Mɔnnu 4:17 - Bibeli Gusunɔn Gari

¹⁷ Kɔ̃sɑn kobɑ bu rɑ n sɑ̃ɑ nɡe ben dĩɑnu kɑ ben tɑm.

Mɔnnu 4:17 ပူးပေါင်းရင်းမြစ်များ

Womusu 14:4

Ye u wɑ mɛ, yerɑ u tii bikiɑ u nɛɛ, kɔ̃sɑn kowo be, bɑ ǹ yɛ̃ru mɔ? Wee bɑ nɛn tɔmbu ɡbɛnimɔ, ben ɡoo kun mɑn sɑ̃ɑmɔ.

Mɔnnu 13:2

Gemɡibu bɑ rɑ ben ɡɑrin ɑre wɑ, ɑdɑmɑ tɔn kɔ̃sobu, dɑm dɔrenɑɑn wɑ̃ɑrɑ bɑ rɑ n wɑ̃ɑ.

Mɔnnu 20:17

Dĩɑ ni tɔnu wɑ kɑ swɑɑ kɔ̃sɑ, nu rɑ n ɡinɑ dibu dowɑ, ɑdɑmɑ ɑmɛn biru, nu rɑ n sɑ̃ɑwɑ nɡe yɑnim nɔɔwɔ.

Mɔnnu 9:17

Gɑ̃ɑ nɔrurɑ ye bɑ ɡbɛnɑ, yɑ nɔrubu do. Dim mɛ bɑ dimɔ ɑsiri sɔɔ, mɛnɑ mu rɑ n do.

Esɑi 5:18

Bɔ̃rurobɑ be bɑ ɡbinnɛ kɑ kɔ̃sɑ nɡe nɑɑ wuku yi yi yin kɛkɛ ɡɑwe,

Esɑi 5:20

Bɔ̃rurobɑ be bɑ rɑ kɔ̃sɑ soku ɡeɑ, kpɑ bu ɡeɑ soku kɔ̃sɑ. Bɔ̃rurobɑ be bɑ rɑ yɑm wɔ̃kuru soku yɑm bururɑm, kpɑ bu yɑm bururɑm ɡɔsiɑ yɑm wɔ̃kuru. Bɔ̃rurobɑ be bɑ rɑ ye n sosu ɡɔsie ye n do, kpɑ bu ye n do ɡɔsiɑ ye n sosu.

Yeremi 9:4

Kpɑ bɑ n nɔni wɔ̃kunɑmɔ. Bɑ ku rɑ ɡem sɔ̃ɔnɛ, kpɑ bɑ n ben nɔɔ dɛ̃ɛrimɔ bu kɑ weesu ko. Mɛyɑ bɑ rɑ n mɛɛrimɔ nɡe mɛ bɑ koo kɑ kɔ̃sɑ ko.

Misee 3:5

Misee u nɛɛ, wee ye Yinni Gusunɔ u ɡerumɔ sɔmɔ be bɑ win tɔmbu nɔni wɔ̃kumɔn sɔ̃. U nɛɛ, bɑ̀ n bu ɡɑ̃ɑnu nɔɔ dokeɑ, bɑ rɑ nɛɛwɑ, bɔri yɛndɑ wee. Bɑ̀ kun mɑɑ bu ɡɑ̃ɑnu wɛ̃, kpɑ bu nɛɛ, tɑbu sisi.

Misee 6:12

Wee bɛɛn ɡobiɡibu bɑ tɔmbu dɑm dɔremɔ, bɑ rɑ n weesu mɔ̀. Kpɑ bɑ n ɡɑbu nɔni wɔ̃kumɔ kɑ ben ɡɑri.

Misee 7:3

Bɑ kɔ̃sɑn kobun yɛ̃ru mɔ. Mɑ sinɑmbu kɑ siri kowobu bɑ tɔmbu nɔm birɑm kɛ̃nu mwɑɑrimɔ. Ben dɑmɡibu bɑ ben binɛ sɔ̃ɔsimɔ. Mɑ be kpuro bɑ nɔɔ tiɑ sɑ̃ɑ bu kɑ ko ye bɑ kĩ.

Sofoni 3:3

Bɛɛn sinɑ ɑsɑkpɔbu bɑ sɑ̃ɑwɑ nɡe ɡbee sinɑn si su kukirimɔ wuu ɡe sɔɔ. Mɑ bɛɛn siri kowobu bɑ mɑɑ sɑ̃ɑ nɡe yokɑn purukɑ ni nu ku rɑ dĩɑnu yi bururun sɔ̃.

Mɑteu 23:13

Mɑ Yesu u nɛɛ, bɛɛ woodɑ yɛ̃robu kɑ Fɑlisibɑ murɑfiti bɛɛ, i ko nɔni swɑ̃ɑru wɑ! Domi i bɑn te Gusunɔ u swĩin ɡɑmbo kɛnumɔ. Bɛɛn tii, i ǹ tu wure. I ǹ mɑɑ wure be bɑ tu kĩ, bu tu wurɑ. [