Mɔnnu 30:3 - Bibeli Gusunɔn Gari

³ Goo kun mɑn bwisi kɛ̃ɛre yi yi koo de n Gusunɔ Dɛɛro ɡiɑ.

Mɔnnu 30:3 ပူးပေါင်းရင်းမြစ်များ

Mɔnnu 30:4

Wɑrɑ u wɔllu dɑɑre. Wɑrɑ u sɑrɑmɑre wɔllun di. Wɑrɑ u woo nɔmɑ nɛnure. Wɑrɑ u nim kurusire win yɑ̃nu sɔɔ. Wɑrɑ u tem nɔɔ burɑ yenu kuɑ. Amɔnɑ win yĩsiru. Amɔnɑ win biin yĩsiru. A yɛ̃?

Mɔnnu 9:10

À n kĩ ɑ n bwisi mɔ, ɑ de ɑ ɡinɑ Yinni Gusunɔ nɑsiɑ. À n Gusunɔ Dɛɛro ɡiɑ kɑɑ n yɛ̃ru mɔ.

Esɑi 30:11

Bu swɑɑ ye derio kpɑ bu ku mɑɑ bu nɛ, Isirelibɑn Yinni Dɛɛron ɡɑri sɔ̃.

Esɑi 57:15

Nɛ, Gusunɔ Wɔrukoo, nɛ wi nɑ dɛɛre, nɑ wɑ̃ɑ wɔllɔ sere kɑ bɑɑdommɑɔ, ɑdɑmɑ nɑ mɑɑ wɑ̃ɑ kɑ tɔnu wi bɑ tɑɑre mɑ win nuki sɑnkire, kpɑ n kɑ nùn dɑm kɛ̃.

Esɑi 6:10

N de tɔn ben ɡɔ̃ru ɡu bɔbiɑ, kpɑ bu swɑɑ tɑɑyɑ bu ku rɑɑ ɡɑri nɔ. N ben nɔni wɔ̃kuo bu ku rɑɑ kɑ yɑm wɑ, kpɑ bu ku rɑɑ ɡɔ̃ru ɡɔsiɑ bu fɑɑbɑ wɑ.

Esɑi 6:3

Bɑ nɔɔɡiru sue bɑ mɔ̀, Dɛɛro Dɛɛro, Gusunɔ wɔllu kɑ tem Yinni u sɑ̃ɑwɑ Dɛɛro. Win yiiko yɑ hɑnduniɑ kpuro yibɑ.

Mɑteu 11:27

Nɛn Bɑɑbɑ mɑn bɑɑyere kpuro wɛ̃. Goo sɑri wi u Bii wi yɛ̃ mɑ n kun mɔ Bɑɑbɑ wi. Goo mɑɑ sɑri wi u Bɑɑbɑ wi yɛ̃ mɑ n kun mɔ Bii kɑ mɑɑ wi Bii u kĩ u nùn sɔ̃ɔsi.

Mɑteu 16:17

Yerɑ Yesu nùn wisɑ u nɛɛ, doo nɔɔruɡiiwɑ wunɛ Simɔɔ, Yohɑnun Bii, domi n ǹ mɔ tɔnu u nun yeni sɔ̃ɔsi, mɑ n kun mɔ nɛn Bɑɑbɑ wi u wɑ̃ɑ wɔllɔ.

Yohɑnu 17:3

Wɑ̃ɑru te tɑ ku rɑ kpe terɑ mini, tɔmbu bu kɑ nun ɡiɑ, wunɛ Gusunɔ turo, kpɑ bu mɑɑ mɑn ɡiɑ nɛ Yesu Kirisi wi ɑ ɡɔrimɑ.

Romu 11:33

Annɑ ɑ Gusunɔn dukiɑ kɑ win bwisi kɑ win yɛ̃run dukum wɑ! Goo kun kpɛ̃ u win himbɑ tubu. Goo kun mɑɑ kpɛ̃ u win swɛɛ ɡiɑ.

Kɑ̃siru 3:7

Kirisi u mɑɑ nɛɛ, ɑ Filɑdɛɛfin Yesun yiɡbɛrun ɡɔrɑdo yoruo ɑ nɛɛ, nɛ wi nɑ sɑ̃ɑ Dɛɛro kɑ Gemɡii, nɛ wi nɑ sinɑ boko Dɑfidin yɛnun kɔkɔrɔ nɛni, nɛ wi nɑ̀ n kɛniɑ, ɡoo ku rɑ kɛnɛ, nɛ wi nɑ̀ n mɑɑ kɛnuɑ, ɡoo ku rɑ kɛniɛ, nɛnɑ nɑ nɛɛ,

Kɑ̃siru 4:8

Hunde koni nnɛ yen bɑɑyere yɑ kɑsɑ nɔɔbɑ tiɑ tiɑ mɔ, mɑ yi nɔni mɔ yɑm kpuro tɔɔwɔ kɑ sɔɔwɔ. Bɑ rɑ n womu mɔ̀ kpeetim sɑri sɔ̃ɔ sɔɔ kɑ wɔ̃kuru bɑ n mɔ̀, Dɛɛro! Dɛɛro! Dɛɛro! Mɛyɑ Yinni Gusunɔ Dɑm kpuroɡii u sɑ̃ɑ, wi u rɑɑ wɑ̃ɑ, wi u wɑ̃ɑ, wi u mɑɑ sisi.