Mɔnnu 25:3 - Bibeli Gusunɔn Gari

³ Nɡe mɛ sɑ ǹ yɛ̃ mi wɔllun ɡunum mu yɔ̃ kɑ mi tem dukum mu yɔ̃rɑ, nɡe mɛyɑ sɑ ǹ mɑɑ sinɑmbun ɡɔ̃rusu yɛ̃.

Mɔnnu 25:3 ပူးပေါင်းရင်းမြစ်များ

Womusu 103:11

Adɑmɑ nɡe mɛ sɔ̃ɔ yɑri yeru tɑ kɑ sɔ̃ɔ duu yeru tondinɛ, nɡe mɛyɑ u rɑ mɑɑ bɛsɛn torɑnu tondɑsie. Nɡe mɛ wɔllɑ kɑ tem tomɑ, nɡe mɛyɑ win durom mu kpɑ̃ɑru nɛ be bɑ nùn nɑsien mi.

Mɔnnu 25:2

Sɑ rɑ Gusunɔ bɛɛrɛ wɛ̃ yèn sɔ̃ u rɑ ɡɑ̃ɑnu ko ni sɑ ǹ kpɛ̃ su tubu. Sɑ rɑ sinɑmbu bɛɛrɛ wɛ̃ yèn sɔ̃ bɑ rɑ ɡɑ̃ɑnu wɛ̃ɛri.

Mɔnnu 25:4

Bɑ̀ n sisun disinu sɔwɑ, seko u koo kpĩ u kɑ su ɡɑ̃ɑ burɑnu ko.

Esɑi 55:9

Nɡe mɛ wɔllɑ kɑ tem tomɑ, nɡe mɛyɑ mɑɑ nɛn bwisikunu kɑ nɛn kookoosu kɑ bɛɛɡisu tondinɛ.

Esɑi 7:11

u nùn yĩreru bikio u n kɑ win ɡere nɑɑnɛ sɑ̃ɑ. U koo kpĩ u bikiɑ tu nɑ wɔllun di, ǹ kun mɛ ɡɔrin di.

Romu 8:39

kɑ ye yɑ wɑ̃ɑ wɔllɔ, kɑ ye yɑ wɑ̃ɑ tem sɔɔwɔ, kɑ tɑkɑ koorɑ ɡɑɑ, yen ɡɑɑ kun kpɛ̃ yu sun kɑrɑnɑ kɑ Gusunɔn kĩru te tɑ sɔ̃ɔsirɑ Yesu Kirisi bɛsɛn Yinni sɔɔ.

Piɛɛ I 1:7

Lɑɑkɑri mɛɛri bi, bu bɛɛn nɑɑnɛ dokebu wɛ̃ɛrimɔ. Nɡe mɛ bɑ rɑ wurɑ mɛɛri kɑ dɔ̃ɔ, bɑɑ mɛ yɑ koo kɑm ko, nɡe mɛyɑ bɑ bɛɛn nɑɑnɛ dokebu mɛɛrimɔ, bi bu wurɑ bɛɛrɛ kere ɡem ɡem, bu kɑ bin dɑm ɡiɑ. Kpɑ i siɑrɑbu kɑ yiiko kɑ bɛɛrɛ wɑ sɑnɑm mɛ Kirisi koo kurɑmɑ.