Mɔnnu 5:21 - Bibeli Gusunɔn Gari

²¹ A de ɑ n yɛ̃ mɑ Yinni Gusunɔ u tɔnu bɑɑwuren dɑɑ mɛɛrɑ, u bɑɑwuren sɑnu sɑnusu wɑɑmɔ.

Mɔnnu 5:21 ပူးပေါင်းရင်းမြစ်များ

Bɑndun Gɑri II 16:9

Domi Yinni Gusunɔ u kpuro mɛɛrɑ hɑnduniɑ ye sɔɔ u kɑ wɑ be bɑ nùn kĩ kɑ ben ɡɔ̃ru kpuro. Adɑmɑ wunɛ, ɑ ɡɑri bɑkɑ kookoosu kuɑ ɡɑri yi sɔɔ. Yen sɔ̃, sɑɑ tɛ̃n di, bɑ koo kɑ nun tɑbu ko.

Yoobu 14:16

Wee tɛ̃ ɑ mɑn swĩi mi nɑ nɑɑsu wukɑ kpuro. Adɑmɑ sɑɑ ɡɑɑ sisi yè sɔɔ ɑ ǹ mɑɑ nɛn durum ɡɑrisimɔ.

Yoobu 24:23

Gɑsɔ u rɑ bu yĩiyɔbu wɛ̃, bɑ n kɑ wɑ̃ɑ bɔri yɛndu sɔɔ. Adɑmɑ u rɑ n ben sɑnu sɑnusu mɛɛrɑwɑ.

Yoobu 31:4

Gusunɔ u nɛn swɑɑ yɛ̃. U nɛn sɑnu sɑnusu mɛɛrimɔ.

Yoobu 34:21

Domi Gusunɔ u rɑ n tɔmbun sɑnu sɑnusu mɛɛrɑ. Kpɑ u n ben swɛɛ nɔni ɡirɑri.

Womusu 11:4

Adɑmɑ i n yɛ̃ mɑ Yinni Gusunɔ u wɑ̃ɑ win sɑ̃ɑ yee dɛɛrɑrɔ, mɑ u win sinɑ ɡɔnɑ swĩi wɔllɔ.

Womusu 119:168

Nɑ wunɛn yiirebu kɑ wunɛn woodɑbɑ swĩi, domi nɛn kookoosu kpuro wɑ̃ɑ wunɛn wuswɑɑɔ.

Womusu 17:3

Wɔ̃kuru, ɑ nɑ nɛn mi, ɑ wɛ̃ɛrɑ ye nɑ bwisikumɔ, ɑ wɛ̃ɛrɑ ye nɑ ɡerumɔ, ɑdɑmɑ ɑ ǹ torɑru ɡɑru wɑ.

Mɔnnu 15:3

Yinni Gusunɔn nɔni wɑ̃ɑwɑ yɑm kpuro. Yi tɔn kɔ̃sobu kɑ ɡemɡibu mɛɛrɑ.

Mɔnnu 4:26

A de ɑ n yɛ̃ swɑɑ ye kɑɑ kpe, kpɑ ɑ n yɛ̃ mɑ yɑ sɑ̃ɑwɑ swɑɑ ɡeɑ.

Mɔnnu 5:6

U ku rɑ swɑɑ mwɛ ye yɑ koo nùn wɑ̃ɑru wɛ̃. U rɑ n torewɑ u kun kɑ bɑɑru.

Yeremi 16:17

Domi nɛn nɔni yi ben sɑnu sɑnusu mɛɛrɑ, sin ɡɑsu kun beruɑ nɛn nɔni sɔɔ. Mɛyɑ nɑ mɑɑ ben torɑnu kpuro wɑɑmɔ.

Yeremi 17:10

Nɛ, Yinni Gusunɔwɑ nɑ rɑ tɔnun ɡɔ̃ru kɑ win bwisikunu wɛ̃ɛri, n kɑ nùn ye u kuɑn ɑre wɛ̃.

Yeremi 23:24

Goo u koo kpĩ u kuke nɑ kun nùn wɑ? Nɑ wɑ̃ɑwɑ yɑm kpuro, wɔllɔ kɑ temɔ.

Yeremi 29:23

Domi tɔn be, bɑ ɡɑ̃ɑ kɔ̃sunu kuɑ, bɑ sɑkɑrɑru kuɑ kɑ ben berusebun kurɔbu. Mɑ bɑ weesu kuɑ kɑ wi, Yinni Gusunɔn yĩsiru, bɑɑ mɛ u ǹ bu yiire. Adɑmɑ u yɛ̃ ye bɑ kuɑ kpuro, u sɑ̃ɑ yen seedɑɡii.

Yeremi 32:19

Wunɛn himbɑ yɑ kpɑ̃, ɑ mɑɑ dɑm mɔ ɑ kɑ ye yibiɑ. A rɑ n mɛɛrɑ ye tɔmbɑ mɔ̀ kpɑ ɑ bɑɑwure kuɑ nɡe mɛ win kookoosu nɛ.

Osee 7:2

Adɑmɑ ben ɡoo sɑri wi u rɑ tii sɔ̃ u nɛɛ, nɑ yɑɑye kɔ̃sɑ ye bɑ mɔ̀. Tɛ̃, wee bɑ mwɑɑrɑ ben kom kɔ̃sum mɛ sɔɔ. Nɑ ye kpuro wɑɑmɔ.

Heberu 4:13

Gɑ̃ɑnu sɑri ni nu Gusunɔ berue win tɑkɑ koorɑ sɔɔ. Kpuro yɑ wukiɑrewɑ yɑ yii win wuswɑɑɔ. Wiyɑ bɛsɛ kpuro sɑ ko mɑɑ bɛsɛn wɑ̃ɑru tusiɑ.

Kɑ̃siru 2:18

Kirisi u mɑɑ nɛɛ, ɑ Tiɑtirɑn Yesun yiɡbɛrun ɡɔrɑdo yoruo ɑ nɛɛ, nɛ Gusunɔn Bii wìn nɔni sɑ̃ɑ nɡe dɔ̃ɔ yɑrɑ mɑ nɛn nɑɑsu bɑllimɔ nɡe sii ɡɑn te bɑ yɑniɑ bɑ teɑ, nɑ nɛɛ,

Kɑ̃siru 2:23

Yen biru kon win bibu ɡo. Sɑɑ yerɑ Yesun yiɡbɛnu kpuro nu koo ɡiɑ mɑ nɛnɑ nɑ tɔmbun bwisikunu kɑ ben ɡɔ̃rusu yɛ̃. Kon ben bɑɑwure kɔsie nɡe mɛ win kookoosu nɛ.