Mɔnnu 4:20 - Bibeli Gusunɔn Gari

²⁰ Nɛn bii, ɑ nɛn ɡɑri nɔɔwɔ. A swɑɑ tem kpĩiyɔ ɑ nɔ bwisi yi kon nun kɛ̃.

Mɔnnu 4:20 ပူးပေါင်းရင်းမြစ်များ

Womusu 34:12

Bɛɛ nɛn bibu, i susimɑ i nɔ, kpɑ n bɛɛ sɔ̃ɔsi nɡe mɛ i ko kɑ Yinni Gusunɔ nɑsiɑ.

Womusu 78:1

Womu ɡe Asɑfu u kuɑ. Ge wee. Nɛn tɔmbu, i nɛn ɡɑri swɑɑ dɑkio. I swɑɑ tem kpĩiyɔ i nɔ ye nɑ ɡerumɔ.

Womusu 90:12

A de sɑ n yɛ̃ mɑ bɛsɛn wɑ̃ɑrun tɔ̃rɑ kun dɛ̃u, kpɑ su ko bwisiɡibu.

Mɔnnu 2:2

A bwisin sɔ̃ɔsiru swɑɑ dɑkio. A kookɑri koowo yu kɑ nun yeeri.

Mɔnnu 22:18

A yi dokeo wunɛn ɡɔ̃ruɔ kpɑ ɑ n sɔɔru sɑ̃ɑ ɑ kɑ yi ɡere. Sɑɑ ye sɔɔ, kɑɑ n nuku dobu mɔ.

Mɔnnu 5:1

Nɛn bii, ɑ nɛn ɡɑri bwisiɡii kɑ lɑɑkɑriɡii swɑɑ dɑkio ɑ nɔ.

Mɔnnu 7:1

Wunɛ nɛn bii durɔbu, ɑ nɛn ɡɑri nɛnuɔ, kpɑ ɑ ku rɑ nɛn ɡere duɑri.

Esɑi 55:3

I swɑɑ dɑkimɑ, i nɑ nɛn mi, kpɑ i wɑ i n wɑ̃ɑ. Kon kɑ bɛɛ ɑrukɑwɑni bɔke ye yɑ kun kpeemɔ, n kɑ bɛɛ durom sɔ̃ɔsi sere kɑ bɑɑdommɑɔ, mɛ̀n nɔɔ mwɛɛru nɑ Dɑfidi kuɑ.

Mɑteu 17:5

U ǹ ɡɑri yi ɡerum kpɑ, bukɔ kpiku ɡɑ kɑ bu wukiri. Mɑ bɑ nɔɔ ɡɑɡu nuɑ sɑɑ bukɔ min di ɡɑ nɛɛ, winiwɑ nɛn Bii kĩnɑsi wì sɔɔ nɛn ɡɔ̃ru dobu kpuro wɑ̃ɑ. I wiɡii swɑɑ dɑkio.