Mɔnnu 6:14 - Bibeli Gusunɔn Gari

¹⁴ Kɔ̃sɑn kobɑ bu rɑ n nùn nɛni, kpɑ u n yen sɔɔru mɔ̀ bɑɑdommɑ u n sɑnnɔsu seeyɑmɔ.

Mɔnnu 6:14 ပူးပေါင်းရင်းမြစ်များ

Womusu 140:2

Yinni Gusunɔ, ɑ mɑn wɔro tɔn kɔ̃sobun nɔmɑn di. A mɑn ɡbɑro ɡbɑnɑɡibun nɔmɑn di.

Womusu 140:3

Domi kɔ̃sɑ bɑ rɑ n bwisikumɔ ben ɡɔ̃ruɔ. Kpɑ bɑ n sɔɔru kpeere bɑɑdommɑ bu kɑ tɑbu ko.

Womusu 36:4

Win ɡɑri kpuro, weesɑ yi sɑ̃ɑ. U ku rɑ wure u ɡɑ̃ɑnu ko kɑ lɑɑkɑri u sere ɡeɑ ko.

Mɔnnu 14:22

Be bɑ rɑ kɔ̃sɑ bwisiku, bɑ kɔ̃ɔrewɑ, ɑdɑmɑ be bɑ rɑ ɡeɑ bwisiku, durom kɑ ɡemɑ bɑ rɑ sɔ̃ɔsi.

Mɔnnu 16:27

Tɔnu kɑm, kɔ̃sɑ u rɑ n bwisikumɔ, kpɑ yɑ n yɑrimɔ win nɔɔn di nɡe dɔ̃ɔ.

Mɔnnu 17:20

Wi u rɑ tɔnu nɔni wɔ̃ke, u ǹ nuku dobu wɑsi. Wi u rɑ ɡɑri kɔ̃si ɡere, kɔ̃sɑ yɑ rɑ nùn deemɛ.

Mɔnnu 2:14

Kɔ̃sɑn kobu bu rɑ bu nuku dobu wɛ̃, kpɑ bɑ n yɛ̃ɛrimɔ torɑnun sɔ̃.

Mɔnnu 21:8

Tɔn kɔ̃sobu bɑ ku rɑ swɑɑ mwɛ ye yɑ dɛnde, ɑdɑmɑ be bɑ dɛɛre, ben swɑɑ yɑ rɑ n dee dee sɑ̃ɑ.

Mɔnnu 22:8

Wi u kɔ̃sɑ duurɑ, kɔ̃sɑ u rɑ ɡɛ̃, kpɑ win dɑm dɔrebu bu kpe.

Mɔnnu 24:8

Wi u rɑ n kɔ̃sɑ bwisikumɔ u koo yĩsiru yɑri kɔ̃sɑn kobu sɔɔ.

Mɔnnu 3:29

A ku wi u nun nɑɑnɛ sɑ̃ɑ kɔ̃sɑ bwisikusi.

Mɔnnu 3:32

Domi Yinni Gusunɔ u tɔn kɔ̃sobu tusɑ, ɑdɑmɑ u rɑ ɡemɡibu ko win bɔrɔbɑ.

Esɑi 32:7

Tɔn kɔ̃son kookoosu kpuro su ku rɑ n wɑ̃. U rɑ kpunɑɑ dɑbinu kowɑ u kɑ bwɛ̃ɛbwɛ̃ɛ kɑm koosiɑ kɑ weesu, bɑɑ bwɛ̃ɛbwɛ̃ɛ wi, ù n ɡem mɔ.

Esɑi 57:20

Adɑmɑ nuku kɔ̃suruɡibu bɑ sɑ̃ɑwɑ nɡe nim wɔ̃kun nim kurenu, ni nu ǹ kpɛ̃ nu yɔ̃rɑ sɛ̃ɛ, ni nu rɑ n pɔtɔkɔ kɑ disinu sɔɔwɑ.

Esekiɛli 11:2

Yinni Gusunɔ u nɛɛ, tɔnun bii, tɔn be ɑ wɑ mi, bɑ sɑ̃ɑwɑ be bɑ kɔ̃sɑ bwisikumɔ mɑ bɑ tɔmbu bwisi kɔ̃si kɛ̃mɔ Yerusɑlɛmuɔ.

Osee 8:7

Wee i woo duurɑ, yen sɔ̃nɑ i ko i woo bɔkɔ ɡɛ̃. Mɔndu ɡɑrɑ nɛɛ, dobi bɛm sɑri ku rɑ n som mɔ. I n mɑɑ yɛ̃ mɑ bɛɛn ɡbeɑn dĩɑnu nù n dɑɑ ɡeɑ kuɑ, sɔbɑ bɑ koo nu ɡurɑ.

Misee 2:1

Bɔ̃rurobɑ be bɑ rɑ n kɔ̃sɑ bwisikumɔ wɔ̃kuru mi bɑ kpĩ. Bɑ̀ n seewɑ buru buru kpɑ bu ye ko yèn sɔ̃ bɑ yen dɑm mɔ.

Romu 16:17

Nɛɡibu, nɑ bɛɛ kɑnɑmɔ i n dɑ n tii sɛ kɑ be bɑ kɑrɑnɑɑ dokemɔ, kɑ ye n koo bɛɛ wɔrumɑsiɑ. I dɛsiro ben min di, domi bɑ sɔ̃ɔsiru sikimɔwɑ te i nuɑ kɔ.