Mɔnnu 26:25 - Bibeli Gusunɔn Gari

²⁵ Bɑɑ ù n ɡɑri ɡerumɔ kɑ kĩru, ɑ ku yi wurɑ, domi win ɡɔ̃ruɔ kɔ̃sɑ yɑ yibɑ mɑm mɑm.

Mɔnnu 26:25 ပူးပေါင်းရင်းမြစ်များ

Nɛɛmi 6:2

Yerɑ Sɑmbɑlɑ kɑ Gesɛmu bɑ mɑn ɡɔriɑ bɑ nɛɛ, n nɑ su wesiɑnɔ ko Kefirimuɔ Onɔɔn wɔwɑɔ. N deemɑ kɔ̃sɑ tɔn be, bɑ bwisikɑ bu mɑn kuɑ.

Womusu 12:2

Yinni Gusunɔ, ɑ nɑ ɑ sun fɑɑbɑ ko. Wee ɡemɡibɑ doonɑ. Nɑɑnɛɡii ɡoo mɑɑ sɑri hɑnduniɑ sɔɔ.

Womusu 28:3

A ku mɑn ɡɑrisi tiɑ kɑ tɔn kɔ̃sobu, kɑ be bɑ mɑɑ kɑ ben winsim ɡɑri mɔ̀ nɡe kĩru, ɑdɑmɑ ben ɡɔ̃ruɔ kɔ̃sɑ yɑ yibɑ.

Mɔnnu 23:7

Domi u sɑ̃ɑwɑ nɡe bwisiku ni nu wɑ̃ɑ win ɡɔ̃ruɔ. U koo nɛɛ, ɑ dio, ɑ nɔruo. Adɑmɑ n ǹ mɛ win ɡɔ̃ruɔ.

Mɔnnu 26:23

Gɑri dori yi yi tɔnun ɡɔ̃ru kɔ̃su beruɑ, yi sɑ̃ɑwɑ nɡe sii ɡeesun bisu si bɑ mɑni sɔndu sɔɔ.

Yeremi 12:6

Domi wunɛn mɛro bisibu kɑ wunɛn yɛnuɡibu bɑ nun nɑɑnɛ sɑrirun kom kuɑmmɛ. Wee bɑ nun nɔɔɡiru suemɔ biruɔ. A ku bu nɑɑnɛ ko, bɑɑ bɑ̀ n nun ɡɑri dori sɔ̃ɔmɔ.

Misee 7:5

Yen sɔ̃, ɑ ku wunɛn berusebu nɑɑnɛ ko. A de ɑ wunɛn yɑrɑ nɛnɛ wunɛn tiin kurɔn wuswɑɑɔ.

Mɑteu 24:23

Sɑɑ ye sɔɔ, ɡoo ù n bɛɛ sɔ̃ɔwɑ u nɛɛ, Kirisi wi, u wɑ̃ɑ mini, ǹ kun mɛ u wɑ̃ɑ ɡiɔ, i ku rɑ nɑɑnɛ ko.

Sɑmuɛli I 18:17

Mɑ Sɔɔlu u Dɑfidi sɔ̃ɔwɑ u nɛɛ, nɛn bii wɔndiɑ ɡbiikoo Mɛrɑbuwɑ kon nun kɛ̃ kurɔ. Adɑmɑ ɑ de ɑ n sɑ̃ɑ dɑmɡii kpɑ ɑ Yinni Gusunɔ sɑnnɑ. Domi Sɔɔlu u bwisikɑ u nɛɛ, u ǹ kĩ u nùn ɡo win tii, Filisitibɑrɑ u koo nùn bɔrie.