Mɔnnu 3:24 - Bibeli Gusunɔn Gari

²⁴ À n kpunɑ wɔ̃kuru, bɛrum kun nun mɔ̀. Kɑɑ dweeyɑwɑ kɑ bɔri yɛndu.

Mɔnnu 3:24 ပူးပေါင်းရင်းမြစ်များ

Bɑndun Gɑri II 20:30

Yosɑfɑti u win bɑndu diwɑ bɔri yɛndu sɔɔ. Mɑ Gusunɔ win Yinni u nùn wɛ̃rɑbu wɛ̃ beri berikɑ kpuro.

Yoobu 11:19

À n kpĩ, ɡoo kun nun bɑɑsimɔ. Tɔmbu kpuro bɑ koo wunɛn nɔnu ɡeu kɑsu.

Womusu 112:8

U ku rɑ wurure, bɛrum kun nùn mɔ̀, sere u kɑ win yibɛrɛbɑ kuɑ mɛ u kĩ.

Womusu 127:2

Kɑm sɔɔrɑ kɑɑ wɑhɑlɑ ko ɑ kɑ wunɛn dĩɑnu wɑ ɑ di. Kɑɑ se buru buru yellu kpɑ ɑ kpunɑ sere wɔ̃ku suunu sɔmburun sɔ̃. Adɑmɑ wi Gusunɔ u kĩ, u rɑ nùn dĩɑnu wɛ̃wɑ bɑɑ yɛ̃ro ù n dò.

Womusu 3:5

Nɑ̀ n nun nɔɔɡiru sue nɑ somiru kɑnɑ, ɑ rɑ nɛn nɔɔ nɔ wunɛn ɡuurun di mi ɑ wɑ̃ɑ.

Womusu 3:6

Nɑ̀ n kpunɑ nɑ dweeyɑ wɔ̃ku ɡiriru, wunɑ ɑ rɑ n mɑn kɔ̃su. Nɑ̀ n yɑndɑ nɑ rɑ deemɛwɑ wunɑ ɑ mɑn kɔ̃su.

Womusu 4:8

Adɑmɑ nɛ, nɑ rɑ n nuku dobu mɔ n kere be bɑ dĩɑnu yibɑ. Nɑ rɑ n yɛ̃ɛrimɔ n kere be bɑ tɑm yibɑ.

Womusu 91:5

Wɔ̃kurun kɑri ǹ kun mɛ sɛ̃u ɡe ɡɑ wee sɔ̃ɔ sɔɔ, yen ɡɑɑ kun nun bɛrum mɔ̀.

Mɔnnu 1:33

Adɑmɑ wi u nɛn ɡɑri swɑɑ dɑki, win bwɛ̃rɑ ko n kpĩ. U ǹ ko n mɑɑ wurure kɔ̃sɑ ɡɑɑn bɛrum sɔ̃.

Mɔnnu 19:23

Wi u Yinni Gusunɔ nɑsie, u ko n wɑ̃ɑru mɔ, kpɑ win wɑ̃ɑ te, tɑ n deburu mɔ. U ǹ mɑɑ nɔni swɑ̃ɑru ɡɑru wɑsi.

Mɔnnu 6:22

Yɑ koo nun kpɑrɑ wunɛn sɑnu sɑnusu sɔɔ, kpɑ yu nun kɔ̃su wunɛn kpin yerɔ. Yɑ koo mɑɑ nun bwisi kɛ̃ ɑ̀ n dom yɑndɑ.

Wɑɑsu kowo 5:12

Nɑ kɔ̃sɑ ɡɑɑ wɑ hɑnduniɑ ye sɔɔ. Yeyɑ, ɡoo wi u dukiɑ beruɑ ye yɑ koo kɑ nùn nɔni swɑ̃ɑru nɑɑwɑ.

Esɑi 54:14

Kon de ɑ n dɑm mɔ. A ku wururɑ, ɑ ku bɛrum ko, domi ɡɑ̃ɑnu kun nun bɛsumɔ.

Yeremi 31:26

Sɑɑ ye sɔɔ, Yeremi u dom yɑndɑ, mɑ u mɛɛrɑ u deemɑ win dosu ɡe, ɡɑ dorɑ.

Esekiɛli 34:15

Nɛn tiiwɑ kon nu kpɑrɑ kpɑ n de nu wɛ̃rɑ. Nɛ, Yinni Gusunɔwɑ nɑ yeni ɡeruɑ.

Esekiɛli 34:25

Nɑ nɔɔ mwɛɛru kuɑ mɑ kon nu bɔri yɛndu wɛ̃. Kon de ɡbeeku yɛɛ kpuro yi doonɑ tem minin di. Sɑɑ ye sɔɔ, nu koo kpĩ nu kpunɑ ɡbɑburɔ kɑ dɑ̃ɑ sɔ̃ɔwɔ.

Esekiɛli 34:27

Dɑ̃nu nu koo binu mɑ. Tem mu koo de dĩɑnu nu mɑ, kpɑ bɑɑwure u n wɑ̃ɑ bɔri yɛndu sɔɔ. Kon nɛn tɔmbun yorun yɔni kɑsuku kpɑ n bu yɑkiɑ be bɑ bu yoru mwɛɛrɑn nɔmɑn di. Kpɑ bu ɡiɑ mɑ nɛnɑ Yinni Gusunɔ.

Sɑ̃ɑrun Woodɑ 26:6

Kon de ɑlɑfiɑ yɑ n wɑ̃ɑ tem mɛ sɔɔ. Goo kun bɛɛ bɑɑsimɔ ì n dò. Kon de yɛɛ ɡɔbi yi doonɑ. Mɛyɑ tɑbu kun mɑɑ duɔ tem mɛ sɔɔ.

Gɔrobun Kookoosu 12:6

Tɔ̃ɔ te Herodu u kĩ u nùn yɑrɑ pirisɔm di u kɑ dɑ tɔmbun mi, ten wɔ̃kuru Piɛɛ u dweeyɑ tɑbu kowobu yirun suunu sɔɔ. Bɑ nùn bɔkuɑ kɑ yɔni yiru, mɑ kɔ̃sobu ɡɑbɑ mɑɑ wɑ̃ɑ pirisɔm kɔnnɔwɔ.