Mɔnnu 3:1 - Bibeli Gusunɔn Gari

¹ Nɛn bii, ɑ ku nɛn sɔ̃ɔsinu duɑri. A nɛn woodɑbɑ nɛnuɔ.

Mɔnnu 3:1 ပူးပေါင်းရင်းမြစ်များ

Womusu 119:11

Nɑ wunɛn ɡɑri nɛnisi nɛn ɡɔ̃ruɔ kpɑ n ku rɑ kɑ nun torɑri.

Womusu 119:153

A nɛn nɔni swɑ̃ɑru mɛɛrio, kpɑ ɑ mɑn wɔrɑ. Nɑ ǹ wunɛn woodɑbɑ duɑrimɔ.

Womusu 119:16

Nɑ kon nuku dobu ko wunɛn ɡere sɔɔ. Nɑ ǹ mɑɑ wunɛn ɡɑri duɑrimɔ.

Womusu 119:176

Wee nɑ sirenɛ nɡe yɑ̃ɑ te tɑ kɔ̃ɔre. A nɛ, wunɛn sɔm kowo kɑsuo, nɑ ǹ wunɛn woodɑbɑ duɑrimɔ.

Womusu 119:34

A mɑn bwisi kɛ̃ɛyɔ kpɑ n kpĩ n kɑ wunɛn woodɑbɑ mɛm nɔɔwɑ.

Womusu 119:61

Tɔn kɔ̃sobun yini mɑn sikerenɛ. Adɑmɑ kɑ mɛ, nɑ ǹ wunɛn ɡɑri deri.

Womusu 119:93

Nɑ ǹ wunɛn ɡere duɑrimɔ pɑi, domi yerɑ yɑ mɑn wɑ̃ɑru wɛ̃ɛmɔ.

Womusu 91:16

Kon de u tɔkɔru ko bɔri yɛndu sɔɔ, kpɑ n nùn nɛn fɑɑbɑ sɔ̃ɔsi.

Yɑribu 20:6

Adɑmɑ be bɑ mɑn kĩ, mɑ bɑ nɛn woodɑ nɑsie, nɑ rɑ ben bibun bweseru wɔnwɔndu kue sere kɑ bɑɑdommɑɔ.

Mɔnnu 1:8

Wunɛ, nɛn bii durɔbu, ɑ wunɛn bɑɑbɑn sɔ̃ɔsiru nɔɔwɔ, kpɑ ɑ ku rɑ wunɛn mɛron ɡere yinɑ.

Mɔnnu 16:31

Seri kpiki yi sɑ̃ɑwɑ bɛɛrɛ bɑkɑ, domi wi u ɡem swĩi, wiyɑ u rɑ yi wɑ.

Mɔnnu 2:1

Nɛn bii, ɑ nɛn sɔ̃ɔsiru wuro, kpɑ ɑ nɛn woodɑ nɛnɛ wunɛn ɡɔ̃ruɔ.

Mɔnnu 23:26

Nɛn bii, ɑ mɑn wunɛn ɡɔ̃ru wɛ̃ɛyɔ, ɑ de ɑ nɛn dɑɑ sɑɑri.

Mɔnnu 31:5

Domi bɑ̀ n mu nɔrɑ, mu koo bu ɡo kpɑ bu duɑri bu woodɑ swĩi, kpɑ bu sɑ̃ɑrobu ɡem birɑ.

Mɔnnu 4:2

Domi bwisi ɡeeyɑ nɑ bɛɛ kɛ̃mɔ. Yen sɔ̃, i ku nɛn sɔ̃ɔsinu yinɑ.

Mɔnnu 4:21

A ku yi ɑtɑfiiru ko. A yi nɛnuɔ wunɛn ɡɔ̃run sɔɔwɔ.

Mɔnnu 4:5

N bwisi kɑ lɑɑkɑri nɛnuɔ, n ku win ɡere duɑri,

Mɔnnu 8:1

I swɑɑ dɑkio. Bwisi yi ɡbɑ̃rɑmɔ, yɛ̃ru tɑ nɔɔɡiru sue.

Mɔnnu 9:1

Bwisi yi ɡbere dɑmɡii nɔɔbɑ yiru kuɑ, yi kɑ yin diru bɑnisi.

Esɑi 51:17

Wunɛ Yerusɑlɛmu, ɑ dom yɑndo, ɑ seewo, wunɛ wi ɑ nɔrɑ suɑ Yinni Gusunɔn nɔmun di ye yɑ win mɔru yibɑ, mɑ ɑ ye nɔrɑ sere kɑ yen kɔrɔnɔ. Wee, yɑ nun ɡoomɔ.

Yeremi 31:33

Tɛ̃, ɑrukɑwɑni kpɑɑ ye wee, ye kon kɑ Isirelibɑ bɔke. Nɛ, Yinni Gusunɔ, kon de nɛn woodɑbɑ bɑ n wɑ̃ɑ ben bwisikunu sɔɔ, kpɑ n ye yorusi ben ɡɔ̃rusɔ. Kpɑ nɑ n sɑ̃ɑ ben Yinni, kpɑ be, bɑ n mɑɑ sɑ̃ɑ nɛn tɔmbu.

Osee 4:6

Wee nɛn tɔmbɑ ɡbimɔ yèn sɔ̃ bɑ ǹ mɑn yɛ̃. Adɑmɑ wunɛn tii, ɑ yinɑ ɑ mɑn wurɑ. Yen sɔ̃, kon nun yinɑ kpɑ ɑ kun mɑɑ sɑ̃ɑ nɛn yɑ̃ku kowo tɔnwero. Nɡe mɛ ɑ nɛ, Yinni Gusunɔn woodɑbɑ duɑri, nɡe mɛyɑ kon mɑɑ wunɛn bibu duɑri.

Sɔ̃ɔsiru 4:23

I n tii sɛ kpɑ i ku duɑri ɑrukɑwɑni ye Gusunɔ bɛsɛn Yinni u kɑ bɛɛ bɔkuɑ. I ku rɑ tii bwɑ̃ɑrokunu kuɑ ni nu kɑ ɡɑ̃ɑnu weenɛ ni u bɛɛ yinɑri i ko.

Sɔ̃ɔsiru 4:9

I n tii sɛ kpɑ i ku duɑri bɛɛn wɑ̃ɑru kpuro sɔɔ ye i wɑ kɑ nɔni. I ku mɑɑ de yu yɑri bɛɛn ɡɔ̃run di. I ye bɛɛn bibu kɑ mɑɑ bɛɛn bibun bibu nɔɔsio.

Sɔ̃ɔsiru 5:16

Su bɛsɛn tundobu kɑ bɛsɛn mɛrobu bɛɛrɛ wɛ̃ɛyɔ nɡe mɛ wi, Gusunɔ bɛsɛn Yinni u sun yiire kpɑ bɛsɛn wɑ̃ɑru tu dɑkɑɑ dɑ kpɑ sɑ n bɔri yɛndu mɔ tem mɛ u sun wɛ̃ sɔɔ.

Sɔ̃ɔsiru 5:33

I swɑɑ ye swĩiyɔ mɑm mɑm kpɑ bɛɛn wɑ̃ɑru tu dɑkɑɑ dɑ kpɑ i n bɔri yɛndu mɔ tem mɛ wi, Gusunɔ bɛsɛn Yinni u koo bɛɛ wɛ̃ sɔɔ.

Sɔ̃ɔsiru 8:1

I woodɑ be mɛm nɔɔwɔ be nɑ bɛɛ wɛ̃ɛmɔ ɡisɔ kpɑ bɛɛn hunde yu dɑkɑɑ dɑ, kpɑ i mɑrurɑ i dɑbiɑ, kpɑ i du tem mɛ sɔɔ, mɛ Yinni Gusunɔ u nɔɔ mwɛɛru kuɑ kɑ bɔ̃ri u nɛɛ, u koo bɛɛn bɑɑbɑbɑ wɛ̃.