Mɔnnu 31:9 - Bibeli Gusunɔn Gari

⁹ A kɑ bu yinɔ kpɑ ɑ bu siriɑ dee dee. A kɑ wɔnwɔndobu kɑ sere mɑɑ sɑ̃ɑrobu yinɔ.

Mɔnnu 31:9 ပူးပေါင်းရင်းမြစ်များ

Sɑmuɛli II 8:15

U bɑndu dii Isirelibɑ kpuro sɔɔ u be kpuro siriɑmmɛ nɡe mɛ n weenɛ.

Yoobu 29:12

Domi nɑ rɑ wɔnwɔndo somi ù n somiru kɑnɑ, kpɑ n ɡobeku wi bɑ yinɑ bu somi dɑm kɛ̃.

Womusu 82:3

I dɑm sɑriruɡibu kɑ ɡobekubɑ ben ɡem wɛ̃ɛyɔ. I wɔnwɔndobu kɑ sɑ̃ɑrobu ben ɡem wɛ̃ɛyɔ.

Mɔnnu 16:12

Sinɑ boko kun wurɑmɔ bu kɔ̃sɑ ko, domi ɡemɑ mu koo de win bɑndu tɑ n tɑ̃sɑ.

Mɔnnu 20:8

Sɑnɑm mɛ sinɑ boko u sinɑ u kɑ siri, yɑnde u rɑ tubuwɑ mi kɔ̃sɑ wɑ̃ɑ.

Mɔnnu 29:7

Gemɡii u rɑ n yɛ̃ ye n weenɛ bu sɑ̃ɑrobu kuɑ, ɑdɑmɑ tɔn kɔ̃so kun yen bwisi mɔ.

Esɑi 1:17

I seewo i ɡeɑ ko, kpɑ i n ɡem swĩi. I be bɑ dɑm dɔremɔ fɑɑbɑ koowo. I ɡobekubɑ wɛ̃ɛyɔ ye n sɑ̃ɑ beɡiɑ, kpɑ i kɑ ɡɔminibu yinɑ.

Esɑi 1:23

Wunɛn wiruɡibɑ mɑn seesi, mɑ bɑ kɑ ɡbɛnɔbu nɔɔ tiɑ sɑ̃ɑ. Be kpurowɑ bɑ rɑ n kɛ̃nu yĩiyɔ, kpɑ bɑ n nɔm birɑn kɛ̃nu nɑɑ ɡire. Bɑ ku rɑ ɡobekubɑ wɛ̃ ye n sɑ̃ɑ beɡiɑ, bɑ ku rɑ mɑɑ kɑ ɡɔminibu yinɛ.

Esɑi 11:4

U koo sɑ̃ɑrobu siriɑwɑ dee dee, kpɑ u bwɛ̃ɛbwɛ̃ɛbu ben ɡem wɛ̃. Win ɡɑri yi ko n sɑ̃ɑwɑ nɡe bokuru te u koo kɑ tɔmbu sɛɛyɑsiɑ, kpɑ yi n sɑ̃ɑ nɡe tɑkobi ye yɑ koo tɔn kɔ̃sobu ɡo.

Yeremi 21:12

Be, Dɑfidin bweseru, bɑ n dɑ ɡem swĩi bɑɑdommɑ. Kpɑ bu be bɑ dɑm dɔre yɑkiɑ be bɑ bu dɑm dɔremɔn nɔmɑn di. Bɑ̀ kun kue mɛ, nɛn mɔru yɑ koo bu yɑbure ben kom kɔ̃sum sɔ̃. Bɑ ǹ mɑɑ kpɛ̃ bu ye ɡo.

Yeremi 22:3

bu nɛ, Yinni Gusunɔn ɡɑri yini swɑɑ dɑkio bu nɔ. Bu ɡem swĩiyɔ. Bu be bɑ dɑm dɔremɔ wɔro be bɑ bu dɑm dɔremɔn nɔmɑn di. Bu ku sɔbu kɑ ɡɔminibu kɑ ɡobekubɑn ɡɑ̃ɑnu mwɑ kɑ dɑm. Bu ku mɑɑ tɑɑrɛ sɑriruɡibu ɡo yɑm mini.

Yeremi 23:5

Wee sɑɑ yɑ sisi yè sɔɔ kon ɡemɡii ɡoo seeyɑ Dɑfidin bweserun di nɡe dɑ̃ɑ kpii pɔturɑ, kpɑ u n bɑndu dii kɑ bɑɑdommɑɔ. U koo tɔn be kpɑrɑwɑ kɑ bwisi ɡee. Kpɑ u ɡem sɔ̃ɔsi tem mɛ sɔɔ.

Yeremi 5:28

Bɑ dĩɑ ɡeenu di mɑ bɑ bɔriɑ. Bɑ rɑ kɔ̃sɑ kowɑ yu bɑndɑ. Bɑ ku rɑ kɑ ɡobeku yinɛ, ǹ kun mɛ sɑ̃ɑro. Bɑ ku rɑ bu ben ɡem wɛ̃. Kpɑ ben tii bɑ n kuurɑmɔ.

Dɑniɛli 4:27

Mɑ u nɛɛ, Bɑbiloni wee, wuu bɔkɔ ɡe nɑ bɑnɑ kɑ nɛn tiin dɑm ɡɑ n kɑ sɑ̃ɑ nɛn sinɑ kpɑɑru. Gɑ mɑɑ nɛn yiiko kɑ nɛn bɛɛrɛ sɔ̃ɔsimɔ.

Sɑ̃ɑrun Woodɑ 19:15

I ku murɑfitiru ko siribu sɔɔ. I ku ɡoon bwɛ̃ɛbwɛ̃ɛru ǹ kun mɛ win dɑm mɛɛri i kɑ nùn siri. Adɑmɑ i ko i bu siriwɑ nɡe mɛ bɑɑwuren ɡem mu nɛ.

Sɑkɑri 9:9

Bɛɛ Siɔniɡibu, i nuku dobun kuuki koowo. Bɛɛ Yerusɑlɛmuɡibu, i yɛ̃ɛrio nuku dobun sɔ̃. Wee bɛɛn sinɑ boko u sisi bɛɛn mi. U sɑ̃ɑwɑ ɡemɡii kɑ fɑɑbɑ kowo. U ǹ tii sue. Kɛtɛku buuwɑ u sɔni.

Yohɑnu 7:24

I ku mɑɑ ɡɑ̃ɑnu siri nɡe mɛ i kɑ nu wɑɑmɔ, ɑdɑmɑ i siri ɡeebu koowo.

Sɔ̃ɔsiru 1:16

Mɑ nɑ wiruɡii be woodɑ wɛ̃ nɑ nɛɛ, ben mɛro bisibu bɑ̀ n ɡɑri mɔ ben tii tiinɛ sɔɔ, ǹ kun mɛ, kɑ tɔn tuko, bu bu swɑɑ dɑkio kpɑ bu bu siriɑ dee dee.

Heberu 1:9

A ɡeɑ kĩ mɑ ɑ kɔ̃sɑ tusɑ. Yen sɔ̃nɑ Gusunɔ wi u sɑ̃ɑ wunɛn Yinni u nun ɡɔsɑ. U mɑɑ nun nuku dobu wɛ̃ ye u kɑ nun ɑye bɛɛrɛɡiru wɛ̃ te tɑ wunɛn kpɑɑsibuɡinu kpɑ̃ɑru kere.”

Kɑ̃siru 19:11

Nɑ mɑɑ wɑ Gusunɔ wɔllɑ wukiɑrɑ mɑ dum kɑɑ ɡɑɑ kurɑmɑ. Wi u ye sɔni win yĩsirɑ Gemɡii kɑ Bɔrɔkini. Gem sɔɔrɑ u rɑ siri, mɛyɑ u rɑ mɑɑ kɑ tɑbu ko.

Sɑmuɛli I 19:4

Ye bɑ nɑ mi, Yonɑtɑm u win bɑɑ Dɑfidin ɡeɑ sɑɑriɑ u nɛɛ, wunɛ sunɔ ɑ ku wunɛn bɔ̃ɔ Dɑfidi torɑri. U ǹ nun kɔ̃sɑ ɡɑɑ kue. Ye u kuɑ kpuro, ɡɑ̃ɑ ɡeenɑ.

Sɑmuɛli I 20:32

Mɑ Yonɑtɑm u win tundo bikiɑ u nɛɛ, mbɑn sɔ̃nɑ u koo ɡbi. Mbɑ u kuɑ.