Mɔnnu 22:18 - Bibeli Gusunɔn Gari

¹⁸ A yi dokeo wunɛn ɡɔ̃ruɔ kpɑ ɑ n sɔɔru sɑ̃ɑ ɑ kɑ yi ɡere. Sɑɑ ye sɔɔ, kɑɑ n nuku dobu mɔ.

Mɔnnu 22:18 ပူးပေါင်းရင်းမြစ်များ

Womusu 119:103

Wunɛn ɡɑri yi tim dobu kere nɛn nɔɔwɔ.

Womusu 119:111

Wunɛn ɡɑri sɑ̃ɑwɑ nɛn tubi kɑ bɑɑdommɑɔ, domi yi sɔɔrɑ nɛn ɡɔ̃ru dobu wɑ̃ɑ.

Womusu 119:13

Nɑ nɔɔɡiru suɑ nɑ wunɛn ɡere kpuro kpɑrɑ.

Womusu 119:162

Nɑ rɑ n nuku dobu mɔ wunɛn ɡɑri sɔɔ nɡe wi u dukiɑ bɑkɑ wɑ u ɡurɑ.

Womusu 119:171

A rɑ mɑn wunɛn woodɑbɑn keu sɔ̃ɔsi. A de wunɛn siɑrɑbu bu nɔɔrɑ nɛn nɔɔn di.

Womusu 19:10

Yinni Gusunɔn sɑ̃ɑru tɑ sɑ̃ɑ ɡem. Tɑ ko n wɑ̃ɑwɑ sere kɑ bɑɑdommɑɔ. Ye Yinni Gusunɔ u yi, yɑ sɑ̃ɑwɑ dee dee, yɑ rɑ tɔmbu kpuro siriwɑ.

Mɔnnu 10:13

Lɑɑkɑriɡiin ɡeren diyɑ bɑ rɑ bwisi wɑ, ɑdɑmɑ bokurɑ tɑ rɑ n ɡɑri bɔkɔ mɑrɑ.

Mɔnnu 10:21

Gemɡiin ɡɑri yi rɑ kɑ tɔn dɑbinu ɑrufɑɑni nɑɑwɛ, ɑdɑmɑ ɡɑri bɑkɑsu su rɑ ɡbiwɑ sɛkum lɑɑkɑri sɑrirun sɔ̃.

Mɔnnu 15:7

Bwisiɡibun nɔɔwɑ ɡɑ rɑ n yɛ̃ru kpɑrɑmɔ, ɑdɑmɑ bwisi sɑriruɡibun ɡɔ̃ru ɡɑ ǹ sɑ̃ɑ mɛ.

Mɔnnu 16:21

Wi u rɑ siri kɑ lɑɑkɑri, u bwisi mɔwɑ. Gɑri yi bɑ ɡeruɑ kɑ kĩru, yiyɑ yi rɑ tɔmbu kɑmiɛ.

Mɔnnu 2:10

Kɑɑ n bwisi mɔ, kpɑ yɛ̃ru tu nun nuku dobu wɛ̃.

Mɔnnu 22:19

Nɑ kĩwɑ ɑ Yinni Gusunɔ nɑɑnɛ ko. Yen sɔ̃nɑ kon nun ɡɑri yi sɔ̃ ɡisɔn di mɑm.

Mɔnnu 25:11

Gɑri yi bɑ ɡeruɑ sɑɑ ye n weenɛ, yi sɑ̃ɑwɑ nɡe ɡɑ̃ɑ ni bɑ burɑru kuɑ kɑ wurɑ ǹ kun mɛ kɑ sii ɡeesu.

Mɔnnu 3:17

Bwisi yi koo nun ɑlɑfiɑ wɛ̃, kpɑ ɑ n bɔri yɛndu mɔ wunɛn wɑ̃ɑrun swɛɛ kpuro sɔɔ.

Mɔnnu 4:20

Nɛn bii, ɑ nɛn ɡɑri nɔɔwɔ. A swɑɑ tem kpĩiyɔ ɑ nɔ bwisi yi kon nun kɛ̃.

Mɔnnu 4:21

A ku yi ɑtɑfiiru ko. A yi nɛnuɔ wunɛn ɡɔ̃run sɔɔwɔ.

Mɔnnu 8:6

I swɑɑ dɑkio, kon bɛɛ ɡɑri bɛɛrɛɡii sɔ̃. Ye kon ɡere kpuro yɑ sɑ̃ɑwɑ dee dee.

Yeremi 15:16

Wunɛn ɡɑri kpurowɑ nɑ swɑɑ dɑki. Mɑ nɑ yi doke ɡɔ̃ruɔ. Yiyɑ yi mɑn nuku dobu wɛ̃. Gusunɔ wɔllu kɑ tem Yinni, ɑ n yɛ̃ mɑ wunɛn yĩsirɑ nɑ sɔɔwɑ.

Mɑlɑsi 2:7

N weenɛwɑ yɑ̃ku kowobu bu tɔmbu Gusunɔn swɑɑ sɔ̃ɔsi. Domi ben min diyɑ bɑ rɑ nɔ ye u kĩ yèn sɔ̃ bɑ sɑ̃ɑ wi, wɔllu kɑ tem Yinnin sɔmɔbu.

Yohɑnu 7:38

Nɡe mɛ bɑ yoruɑ Gusunɔn ɡɑri sɔɔ bɑ nɛɛ, bɑɑwure wi u mɑn nɑɑnɛ doke, wɑ̃ɑrun bwii yi ko n kokumɔwɑ sɑɑ yɛ̃ron nukurun di.

Heberu 13:15

Ǹ n mɛn nɑ, sɑ n Gusunɔ siɑrɑmɔ sɑɑ Yesun min di kpeetim sɑri nɡe yɑ̃ku kobu, yerɑ sɑ n dɑ win yĩsiru siɑre kɑ bɛsɛn nɔɔ.