Mɔnnu 24:1 - Bibeli Gusunɔn Gari

¹ A ku tɔn kɔ̃sobun wɑ̃ɑru binɛ ko. A ku kĩɑ ɑ n kɑ bu wɑ̃ɑ.

Mɔnnu 24:1 ပူးပေါင်းရင်းမြစ်များ

Womusu 1:1

Wi u sɑ̃ɑ doo nɔɔruɡii, wiyɑ u ku rɑ tɔn kɔ̃sobun ɡɑri nɔ. Wiyɑ u ku rɑ durumɡibu swĩi. Wiyɑ u ku rɑ n wɑ̃ɑ kɑ be bɑ Gusunɔ ɑtɑfiiru mɔ̀.

Womusu 26:9

Yinni Gusunɔ, ɑ ku de n ɡbi kɑ durumɡibu sɑnnu. A ku de n kɑm ko kɑ be bɑ tɔmbun yɛm yɑrimɔ sɑnnu.

Womusu 37:1

Dɑfidin womu. A ku tii nɔwiɑ ko tɔn kɔ̃sobun sɔ̃. A ku kɑ kɔ̃sɑn kowobu kinɛnu ko.

Womusu 37:7

Wi u kpĩɑ u kɔ̃sɑ kuɑ ye u ɡɔ̃ru doke, ɑ ku tii nɔwiɑ ko win sɔ̃. A n mɑɑri kpɑ ɑ n Yinni Gusunɔ swɑɑ dɑki.

Womusu 73:3

Domi nɑ rɑɑ kɑ ɡɑri bɑkɑsu nisinu kuɑ yèn sɔ̃ nɑ wɑɑmɔ tɔn kɔ̃sobu bɑ nuku dobu mɔ̀.

Mɔnnu 13:20

Wi u rɑ bwisiɡii bere, u koo bwisi wɑ. Wi u rɑ n mɑɑ wɑ̃ɑ kɑ ɡɑri bɑkɑsu, u koo kɔ̃sɑ wɑ.

Mɔnnu 23:17

A ku tɔn kɔ̃sobun wɑ̃ɑru binɛ ko, ɑdɑmɑ ɑ n dɑ Gusunɔ mɛm nɔɔwɛ.

Mɔnnu 24:19

A ku tii nɔwiɑ ko kɔ̃sɑn kowobun sɔ̃. A ku mɑɑ ye bɑ mɔn binɛ ko.

Mɔnnu 3:31

A ku tɔn kɔ̃sobun dɑɑ kĩɑ, ɑ ku mɑɑ ben yirɑ swĩi.

Mɔnnu 4:14

A ku tɔn kɔ̃sobun dɑɑ sɑɑri. A ku mɑɑ ben yirɑ swĩi.

Mɔnnu 4:15

A ye derio, ɑ ku ye swĩi. A ye dukɑ suurio n tomɑ.