bɑkeru tɑ rɑ n kɑ yɔ̃ɔwɑ, kɑ nɡe mɛ wɑɑ yɑ kɑ sĩimɔ kpee sɑɑrɑ wɔllɔ, kɑ nɡe mɛ ɡoo nimkuu ɡɑ kɑ sĩimɔ nim wɔ̃ku wɔllɔ. Gɑ̃ɑnu nnɛse mɑɑ wɑ̃ɑ, niyɑ kĩi te tɑ rɑ tɔn durɔ sure tɔn kurɔn mi ɡiɑ.

Mɔnnu 30:21

Gɑ̃ɑnu nnɛwɑ yɑ wɑ̃ɑ ye yɑ ku rɑ kɑ tɔmbu nɑɑwɛ. Niyɑ, yoo ù n kuɑ sinɑ boko, kɑ ɡɑri bɔkɔ ù n di u debɑ, kɑ kurɔ wi bɑ ɡɔburu wɑ ù n durɔ wɑ, kɑ mɑɑ tɔn kurɔ yoo wi u win yinni durɔ mwɑɑri.

Mɔnnu 30:24

Yɛɛ bwese piiminu nnɛ yi wɑ̃ɑ yi yi bwisi mɔ too.

Mɔnnu 30:29

Hunde koni nnɛ ɡɛɛ wɑ̃ɑ yèn sɑnum mu nɑnum mɔ. Niyɑ, ɡbee sunɔ ɡe ɡɑ yɛɛ kpuro bwisi kere, ɡɑ ku rɑ mɑɑ biru wure ɡoon wuswɑɑn di, kɑ ɡoo dɔɔ ɡe ɡɑ wiru yɔ̃rɑsie, kɑ boo kinɛ yeburu te tɑ rɑ sɑnnɛ, kɑ sinɑ boko wi u wɑ̃ɑ win tɑbu kowobun suunu sɔɔ.

Mɔnnu 6:15

Yen sɔ̃nɑ ɑsɔrɔ yɑ koo nùn deemɑ subɑru sɔɔ, kpɑ n kun koore bu nùn seeyɑ.

Mɔnnu 8:13

À n kĩ ɑ Yinni Gusunɔ bɛɛrɛ wɛ̃, ɑ de ɑ kɔ̃sɑ tusi. Nɑ tii suɑbu kɑ yɛ̃kɔ kɑ kɔ̃sɑn kookoosu kɑ keetɑn ɡɑri tusɑ.

Yeremi 26:15

I yɛ̃ mɑ nɑ ǹ tɑɑrɛ ɡɑɑ mɔ. Yen sɔ̃, ì n mɑn ɡo, nɛn yɛm mu kuɑ bɛɛ kɑ bɛɛn wuu ɡen sɔmunu. Domi kɑ ɡem Yinni Gusunɔwɑ u mɑn ɡɔrimɑ n kɑ bɛɛ ɡɑri yini kpuro sɔ̃.

Amɔsu 1:11

Nɛ, Yinni Gusunɔ nɑ nɛɛ, Edɔmubɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ ben mɛro bisibu Isirelibɑ nɑɑ swĩi kɑ tɑkobi. Bɑ ǹ bu wɔnwɔndu kue. Ben mɔru kun mɑɑ sure. Mɑ bɑ kɑ bu wɛrɛru sɑ̃ɑ dim dim sɑɑ kpuro.

Amɔsu 1:3

Nɛ, Yinni Gusunɔ nɑ nɛɛ, Dɑmɑsiɡibun torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Gɑlɑdiɡibu tɑɑkɑ bɑ munkɑ.

Amɔsu 1:6

Nɛ, Yinni Gusunɔ nɑ nɛɛ, Filisitibɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Isireli dɑbi dɑbinu yoru mwɛɛrɑ bɑ Edɔmubɑ nɔmu bɛriɑ.

Amɔsu 1:9

Nɛ, Yinni Gusunɔ nɑ nɛɛ, Fenisibɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Isireli dɑbi dɑbinu yoru mwɛɛrɑ bɑ Edɔmubɑ nɔmu bɛriɑ. Bɑ ǹ ben ɑrukɑwɑni yibie ye bɑ rɑɑ kɑ bu bɔkuɑ.

Amɔsu 2:1

Nɛ, Yinni Gusunɔ nɑ nɛɛ, Mɔɑbubɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ Edɔmun sinɑ bokon kukunu dɔ̃ɔ mɛni nu kuɑ torom.

Amɔsu 2:4

Nɛ, Yinni Gusunɔ nɑ nɛɛ, Yudɑbɑn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi bɑ nɛn woodɑbɑ yinɑ. Bɑ ǹ ye mɛm nɔɔwɛ. Mɑ bɑ bũnun weesu swĩi, ni ben bɑɑbɑbɑ bɑ rɑɑ swĩi. Mɑ nu derɑ bɑ ɡɛrɑ nɛn swɑɑn di.

Amɔsu 2:6

Nɛ, Yinni Gusunɔ nɑ nɛɛ, bɛɛ Isirelibɑ, bɛɛn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi i ɡemɡibu dɔrɑ i kɑ bɛɛn dibu wɑ i mwɑ. Mɑ i kɑ sɑ̃ɑrobu bɑrɑnun ɡobi kɔsinɑmɔ.

Sɑkɑri 8:17

I ku ɡoo kɔ̃sɑ kuɑ. I ku bɔ̃ri weesuɡii ko. Domi yenibɑ kpurowɑ nɑ tusɑ. Nɛ, Yinni Gusunɔwɑ nɑ yeni ɡeruɑ.

Sɔ̃ɔsiru 23:18

I ku de durɔ dɑmɑ woronu ǹ kun mɛ kurɔ dɑmɑ woronu nu n wɑ̃ɑ bɛɛn sɑ̃ɑru sɔɔ.

Sɔ̃ɔsiru 24:4

win durɔ ɡbiikoo wi u rɑɑ nùn yinɑ mi, u ku mɑɑ nùn kɑsu bu mɛnnɑ. Domi kurɔ wi, u kuɑ disiɡii. Yeyɑ Yinni Gusunɔ u tusɑ. Ì n kuɑ mɛ, i tem mɛ Gusunɔ bɛsɛn Yinni u bɛɛ wɛ̃ bɛɛrɛ sɑri kookoosu koosiwɑ mi.

Sɔ̃ɔsiru 25:16

Domi Gusunɔ bɛsɛn Yinni wi, u be bɑ yen bweseru mɔ̀ tusɑ.

Kɑ̃siru 21:27

Adɑmɑ ɡɑ̃ɑ kɔ̃sunu kun duɔ wuu ɡe sɔɔ pɑi, mɛyɑ mɑɑ tɔnu wi u kom kɔ̃sum kɑ weesu mɔ̀. Be bɑ koo du mi, beyɑ bèn yĩsɑ bɑ yoruɑ Yɑ̃ɑ kinɛ kpɛm ten tireru sɔɔ te tɑ sɑ̃ɑ wɑ̃ɑrun tireru.