Mɔnnu 28:5 - Bibeli Gusunɔn Gari

⁵ Tɔn kɔ̃sobu bɑ ku rɑ ɡem swɑɑ tubu, ɑdɑmɑ be bɑ rɑ Yinni Gusunɔ mɛm nɔɔwɛn mi, kpuro rɑ bu yeeriwɑ.

Mɔnnu 28:5 ပူးပေါင်းရင်းမြစ်များ

Womusu 119:100

Nɑ durɔ tɔkɔnu bwisi kere, domi nɑ wunɛn ɡere mɛm nɔɔwɑmmɛ.

Womusu 119:98

Wunɛn woodɑbɑ bɑ rɑ mɑn bwisi kɛ̃ n kere nɛn yibɛrɛbɑ. Domi nɑ rɑ n bu nɛniwɑ bɑɑdommɑ.

Womusu 25:14

Yinni Gusunɔ, wi u nun nɑsie, wiyɑ ɑ rɑ wunɛn ɑsiri sɔ̃. Wiyɑ ɑ rɑ wunɛn ɑrukɑwɑnin woodɑbɑ ɡiɑsie.

Womusu 92:6

Yinni Gusunɔ, wunɛn sɔmɑ ye ɑ kuɑ yɑ kpɑ̃. Wunɛn bwisikunu nu duku.

Mɔnnu 15:24

Wi u bwisi mɔ, u rɑ wɑ̃ɑrun swɑɑ swĩiwɑ, kpɑ u swɑɑ deri ye yɑ dɔɔ ɡɔɔwɔ.

Mɔnnu 2:9

Nɛn bii, ɑ̀ n nɛn ɡɑri wurɑ, kɑɑ ɡem tubu. Kɑɑ n yɛ̃ ye yɑ sɑ̃ɑ dee dee. Ye kpurowɑ yɑ koo de ɑ n ɡeɑ mɔ̀.

Mɔnnu 24:7

Gɑri bɔkɔ kun kpɛ̃ u bwisin ɑsɑnsi ɡiɑ. Yen sɔ̃nɑ u ǹ kpɛ̃ u ɡɑri ɡere mi bɑ sirimɔ.

Esɑi 1:3

Nɑɑ kinɛnu nu rɑ n nin kpɑro yɛ̃. Kɛtɛkunu nu rɑ n mɑɑ yɛ̃ mi nin yinni u rɑ nu dĩɑnu yiiye. Adɑmɑ nɛn tɔmbu Isirelibɑ bɑ ǹ mɑm kĩ bu ɡɑ̃ɑnu ɡiɑ. Bɑ ku rɑ ɡɑ̃ɑnu tubu.

Esɑi 44:18

Adɑmɑ tɔn ben bweseru, bɑ ǹ yɛ̃ru mɔ, bɑ ǹ mɑɑ bwisi mɔ. Domi bɑ tii nɔni wɔ̃kuɑ bu ku kɑ yɑm wɑ. Mɛyɑ bɑ mɑɑ ben tiin bwisikunu sĩiyɑ, kpɑ ɡɑ̃ɑnu nu ku kɑ bu yeeri.

Esɑi 6:9

Mɑ u mɑn sɔ̃ɔwɑ u nɛɛ, ǹ n mɛn nɑ, n doo n Isirelibɑ ɡɑri yini sɔ̃ n nɛɛ, wee bɑ ko n dɑ kɑsu bu win ɡɑri nɔ, ɑdɑmɑ bɑ ǹ yi nɔɔmɔ. Bɑ ko n dɑ kɑsu bu wɑ, ɑdɑmɑ bɑ ǹ ɡɑ̃ɑnu wɑsi.

Yeremi 4:22

Mɑ Yinni Gusunɔ u nɛɛ, wee, nɛn tɔmbu bɑ ǹ bwisi mɔ. Mɛyɑ bɑ ǹ mɑn yɛ̃. Bɑ sɑ̃ɑwɑ ɡɑri bɑkɑsu. Bɑ kɔ̃sɑn kobun bwisi mɔ, ɑdɑmɑ bɑ ǹ ɡeɑn kobu yɛ̃.

Amɔsu 3:10

Bɑ ku rɑ kɑ̃ bu ɡeɑ ko. Mɑ bɑ ɑrumɑni ɡurɑmɔ kɑ dɑm kɑ tɑki, bɑ tɑɑsimɔ ben sinɑ kpɑɑnɔ.

Yohɑnu 7:17

Goo ù n kĩ u Gusunɔn kĩru ko, u koo ɡiɑ nɡe mɛ nɛn sɔ̃ɔsirɑ sɑ̃ɑ, ǹ n Gusunɔɡirun nɑ, ǹ n mɑɑ nɛn tiiɡirun nɑ.

Yɑkɔbu 1:5

Bwisi yì n bɛɛn ɡoo kɔmiɛ u Gusunɔ bikio, u koo nùn yi wɛ̃ domi Gusunɔ wiyɑ u yi tɔmbu kpuro wɛ̃ɛmɔ kɑ nuku tiɑ ɡerusibu sɑri.

Yohɑnu I 2:20

Adɑmɑ bɛɛ i Hunde Dɛɛro mwɑ Kirisin min di mɑ bɛɛ kpuro i kuɑ yɛ̃ruɡibu.

Yohɑnu I 2:27

Adɑmɑ bɛɛ, Hunde Dɛɛro wi i mwɑ Kirisin min di, u wɑ̃ɑ bɛɛ sɔɔ. Yen sɔ̃, i ǹ ɡoon bukɑtɑ mɔ wi u koo bɛɛ ɡɑ̃ɑnu keu koosiɑ. Adɑmɑ yèn sɔ̃ Hunde Dɛɛro wi, u bɛɛ ɡɑ̃ɑnu bɑɑnire keu koosiɑmɔ, ni nu sɑ̃ɑ ɡem, n ǹ mɔ weesu, yen sɔ̃, i n kɑ Kirisi mɑninɛ, nɡe mɛ Hunde Dɛɛro u bɛɛ sɔ̃ɔsi.