Mɔnnu 22:7 - Bibeli Gusunɔn Gari

⁷ Gobiɡiiwɑ u rɑ n sɑ̃ɑro nɔmɑ sikerenɛ. Wi u mɑɑ bɔkurɑmɔ u sɑ̃ɑwɑ wi u nùn bɔkurɑmɔn yoo.

Mɔnnu 22:7 ပူးပေါင်းရင်းမြစ်များ

Sinɑmbu II 4:1

Sɔ̃ɔ teeru kurɔ ɡoo u nɑ Eliseen mi. N deemɑ win durɔ u rɑɑ wɑ̃ɑwɑ Gusunɔn sɔmɔn bwɑ̃ɑbu wuuru sɔɔ. Yerɑ kurɔ wi, u Elisee nɔɔɡiru sue u nɛɛ, wee nɛn durɔ wi u sɑ̃ɑ wunɛn sɔm kowo u ɡu. A mɑɑ yɛ̃ mɑ u Yinni Gusunɔ nɑsie. Yerɑ u durɔ ɡoon dibu nɛni. Durɔ wiyɑ u nɑ u nɛn bibu yiru mwɑ. U bu kuɑ yobu.

Mɔnnu 14:31

Wi u sɑ̃ɑro dɑm dɔremɔ, u win tɑkɑ kowo torɑrimɔwɑ, ɑdɑmɑ wi u nùn wɔnwɔndu kuɑ, u tɑkɑ kowo wi bɛɛrɛ wɛ̃ɛmɔwɑ.

Mɔnnu 18:23

Sɑ̃ɑro u rɑ ɡɑri ɡerewɑ kɑ wɔnwɔndu, ɑdɑmɑ ɡobiɡii u rɑ ɡerewɑ kɑ dɑm.

Mɔnnu 22:16

Wi u sɑ̃ɑro dɑm dɔremɔ win ɡobi yi kɑ kpɛ̃ɑ, kɑ wi u ɡobiɡii ɡɑ̃ɑnu kɛ̃mɔ, be kpurowɑ bɑ tii sɑ̃ɑru kpɛ̃ɛmɔ.

Mɔnnu 22:22

A ku sɑ̃ɑron ɡɑ̃ɑnu wɔrɑ win dɑm sɑrirun sɔ̃. A ku mɑɑ wɔnwɔndo dɑm dɔre siri yerɔ.

Esɑi 24:2

yɑ̃ku kowobu kɑ tɔn dirobu, yinnibu kɑ yobu, wi u dɔrɑmɔ kɑ wi u dwemɔ, wi u mɔ bɑ bɔkurɑmɔ kɑ wi u bɔkurɑmɔ, wìn dibu bɑ nɛni kɑ wi u dibu nɛni.

Amɔsu 2:6

Nɛ, Yinni Gusunɔ nɑ nɛɛ, bɛɛ Isirelibɑ, bɛɛn torɑnu nu kpɛ̃ɑ. Yen sɔ̃, nɑ ǹ nɛn himbɑ ɡɔsiɑmɔ. Domi i ɡemɡibu dɔrɑ i kɑ bɛɛn dibu wɑ i mwɑ. Mɑ i kɑ sɑ̃ɑrobu bɑrɑnun ɡobi kɔsinɑmɔ.

Amɔsu 4:1

Bɛɛ Sɑmɑrin tɔn kurɔbu, bɛɛ be i dimɔ i bɔriɑmɔ nɡe Bɑsɑnin nɑɑ ɡbiibi yi yi wɑ̃ɑ Sɑmɑrin ɡuurɔ, i wɔnwɔndobu dɑm dɔremɔ, i bwɛ̃ɛbwɛ̃ɛbu tɑki dimɔ, mɑ i bɛɛn durɔbu sɔ̃ɔmɔ bu kɑ tɑm nɑ i nɔ. Tɛ̃, i swɑɑ dɑkio i nɔ.

Amɔsu 8:4

Yinni Gusunɔ u nɛɛ, i swɑɑ dɑkio bɛɛ be i sɑ̃ɑrobu dɑm dɔremɔ. Mɑ i bwɛ̃ɛbwɛ̃ɛbu kɑm koosiɑmɔ.

Amɔsu 8:6

Sɑ ko wɔnwɔndobu dwe kɑ ɡobi, kpɑ su sɑ̃ɑrobu kɑ bɑrɑnun ɡobi kɔsinɑ.

Mɑteu 18:25

Wee, durɔ wi kun ɡɑ̃ɑnu mɔ u kɑ dii bi kɔsiɑ. Mɑ win yinni nɛɛ bu nùn dɔro kɑ win kurɔ kɑ win bibu kɑ ye u mɔ kpuro bu kɑ dii bi kɔsiɑ.

Yɑkɔbu 2:6

Adɑmɑ bɛɛ i sɑ̃ɑro be ɡɛmɑ. N ǹ dukiɑɡii berɑ bɑ bɛɛ dɑm dɔremɔ bɑ bɛɛ ɡɑwɑmɔ bɑ kɑ dɑɑmɔ siri yerɔ?

Yɑkɔbu 5:1

Tɛ̃ bɛɛ dukiɑɡibu, i mɑn swɑɑ dɑkio. I swĩiyɔ kpɑ i n ɑrɑru mɔ̀ wɑhɑlɑ ye yɑ bɛɛ sisien sɔ̃.

Yɑkɔbu 5:4

Wee, i ǹ sɔm kowobu ben ɡobi kɔsie be bɑ kɑ bɛɛ dĩɑnu ɡurɑ ɡberɔ, mɑ ɡobi yi, yi wuri mɔ̀. Dĩɑ ɡuro ben wuri mɑɑ dumɔ wɔllu kɑ tem Yinnin swɑɑ sɔɔ.